قازاقتىڭ ۇلتتىق ماسەلەسىن، كوشى-قون پروبلەمالارىن، مەملەكەتتىك ساياساتىن ۇزدىكسىز جازىپ كەلە جاتقان "قامشى كز" اقپاراتتىق پورتالى قازاق ەلىنىڭ 550 جىلدىعىنا وراي،  شىعارماشىلىق بايگە جاريالادى. جۇلدە قورى - 1 ميلليون تەڭگە!

جۋرناليستەر مەن اقىنداردىڭ قاتىسۋىنا مۇمكىندىك بەرەتىن  بايگەنىڭ باستى شارتى -  «قازاق ەلى كەشە عانا پايدا بولعان مەملەكەت ەمەس» جانە «ماڭگىلىك سالتانات قۇراتىن ۇلى ەل» دەيتىن ۇعىمدى ۇلىقتاۋى ءتيىس. جانە ول شىعارمالار«قامشى» پورتالىندا جاريالانادى. سونداي-اق، جۇلدەلى شىعارمالار جەكە كىتاپ بولىپ باسىلىپ شىعادى. بايگەگە ءباس تىككەن شىعارمالار 2015 جىلدىڭ 1 ناۋرىزىنا دەيىن قابىلدانىپ، ۇلىستىڭ ۇلى كۇنىندە قورتىندىلانادى.

ءبىلال قۋانىش, "قامشى.KZ" اقپاراتتىق پورتالىنىڭ باس رەداكتورى:

ەكى جانردا وتكىزىپ وتىرمىز. جۋرناليستەرگە ارنالعان ماقالالار بايگەسى جانە اقىندارعا ارنالعان جىر ءمۇشايراسى. كەز-كەلگەن تاقىرىپتا جازۋعا بولادى. قازاق كەشە عانا قالىپتاسقان مەملەكەت ەمەس جانە ماڭگىلىك سالتانات قۇراتىن ۇلى ەل دەگەن كەز-كەلگەن شىعارماعا سايتىمىزدان ورىن بەرەمىز.

- See more at: http://31.kz/video/show/id/4601#sthash.k8dagq8n.dpuf