بۇگىن مۇقىم ەلدىڭ ماسقاراسىن شىعارعان Havas Worldwide Kazakhstan جارنامالىق اگەنتتىگىنىڭ ءىسى المالى اۋدانىنىڭ № 2 سوت زالىندا قارالدى دەپ حابارلايدى Vlast.kz. سوڭعى ايلارداعى سونى تاقىرىپتىڭ سوڭعى نۇكتەسى سوت زالىندا قويىلدى. داۋدىڭ باسى «دۋەلدەن» باستالدى. قۇرمانعازىداي داناسىن ورىستىڭ باس اقىنىمەن بەتتەستىرىپ قويعانى تالاي قازاقتىڭ شامىنا ءتيدى. جالپى حالىقتىق نارازىلىققا تاپ بولعان تاقىرىپتىڭ ءتۇيىنى سوت زالىندا تارقاتىلدى. تامىز ايىندا الماتى قالاسىنىڭ سوتى شەشىمى بويىنشا جارناما اگەنتتىگىنىڭ ديرەكتورى داريا حاميتجانوۆا 129 640 (70 مرپ), ال اتالمىشش كومپانيا 185 200 (100 مرپ) كولەمىندە وتەماقى ايىپپۇل تولەگەن بولاتىن. قوسىمشا 34 ادامنىڭ قولى قويىلعان ارىز ناتيجەسىندە كومپانيا ءاربىر ارىز ءتۇسىرۋشى تۇلعاعا 1 ملن. تەڭگە كولەمىندە ايىپپۇل تولەسىن دەگەن شەشىم شىعاردى. بۇنداي ۇلكەن سومانى «تولەي المايمىزعا» كوشكەن جارناما اگەنتتىگىنىڭ ديرەكتورى 15 كۇن ىشىندە سوت شەشىمىنە شاعىم تۇسىرەتىندىكتەرىن مالىمدەدى. تاس تۇسكەن جەرىنە اۋىر دەگەندەي ارىزدانۋشىلار قۇرمانعازى اتىنداعى كونسەرۆاتوريا ۇجىمى ەكەن. ( 13 وقىتۋشى،11 ستۋدەنت، 10 ءانشى). جارناما اگەنتتىگىنە جالپى باق وكىلدەرى الدىندا كەشىرىم سۇراۋى مىندەتى دە جۇكتەلدى.

ايتپاقشى، ارىز بەرۋشى 34 ادامنىڭ قاتارى جاقىندا 68 بولىپ تولىعۋى مۇمكىن... 

ورحان باقىتبەك

"اباي-اقپارات"