سەيسەنبى, 19 قازان 2021
بيلىك 5723 0 پىكىر 29 قازان, 2014 ساعات 13:27

قازاقستاننىڭ تسيتاتاسى كوپ كەلتىرىلەتىن عالىمدارىڭ ەسىمدەرى بەلگىلى بولدى

قازاقستاندىق اۆتورلار الەمىندە كوبىنەسە فيزيكا عىلىمدارى سالاسىندا كوپ تسيتاتالار كەلتىرىلەدى.

عىلىم سالاسىندا سوزدەرى ءجيى تسيتاتالانىپ جۇرگەن قازاقستاندىق عالىمداردىڭ اتتارى انىقتالدى، -دەپ حابارلادى «ۇلتتىق عىلىمي-تەحنيكالىق اقپارات ورتالىعى» اق.

Thomson كومپانياسىنىڭ Web of Science عىلىمي ماقالالاردىڭ ءىرى الەمدىك  اقپاراتتىق بازاسى وزىنە قازاقستاندىق عىلىمي جاريالانىمدار تۋرالى 11 158 مالىمەتتى قوسادى.

اۆتورلاردىڭ ماقالالارى حالىقارالىق تاجىريبەگە سايكەس، جاريالانىم الدىندا ءادىس-تاسىلدەرى مەن جۇرگىزىلگەن زەرتتەۋ ساپاسىنا بايلانىستى، سونىمەن قاتار،  الىنعان ناتيجەلەردى دۇرىس جەتكىزۋگە بايلانىستى تاۋەلسىز ساراپتامادان وتكىزىلدى. جۇمىستى عىلىمي مويىنداتۋ وزگە عىلىمي ماقالالاردىڭ اۆتورلارىنىڭ ماقالانى تسيتاتالاۋ رەيتينگىسىمەن انىقتالادى، بۇل رەيتينگتى  اتالعان جۇيە اۆتوماتتى تۇردە ەسەپتەيدى.

فيزيكا عىلىمدارى سالاسىندا ەڭ كوپ تسيتاتالاناتىن ماقالانىڭ اۆتورى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى سەرگەي ودينتسوۆ اتاندى. فيزيكا-تەحنيكالىق ينستيتۋت عالىمدارىنىڭ – ەرنست بووس، بولات جاۋتىقوۆتىڭ، نيكولاي پوكروۆسكيدىڭ، اسەت باراقباەۆتىڭ  جوعارعى ەنەرگيالار فيزيكاسى سالاسىنداعى جاريالانىمدارى سۇرانىسقا يە. ورتالىقتا حيميا سالاسى بويىنشا عالىمدار ل.ن.گۋميلەۆ اتىنداعى ەۇۋ-نەن دينارا ءبىرىمجانوۆا مەن يرينا يرگيباەۆانىڭ جۇمىستارىن اتاپ وتۋدە.

«ەۇۋ-ءنىڭ فيزيكا-تەحنيكالىق فاكۋلتەتىنىڭ قىزمەتكەرلەرى پروفەسسور راتباي مىرزاقۇلوۆتىڭ جەتەكشىلىگىمەن شەتەلدىك ارىپتەستەرىمەن بىرلەسىپ ءتۇرلى ەلدەردىڭ زەرتتەۋشىلەرى تاراپىنان ۇلكەن قىزىعۋشىلىق تۋدىراتىن استروفيزيكا، كوسمولوگيا جانە دنق فيزيكاسى سالاسىندا زەرتتەۋلەر جۇرگىزۋدە. ۇساق اعزالار، وسىمدىكتەر مەن جانۋارلار بيوتەحنولوگياسى سالاسىنداعى ەڭ كوپ سىلتەمەلەر قر ۇلتتىق بيوتەحنولوگيالىق ورتالىعى قىزمەتكەرلەرى – ەرلان رامانقۇلوۆتىڭ، اينۇر سارسەنوۆانىڭ، يرينا كوۆالچۋكتىڭ، ەلەنا ليۋدۆيكوۆانىڭ، ماريام ۆولگينانىڭ، يۋري گراچەۆتىڭ، امانقۇل بەكەنوۆتىڭ جانە ولاردىڭ شەتەلدىك ارىپتەستەرىنىڭ جاريالانىمدارىنا سايكەس كەلەدى»، - دەلىنگەن  تاراتىلعان اقپاراتتا.

يممۋنولوگيا سالاسىندا پروفەسسور جانات ىدرىسوۆانىڭ (س.ج.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى ) ۇمىتشاق سكلەروزى ماسەلەلەرىنە ارنالعان جۇمىسى ءجيى پايدالانىلىپ تسيتاتالانادى. 

Web of Science-تىڭ عىلىمي باسىلىمدارىندا ءجيى ۇسىنىلاتىن جۇمىستار قاتارىندا مەديتسينالىق گەنەتيكا  جانە ونكولوگيا سالاسىندا زەرتتەۋلەر جۇرگىزەتىن قازاقستاندىق عالىمداردىڭ ەكى جۇمىسى بار. ولار – جالپى گەنەتيكا جانە تسيتولوگيا ينستيتۋتىنان ايكەن اسقاپۇلى مەن قازاق ونكولوگيا جانە راديولوگيا عىلىمي-زەرتتەۋ ينستيتۋتىنان ساعىنبەك يگىسىنوۆ.

ديستسيپلينا ارالىق بولىپ تابىلاتىن، تەحنيكالىق عىلىمدار سالاسىندا جوعارى تسيتاتالاناتىن جۇمىس الەمدىك اتى بار قازاقستاندىق ارحەولوگ ۆيكتور زايبەرتكە (ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى) ءتان.

 

الەۋمەتتىك عىلىمدار سالاسىنداعى ەڭ ءجيى دايەكتەلەتىن، ارحەولوگيا مەن انتروپولوگيا ماسەلەلەرىن قاراستىراتىن ماقالا ۆاشينگتون ۋنيۆەرسيتەتىنىڭ اۆتورلار توبىنىڭ قاتىسۋىمەن  قازاق ارحەولوگيا ينستيتۋتىنىڭ قىزمەتكەرى الەكسەي مارياشەۆ جاريالاعان.

وسى رەسۋرس باسىلىمدارىندا ەڭ بەلسەندى قازاقستاندىق جاريالانىمداردىڭ اۆتورلارى - ءال-فارابي اتىنداعى قازۇۋ، ل.ن.گۋميلەۆ اتىنداعى ەۇۋ، نازارباەۆ ۋنيۆەرسيتەتى مەن ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ وكىلدەرى.

«جالپى العاندا سوڭعى 3 جىلدا شەتەلدىك عىلىمي باسىلىمدارداعى قازاقستاندىق جاريالانىمداردىڭ سانى 2 ەسەدەن دە ارتتى، بۇل ۇلتتىق جازىلۋلاردىڭ حالىقارالىق ەلەكتروندى اقپارات كوزدەرىنە تىركەلۋىنىڭ تىكەلەي ناتيجەسى بولىپ تابىلادى»، - دەپ حابارلاندى ۇلتتىق عىلىمي-تەحنيكالىق اقپارات ورتالىعىندا.

2011 جىلدىڭ قازانىندا قر بعم تاپسىرماسى مەن قارجىلىق قولداۋىنىڭ ارقاسىندا «ۇلتتىق عىلىمي-تەحنيكالىق اقپارات ورتالىعى» اق العاش رەت حالىقارالىق ەلەكتروندى اقپارات كوزدەرىنە ۇلتتىق تىركەلۋ جۇمىستارىن جۇرگىزدى.

2011–2014 جىلدارى ThomsonReuters (Web of Science), Springer GmbH (Springerlink) ي Elsevier B.V. (ScienceDirect, Scopus) كومپانيالارىنىڭ اقپاراتتىق  بازالارىنا ۇلتتىق جازىلۋ بويىنشا سايكەس كەلىسىمدەرگە قول قويىلدى.

2014 جىلدىڭ قازانىنداعى جاعداي بويىنشا عىلىمي اقپاراتتىڭ تولىق ءماتىندى جانە رەفەراتتى رەسۋرستارىنا 250-دەن استام قازاقستاندىق عىلىمي جانە ءبىلىم بەرۋ ۇيىمدارى قوسىلدى.

Abai.kz 

0 پىكىر