بەيسەنبى, 30 مامىر 2024
ادەبيەت 8507 0 پىكىر 31 قازان, 2014 ساعات 12:55

تالعات ەشەنۇلى. قازاق-سوۆەت ادەبيەتى وكىلىنىڭ مونولوگى

كۇنى كەشە عوي، 
كوممۋنيزمدى ماقتاپ كوپ;
كۇن كوسەم عانا تاقپاق بوپ;
تاپ-تاپ بوپ جانە جاق-جاق بوپ;
وتانىمىزدى، وشاعىمىزدى ساتپاق بوپ;
جاقسى-جايساڭدى تۇگەلدەي اسىپ، اتپاق بوپ;

جانقالتامىزعا پارتبيلەتىمىز شاپ-شاق كەپ;
«بيلەتتەن قىمبات زات جوق» دەپ;
«سوۆەتتەن ءادىل سوت جوق» دەپ;
وتتاپ، 
وتتاپ كەپ، وتتاپ كەپ...
جۇيە ولگەندە،
ولمەستىڭ كۇيىن كەشكەندە – 
رەۆوليۋتسيادان قالعان توم-توم كىتابىمىزدى
تامىزىق قىلىپ جاقپاپ پا ەك؟!.

كۇنى كەشە عوي،
قۇدايدىڭ باسىنان،
قۇراننىڭ ۇستىنەن سەكىرىپ;
ەل بولا الماي وتىرىپ، 
قازاق بولعانىمىزعا وكىنىپ;
بالا-شاعانى «مامبەت قىلماۋعا» بەكىنىپ;
انا تىلدەرىن ايىرلاپ، ەكى قىپ;

قىزىلدان ىزدەپ تاقىرىپ;
قىزىل جۇلدىزعا شوقىنىپ;
قىزىل كوسەمدەر مەزگىلسىز قايتىس بولعاندا
وگىزدەي وكىرىپ;
قىزىل مىنبەرلەردە كوپىرىپ;
كوپىرىپ، كوپىرىپ...
جۇيە ولگەندە،
ولمەستىڭ كۇيىن كەشكەندە – 
رەۆوليۋتسيادان قالعان سوڭعى كىتابىمىزدىڭ اتىن 
«تاۋەلسىزدىك» دەپ قويا سالماپ پا ەك وتىرىك!

28.10.2014

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2432
ادەبيەت

«سولاي ەمەس پە؟»

عابباس قابىشۇلى 2751
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3224
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1830