بەيسەنبى, 28 ناۋرىز 2024
جاڭالىقتار 7999 0 پىكىر 30 قاراشا, 2014 ساعات 20:24

"دالا داۋىسى" راديوفەستيۆالىنىڭ گالا-كونتسەرتى ءوتتى

استانادا قاراشانىڭ 28-ءى كۇنى  III  حالىقارالىق «دالا داۋىسى» راديوفەستيۆالىنىڭ گالا-كونتسەرتى «قازمەديا ورتالىعىنىڭ» كينوكونتسەرت زالىندا ءوتتى.

 قازاق راديوسىنىڭ ءتول جوباسى -  «دالا داۋىسى 2014» راديوفەستيۆالى بيىلدا ەلوردا تورىندە وتكەن  سالتاناتتى كەشتە ء«داستۇرلى ءان»، «اكادەميالىق ورىنداۋشى»، «ەسترادالىق ورىنداۋشى»، «ەتنوەسترادا» جانە «جاڭا ەسىم» اتالىمدارى بويىنشا باق سىناپ، جەڭىمپاز اتانعان 20 ورىنداۋشى ماراپاتتالدى.

«دالا داۋىسى» راديوفەستيۆالى العاش رەت ەفيردە 2012 جىلى باستاۋ الىپ، قازاق مۋزىكاسى ارقىلى  انا ءتىلىمىزدى دۇنيەجۇزى ەلدەرىنە بارىنشا ناسيحاتتايتىن ەلىمىزدەگى ءبىرىنشى، ءارى جالعىز راديوفەستيۆال. باستى تالاپ –فەستيۆالعا قاتىسۋشىلاردىڭ، ءتىپتى ول شەت ەلدىك ۇمىتكەرلەر بولسا دا، قازاق ءانىن ناقىشىنا كەلتىرىپ ورىنداۋ. سول سەبەپتى دە از عانا ۋاقىت ىشىندە «دالا داۋىسى» جوباسى راديوفەستيۆال شەڭبەرىنەن اسىپ، بەدەلدى مۋزىكالىق شەرۋگە اينالىپ وتىر. 

اتالمىش جوبانىڭ باستى ماقساتى – قازاقتىڭ ءداستۇرلى جانە زاماناۋي اندەرىن حالىقارالىق دەڭگەيدە كەڭىنەن ناسيحاتتاۋ، ءسىڭىرۋ. ونەر الەمىنە جاڭا تالانتتاردى «جاڭا ەسىمدەردى» اشىپ تانىتۋ. ءار جىلدارداعى قازاقتىڭ ءان تاريحىن ۇمىتتىرماي، تىڭدارمانعا جۇلدەلەپ اققان قان تامىرىنداي جاقىن بولۋ.  «دالا داۋىسى - 2014»  ميليونداعان راديوتىڭدارمان  سۇيىكتى اندەرىنە 100 % داۋىس بەرۋى ارقىلى 41 ءانشىنى فينالعا وتكىزدى. ال، فينالدا 40% تىڭدارمانداردىڭ داۋىس بەرۋىمەن، 40% مامانداردىڭ ساراپتاۋىمەن، 20 %  قازاق راديوسىنىڭ كوركەمدىك كەڭەسىنىڭ شەشىمىمەن جانە ۇيىمداستىرۋ القاسىنىڭ تاڭداۋى ناتيجەسىندە جەڭىمپازدار انىقتالدى.

«دالا داۋىسى - 2014» راديوفەستيۆالىنىڭ لاۋرەاتتارى:

ء«داستۇرلى ءان» اتالىمى بويىنشا:

گۇلمارس امانباەۆا – «قامشىگەر»

قايرات كاكىموۆ – «ۇلكەن ايداي»

ارداق يساتاەۆا – ء«ىنجۋ- مارجان»

ءسابيت دابىلوۆ – «قۇمارىن تارقات»

 

 

«اكادەميالىق ورىنداۋشى» اتالىمى بويىنشا:

بيبىگۇل جانۇزاق پەن نۇرعالي تۇرلىبەكوۆ دۋەتى – «نازقوڭىر».

«ەسترادالىق ورىنداۋشى» اتالىمى:

 ءالي وقاپوۆ – «بيلە»

التىناي جوراباەۆا – «پەرزەنت پارىزى»

مارجان اراپباەۆا – «ارمانىما اسىعامىن»

قۇرماش ماحانوۆ – «كىرشىكسىز مۇڭ»

«زامان» توبى – «قاراكوزىم»

قايرات باەكەنوۆ جانە «فورمات» توبى – «ماحاببات»

«ەتنوەسترادالىق  ورىنداۋشى» اتالىمى:

اقىلبەك جاناباەۆ – «قازاقپىن»

شاحيريزات سەيداحمەت – «جەلدىرمە»

«جاڭا ەسىم» اتالىمى بويىنشا:

الداسپان توبى – «بوزتورعاي» قازاقستان

مارجان يساەۆا – «داۋرەن اي» قازاقستان

سايان دەمبيريەل –«اۋىلىم» رەسەي

ەكاتەرينا سىچەۆسكايا –«قازاقستانىم العا» بەلارۋسسيا

لانا فرانچەسكو – ء«اليا» لاتۆيا

ادريانا شەۆچەنكو -  «العاشقى كوكتەم» ۋكراينا

قاينار قاتپاەۆ – «استانا ارۋى» قىتاي حالىق رەسپۋبليكاسى

 

فەستيۆالعا قاتىسۋشىلار كەرەمەت ونەر كورسەتىپ، سالتاناتتى تۇردە مارپاتتالدى. جەڭىمپاز اتانعان ورىنداۋشىلارعا «دالا داۋىسىنىڭ» ەكسكليۋزيۆتى ستاتۋەتكاسى مەن ارنايى ديپلومىن ەلىمىزدىڭ ونەر جانە قوعام قايراتكەرلەرىمەن، دەپۋتاتتار تابىستادى. كەش ونەر سۇيەر قاۋىممەن راديوتىڭدارماندارىمىزدىڭ ويىنان شىعىپ، جوعارى دەڭگەيدە ءوتتى.

 

 مارجان نۇرجانوۆا

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522