سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
جاڭالىقتار 3187 0 پىكىر 25 جەلتوقسان, 2014 ساعات 08:45

قمدب: 365 كۇننىڭ ءتاپسىرى

2014 جىلدىڭ قاڭتارىندا ءدىن سالاسىنداعى ۋاكىلەتتى ورگان مەن قمدب-نىڭ اراسىندا ءوزارا ىنتىماقتاستىق تۋرالى كەلىسىمگە قول قويىلدى. ءدىني باسقارمانىڭ 2020 جىلعا دەيىنگى قىزمەتىن دامىتۋ تۇجىرىمداماسى قابىلداندى.

ەگيپەت پەن تۇركيانىڭ ءدىني باسقارمالارىمەن، ماسكەۋ قالاسىنداعى يسلام ۋنيۆەرسيتەتىمەن جاسالعان ۋاعدالاستىق شەڭبەرىندە ەلىمىزدىڭ 64 يمامى اتالعان ەلدەردە ءبىلىمىن جەتىلدىرۋدە.

رەسپۋبليكا بويىنشا مەشىتتەر جانىنداعى ساۋات اشۋ كۋرستارىندا 22 592 ادام ءدىني ءبىلىم الدى. ءدىن قىزمەتكەرلەرى 1 ملن. 168 مىڭنان استام تۇرعىندارىمىزعا ءدىن جايىندا حالىقتىڭ كوكەيىندە جۇرگەن سۇراقتارى بويىنشا اقپاراتتاردى جەتكىزدى.

وزەكتى ءدىني ماسەلەلەر بويىنشا، سونىڭ ىشىندە «تاكفىرشىلەر»، «حيجرات»، «جيھاد» ۇعىمدارى جانە قازىرگى زامان تۋرالى 23 ءپاتۋا شىعارىلدى.

قاسيەتتى رامازان ايىندا 17 280 تۇرمىسى تومەن وتباسىنا قايىرىمدىلىق كومەك كورسەتىلدى. ەلىمىز بويىنشا وسى ايدا 550 447 ادامعا اۋىزاشار بەرىلىپ، 480 رۋحاني شارالار وتكىزىلدى. 

قازىرگى ۋاقىتتا قمدب-نىڭ قۇرىلىمىندا 3 967 ءدىني ماماندار قىزمەت اتقارادى.

يمامدار كورپۋسىنىڭ ءدىني ءبىلىمىن تەرەڭدەتۋ جۇمىسى قولعا الىندى.

وسى رەتتە مەملەكەتتىك ورگاندارمەن بىرلەسىپ يمامداردىڭ بىلىكتىلىگىن كوتەرۋگە ارنالعان ارنايى كۋرستار ۇيىمداستىرىلىپ، اعىمداعى جىلدىڭ 9 ايىندا 1400-دەن استام ءدىن قىزمەتشىسى بىلىمدەرىن جەتىلدىردى.

يمامداردىڭ اتقارىپ جاتقان قىزمەتىنە لايىقتىعىن انىقتاۋ رەتىندە مەشىت يمامدارىن اتتەستاتسيالاۋ جۇمىستارى وتكىزىلدى. قمدب-نىڭ اتتەستاتسيالىق كوميسسياسى الماتى، جامبىل، قىزىلوردا، شىعىس قازاقستان وبلىستارى مەن الماتى قالاسىنىڭ 1031 يمام-مولداسى اتتەستاتسيادان وتكىزىلدى.

قمدب باسشىلىعى دىنگە سەنۋشىلەرگە اقپاراتتىق-ءتۇسىندىرۋ جۇمىستارىن جۇرگىزەتىن توپتاردىڭ قىزمەتىن ۇيىمداستىردى. قازىرگى كەزدە وتاندىق جەتەكشى 30 يسلامتانۋشىسىنان قۇرالعان قمدب-نىڭ 6 رەسپۋبليكالىق توبى قىزمەت اتقارۋدا. ۇستىمىزدەگى جىلى ولاردىڭ تاراپىنان 200 مىڭنان استام تۇرعىندى قامتىعان 1339 ءىس-شارالار وتكىزىلدى.

وڭىرلەردەگى  ءدىني قىزمەتكەرلەر اراسىنان دا جەرگىلىكتى اقپاراتتىق-ناسيحات توپتارى (جانت) جاساقتالدى. 264 بىلىكتى يمامنىڭ باسىن قۇرايتىن 68 توپ مۇشەلەرى ءتۇرلى الەۋمەتتىك توپتار اراسىندا 356  620 كەزدەسۋ وتكىزىپ، 1 ملن.  168 مىڭنان استام تۇرعىندارىمىزعا ءدىن جايىندا حالىقتىڭ كوكەيىندە جۇرگەن سۇراقتارى بويىنشا اقپاراتتاردى جەتكىزدى.

جاستار اراسىندا 1210 تاقىرىپتىق كەزدەسۋلەر، سەمينارلار، كونفەرەنتسيالار، دوڭگەلەك ۇستەلدەر ۇيىمداستىرىلدى. سونداي-اق اتالعان اۋديتورياعا  ارنالعان تاقىرىپتار شەڭبەرىندە 425 ماقالا جارىق كوردى.

اعارتۋشىلىق-ءتۇسىندىرۋ جۇمىسىنىڭ ناتيجەسىندە جات اعىمدار قاتارىندا جۇرگەن 302 وتانداسىمىز ءداستۇرلى دىنىمىزگە قايتارىلدى.

قمدب «زەكەت» قورىنىڭ باس كەڭسەسى ءار ءتۇرلى جاعدايلارىمەن كومەك سۇراپ كەلگەن مۇقتاج كىسىلەرگە قايىرىمدىلىق كومەك رەتىندە 1 ملن. تەڭگە  كولەمىندە كومەك كورسەتتى.

استانا مەن الماتىداعى قارتتار ۇيلەرىنەن 4 قارياعا كىشى قاجىلىققا تەگىن جولداما بەرىلدى. 

«مەكتەپكە جول» رەسپۋبليكالىق قايىرىمدىلىق اكتسياسى اياسىندا 6755 وتباسىنان شىققان بالالارعا  مەكتەپكە كەرەك-جاراقتارى ساتىپ اپەرىلدى.

جاستار ۇيىمدارىمەن بىرلەسە وتىرىپ قايىرىمدىلىق، سپورتتىق جانە سەنبىلىك تۇرىندە 255 شارالار وتكىزىلىپ، ءىس-شارالارعا 196 514 جاس بۋىن وكىلدەرى قاتىستى. ستۋدەنتتەر اراسىندا وتكىزىلگەن ء«بىز تازا قالانى قولدايمىز» اتتى سەنبىلىك اكتسياسىندا 20 مىڭعا جۋىق كوشەت اعاشتارى وتىرعىزىلدى.

اباي-اقپارات.

0 پىكىر