سارسەنبى, 7 جەلتوقسان 2022
اباي.tv 19695 0 پىكىر 1 قاڭتار, 2015 ساعات 13:35

گۇلبارشىن تەرگەۋبەكوۆا - اق ساۋلە

بەلگىلى ءداستۇرلى جانە ەسترادا ءانشىسى — گۇلبارشىن تەرگەۋبەكوۆا  ۇستىمىزدەگى جىلدىڭ قاڭتار ايىندا قازاقتىڭ داۋىلپاز اقىنى قاسىم امانجولوۆتىڭ سوزىنە جازىلعان، كومپوزيتور ءابىلاحات ەسپاەۆتىڭاق ساۋلەاتتى انىنە بەينەبايان ءتۇسىردى. بەينەبايان ءتۇسىرىلىمى اباي اتىنداعى قازاق مەملەكەتتىك وپەرا تەاترىندا ءوتتى. قويۋشى رەجيسسەرى جازۋشى، كينودراماتۋرگ، تەلەجورنالشى ديدار امانتاي.

          بەينەبايان ءاننىڭ ليريكالىق مازمۇنىنا ساي بيمەن كوركەمدەلگەن.  مىڭ بۇرالا بيلەگەن بالەتشى قىزداردىڭ ونەرى اسەم دە اسەرلى. جۇرەگىڭدى ەلىتىپ، ەستەتيكالىق-رۋحاني ءلاززات سىيلايدى. ءان مەن بي تولىقتاي تابيعي ۇيلەسىم تابا بىلگەن.

         اتالمىش بەينەبايان سءاۋىر ايىنان باستاپ 15-تەن استام وتاندىق تەلەارنالاردان كورسەتىلە باستادى. ال، ونىڭ تەلەۆيزيالىق تۇساۋكەسەرى كوپتەگەن تەلەارنالاردا سۇقبات تۇرىندە وتەدى دەپ جوسپارلانۋدا.

         حالىقارالىق جانە رەسپۋبليكالىق كونكۋرستاردىڭ لاۋرەاتى، ءانشى، پروديۋسەر، "قاسىمنىڭ اندەرى-اي" اتتى كونتسەرتتىك جوبانىڭ اۆتورى جانە پروديۋسەرى گۇلبارشىن ىبىرايقىزى تەرگەۋبەكوۆا 1971 جىلى 04 ناۋرىزدا قاراعاندى وبلىسىنا قاراستى ەگىندىبۇلاق اتتى اۋدان ورتالىعىندا دۇنيەگە كەلگەن.

         گۇلبارشىننىڭ ارعى باباسى قازاقتىڭ اتاقتى توبە بيلەرىنىڭ ءبىرى قاز داۋىستى قازىبەك بي. ول بىلاي تارالادى: قاراكەسەكتىڭ شانشارىنان كەلدىبەك، ودان قازىبەك بي، ءبيدىڭ ۇرپاعى سىرىمبەتتەن توقتىباي، ونىڭ ۇلى ءبىتىم، بىتىمنەن تەرگەۋبەك، تەرگەۋبەكتەن مۇحامەديار، مۇحامەدياردان ىبىراي. ىبىراي گۇلبارشىن تەرگەۋبەكوۆانىڭ اكەسى.

         گۇلبارشىن 1978-1988 جىلدارى بۇقار جىراۋ اۋدانىنا قاراستى امانگەلدى اۋىلىندا ورتا مەكتەپتە وقىپ، ەكى جىلعا جۋىق ارادا قارقارالى اۋداندىق (قالالىق) مادەنيەت ءۇيى مەن ساكەن سەيفۋللين اتىنداعى قاراعاندى وبلىستىق دراما تەاترىندا اكىمشىلىك-ۇيىمداستىرۋشى قىزمەتىندە بولادى.

         1990 جىلى ول قۇرمانعازى اتىنداعى الماتى كونسەرۆاتورياسىنا وقۋعا تۇسەدى. ونى 1995 جىلى ۆوكال (حالىق ءانى مەن دومبىرا) ماماندىعى بويىنشا ءبىتىرىپ شىعادى.

         كەيىنگى جىلدارى، 2000 جىلدارعا دەيىن ت.جۇرگەنوۆ اتىنداعى تەاتر جانە كينو ينستيتۋتىندا ءوز ماماندىعى بويىنشا ءدارىس بەرەدى.

         سوڭعى جىلدارى (ون بەس جىل بويى)  گۇلبارشىن تەرگەۋبەكوۆا تەك شىعارماشىلىقپەن اينالىسىپ كەلەدى.  ونىڭ رەپەرتۋارىندا قۇيقىلجىعان ارقا اندەرىمەن قاتار، بۇگىنگى زاماناۋي ەسترادالىق اندەر دە بار. ءبىرجان سال، اقان سەرى، ەستاي، ءمادي، مايرا، ۇكىلى ىبىراي جانە قاسىم امانجولوۆ اندەرى گۇلبارشىننىڭ ورىنداۋىندا اسا ءبىر حالىقتىق ورىنداۋشىلىق سيپاتقا يە بولادى.

         2012 جىلدان باستاپ گۇلبارشىن تەرگەۋبەكوۆا "قاسىمنىڭ اندەرى-اي" اتتى كونتسەرتتىك جوبانى قولعا الا باستادى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2532
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1560
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1817