بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
«سوقىر» فەميدا 4250 0 پىكىر 13 قاڭتار, 2015 ساعات 20:38

گەنەرالدىڭ قىزى كىنالى ەمەس... ەكەن!

راسىندا دا سولاي ما؟ سويلەپ كورەيىك:

وتكەن جىلدىڭ مامىر ايىندا قاراعاندىدا قارپول (قارجى پوليتسياسى) گەنەرالىنىڭ قىزىنىڭ قاتىسۋىمەن ورىن العان قىلمىستىق ىسكە كەشە عانا نۇكتە قويىلدى. ءسويتىپ ەل اراسىندا ايتىلىپ كەلە جاتقان ىرىڭ-جىرىڭ اڭگىمەلەر ءۇپ-ۇلكەن لەپ بەلگىسىمەن اياقتالدى: ياعني گەنەرالدىڭ قىزى ەكى بىردەي ادام ولىمىنە اكەلىپ سوققان جول-كولىك وقيعاسىنا كىنالى ەمەس ەكەن! قۇقىق قورعاۋ ورگاندارى تاراپىنان جارتى جىلدان استام ۋاقىتقا سوزىلعان تەرگەۋ-تەكسەرۋ امالدارى، اينالىپ كەلگەندە، وسىنداي شەشىمگە كەلىپ، قىلمىستىق ءىستى جاپتى. نەگە دەسەڭىز، «سۋبارۋ» مەن «نيۆا» اۆتوكولىكتەرى سوقتىعىسقان كەزدە «سۋبارۋدىڭ» رۋلىندە گەنەرالدىڭ قىزى مەرۋەرت شاباقباەۆا ەمەس، وسى كولىكتىڭ يەسى، ورىن العان جول-كولىك اپاتىنىڭ سالدارىنان قازا بولعان دياس تاجىعاليەۆ دەگەن ازامات بولىپتى. رەسمي ورىندار وسىنداي مالىمدەمە جاسادى.

ەسىمىزگە الا كەتەيىك، اتالىپ وتىرعان جول-كولىك اپاتى كەزىندە «نيۆا» ماركالى قىزمەت كولىگىمەن كەلە جاتقان قاراعاندىلىق ەۆگەني توكماكوۆ پەن «سۋبارۋ» اۆتوكولىگىندەگى دياس تاجىعاليەۆ قايتىس بولعان بولاتىن. جەدەل قوزعالعان قىلمىستىق ىسپەن اينالىسقان قۇقىق قورعاۋ سالاسى قىزمەتكەرلەرىنىڭ ايتۋلارىنا قاراعاندا، وقيعا ورىن العان كەزدە «سۋبارۋدىڭ» رۋلىندە دياس تاجىعاليەۆ بولعان كورىنەدى. الايدا بۇل بولجاممەن (ناقتى دالەل ەمەس، بولجام عانا) مارقۇم توكماكوۆتىڭ جاقىندارى مەن تۋىسقاندارى، ونىڭ ىشىندە جۇبايى ەۆگەنيا توكماكوۆا دا ءالى كۇنگە دەيىن كەلىسپەي وتىر. ەۆگەنيانىڭ ايتۋىنشا، گەنەرالدىڭ قىزى مەرۋەرت شاباقباەۆا ء«سۋبارۋدىڭ» جولاۋشىلار وتىراتىن بولىگىندە ەمەس، كەرىسىنشە رۋلىندە وتىرعان كورىنەدى. مۇنى ول اۆتوكولىكتىڭ جولاۋشىلار وتىراتىن جاق بولىگىنىڭ بىت-شىت بولىپ تالقاندالىپ كەتكەنىمەن تۇسىندىرەدى. ال اۆتوكولىكتىڭ جۇرگىزۋشىسى وتىرعان جاققا ءتىپتى ەشتەڭە بولماعان. ياعني، رۋلدە كىم وتىرسا دا امان قالاتىن ەدى. «جول-كولىك اپاتىنا كىنالى ادامنىڭ قازا بولۋىنا بايلانىستى قىلمىستىق ءىس جابىلدى دەپ تەرگەۋشى ماعان ءوز اۋزىمەن ايتتى، - دەيدى ەۆگەنيا توكماكوۆا، - ال مەن ازىرگە ءىس ماتەريالدارى قولىما قاشان تيەدى دەپ كۇتىپ ءجۇرمىن...»

ءيا-ءا-ءا، باي-باعىلاندار مەن باسشى قىزممەتكەرلەردىڭ بالالارى ءجيى «ارالاساتىن»، سونىڭ سالدارىنان جولاۋشىلارى «وپتوم» ءجيى ءولىپ جاتاتىن جول-كولىك وقيعالارىنا قاتىستى تاعى ءبىر قىلمىستىق ءىس وسىلايشا جابىلدى. ماقسات ۇسەنوۆ دەگەنىمىز اناۋ – ءبىر ەمەس، بىرنەشە رەت ء«تارتىپ بۇزىپ»، ادام ءولىپ جاتسا دا ايىپ تولەي سالۋدى «ادەتكە» اينالدىرىپ العان. گەنەرالدىڭ قىزى مىناۋ – ادام ءولىپ جاتسا دا «رۋلدە وتىرماعان» بولىپ شىعا كەلەتىن. «اۋزى قيسىق بولسا دا، باي بالاسى سويلەيتىن» زامان قازىر، ويتكەنى ءبارى زاڭدى عوي. سويتە تۇرا «زاڭ الدىندا حان دا ءبىر، قاراشا دا ءبىر» دەيمىز-اۋ!

مارات ماداليموۆ.

اباي.kz  

0 پىكىر