جۇما, 29 ناۋرىز 2024
جاڭالىقتار 4334 0 پىكىر 23 مامىر, 2014 ساعات 10:37

تايلاندتا كونستيتۋتسيا جويىلىپ، تسەنزۋرا ورنادى

 

"تايلاندتا اسكەري ۇكىمەت 2007 جىلعى كونستيتۋتسيانىڭ كۇشىن ءبىرجولاتا جويىپ، ينتەرنەتكە تسەنزۋرا ەنگىزدى" دەپ حابارلايدى Tengrinews.kz

 اسكەري ۇكىمەت وكىلدەرىنىڭ ۇلتقا جولداعان ۇندەۋىندە:  "ەلدەگى 2007 جىلعى كونستيتۋتسيانىڭ كۇشى ءبىرجولاتا تولىقتاي جويىلدى، ۋاقىتشا ۇكىمەتتىڭ قۇزىرەتى  توقتاتىلدى. سەنات بۇرىنعى قۇراممەن جۇمىس ىستەيدى جانە  بارلىق دەڭگەيدەگى سوتتار ارەكەت ەتەدى، كونستيتۋتسيا بويىنشا قۇرىلعان تاۋەلسىز ۇيىمدار جۇمىسىن جالعاستىرا بەرەدى" دەلىنگەن.

سونىمەن قاتار بۇيرىقتا، "ينتەرنەتتە ايتىلعان، داۋدىڭ ۋشىعۋىنا ىقپال ەتەتىن جانە جەككورۋشىلىكتى قوزدىراتىن كەز كەلگەن ءسوز، سونداي-اق بيلىككە قارسى شىعۋعا ۇندەۋگە باعىتتالعان اڭگىمەلەر مەن حابارلامالار ءۇشىن ابونەنت جەلىدەن شۇعىل اجىراتىلادى جانە اسكەري جاعداي زاڭى بويىنشا قىلمىستىق جازاعا تارتىلاتىن بولادى" دەلىنگەن.

ەستەرىڭىزگە سالا كەتسەك، بيلىككە قارسى اكتسيالاردىڭ تولاستاماۋىنا وراي، 20 مامىردا تايلاند ەلىندە اسكەر جاعداي جاريالانعان بولاتىن. اسكەريلەردىڭ ايتۋىنشا، اسكەري جاعداي بۇل بيلىكتى توڭكەرۋ ەمەس، ول ەلدە بەيبىتشىلىك پەن ءتارتىپ ورناتۋ ءۇشىن جاريالانعان. ال ەلدەگى جاعداي كومەندانتتىق ساعات ەنگىزۋگە اكەلىپ وتىر. Zakon.kz  سايتى اتالعان ەلدىڭ  تۇتاس اۋماعىندا كەشكى 10-نان تاڭعى بەسكە دەيىنگى ۋاقىت كومەندانتتىق ساعات بولىپ جاريالانعانىن جازدى. مۇنداي شەشىم دە ەل بيلىگى كەشە اسكەريلەر قولىنا وتكەننەن كەيىن قابىلدانعان.

سونىمەن قاتار تايلاندتا BBC, ءال-جازيرا، CNN سياقتى تەلەارنالاردىڭ دا ترانسلياتسيالارى توقتاتىلعان. اقش جانە باتىس ەلدەرى ەلدەگى ساياسي جاعدايلارعا الاڭداۋشىلىق ءبىلدىرىپ مالىمدەمەلەر جاسادى.

 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613