جۇما, 29 ناۋرىز 2024
جاڭالىقتار 8036 0 پىكىر 26 مامىر, 2014 ساعات 10:40

جالىن جۋرنالى ماراپاتتالدى

 

ۇلتتىق ادەبيەت، مادەنيەت جانە رۋحانيات سالالارىندا 1969-جىلدان بەرى ەلەۋلى ەڭبەك ەتىپ، ۇلتتىق رۋحتىڭ كەمەلدەنۋىنە ايانباي قىزمەت ەتىپ كەلە جاتقان «جالىن» جۋرنالى ەلىمىزدەگى باسىلىمدار اراسىندا ەڭ ءبىرىنشى بولىپ، تۇركى الەمىندەگى بەدەلدى ۇيىمداردىڭ ءبىرى - تۇركى الەمى جازۋشىلارى مەن ونەر قايراتكەرلەرى قورى (TÜRKSAV) تاعايىنداعان  «تۇركى الەمىنە قىزمەتى ءۇشىن» حالىقارالىق سىيلىعىنىڭ يەگەرى اتاندى.

حالىقارالىق مانگە يە بۇل سىيلىق پەن ارنايى ديپلوم «جالىن» جۋرنالىنىڭ باس رەداكتورى، قازاقستاننىڭ حالىق جازۋشىسى، «تۇركى تىلدەس حالىقتار اراسىنداعى ەڭ ۇزدىك الەم اقىنى» اتاعىنىڭ يەگەرى مۇحتار شاحانوۆقا قىرعىز ەلىنىڭ استاناسى بىشكەكتە 21-ءشى مامىردا سالتاناتتى تۇردە تابىس ەتىلدى.

تۇركى الەمى جازۋشىلارى مەن ونەر قايراتكەرلەرى قورى (TÜRKSAV) ءوز ساراپتاماسىندا جۋرنالعا: «جالىن» جۋرنالى جارىق كورە باستاعان العاشقى كۇننەن باستاپ-اق جاس قالامگەرلەردى ءوز شاڭىراعىنا جيناي ءبىلدى. ولاردى ۇلتتىق مۇددەگە باۋلىدى جانە كوپتەگەن قازاق جازۋشىلارى مەن اقىندارىنىڭ العاشقى ادەبي مەكتەبىنە اينالدى. جۋرنال ادەبي تۋىندىلاردى وقىرمان قاۋىمعا تانىستىرۋمەن قاتار قوعامدا ورىن العان سان-سالالى ماسەلەلەردىڭ بارىمەن قويان-قولتىق ارالاسىپ، قوعامدىق پىكىر قالىپتاستىرۋمەن كەلەدى. سونىمەن قاتار،  تۇركى الەمىنىڭ اقىن-جازۋشىلارىنىڭ ەڭبەكتەرى «تۇركى الەمىنىڭ قالامگەرلەرى» ايدارىندا تۇراقتى تۇردە جاريالانۋدا» دەپ باعا بەرە وتىرىپ،  «تۇركى الەمىنە قىزمەتى ءۇشىن» حالىقارالىق سىيلىعىن  «قازاق-تۇركى ادەبيەتىنىڭ وتكەنى، قازىرگى كەزى جانە بولاشاعى ءۇشىن سىڭىرگەن ەڭبەگى ءۇشىن» نەگىزدەمەسى بويىنشا تابىستادى.

 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616