جۇما, 29 ناۋرىز 2024
جاڭالىقتار 4543 0 پىكىر 27 مامىر, 2014 ساعات 12:03

قىتاي ساقتىعىن كۇشەيتىپ جاتىر

قىتاي ورتالىعىنىڭ قاۋىپسىزدىگى ەندى اۋەدەن قورعالماق. بۇل تۋرالى كەشە، دۇيسەنبىدە بەجىڭ قوعامدىق قاۋىپسىزدىگى باسقارماسى مالىمدەگەن. سين حۋا اگەنتتىگىنىڭ جازۋىنشا پوليتسيا تىكۇشاقتارى كۇنىنە سەگىز باعىت بويىنشا 2-3 رەتتەن ۇشىپ، بارلاۋ جاساماق. بارلاۋ ورىندارى نەگىزىنەن ترانسپورتتىق ورىندار، ساۋدا نۇكتەلەرى، تۋريستتىق ايماقتار، جىلدام ماگيسترالدى ايماقتار مەن تىعىز قونىستانعان اۋداندار.

بەجىڭ قاۋىپسىزدىك باسقارماسىنىڭ وكىلى يان دۋنفەننىڭ حاباراۋىنشا تىكۇشاقتار كەز-كەلگەن كۇماندى  جانە قولايسىز جاعدايلاردا كومەك پەن قولداۋ كورسەتەتىن بولادى. سونداي-اق تىكۇشاقتاردان تۇسىرىلگەن سۋرەتتەر بىردەن ساراپتاۋ توبىندا سارالانىپ وتىرادى.  

سونىمەن قاتار سەنبىدەن باستاپ جەر بەتى ترانسپورتتارىنىڭ دا قوزعالىسى قاداعالانىپ،  ونداعى قاۋىپسىزدىك شارالارى كۇشەيتىلدى. مىسالى قاڭتار ايىندا بەجىڭنىڭ التى جول قوزعالىس ستانسالارىندا اەروپورتتى مەتالل ىزدەۋ قۇرالدارى ورناتىلعان بولسا،  24 مامىردان باستاپ تاعى ءۇش ورتالىقتان بولەك ستانسالاردا ورناتىلعان.

قىتاي قاۋىپسىزدىك شارالارىن تەك ەل استاناسى بەجىڭدە عانا ەمەس، تۇتاس ەل اۋماعىندا كۇشەيتە ءتۇستى. ەستەرىڭىزدە بولسا 22 مامىردا ءۇرىمجى بازارلارىنىڭ بىرىندە بولعان جارىلىستان 39 ادام ءولىپ، 94 ادام ءتۇرلى جاراقاتتار العان ەدى. سونىمەن قاتار وسى قالانىڭ ۆوكزالىندا 30 ءساۋىر دە جارىلىس تىركەلىپ، ءۇش ادام قايتىس بولدى. وتكەن جىلى قازان ايىندا قىتاي استاناسى بەجىڭنىڭ تيان ان مىن الاڭىندا، ناۋرىز ايىندا كۋنميىڭ قالاسىندا تىركەلگەن  تەرروريستىك شابۋىلدار  قىتايدى قاۋىپسىزدىك شارالارى تۋراسىندا ارەكەتتەنۋگە ءماجبۇر ەتتى. 

 

اباي-اقپارات

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564