دۇيسەنبى, 3 قازان 2022
ءدىن 9845 0 پىكىر 30 مامىر, 2014 ساعات 12:06

قۇديار ءبىلال. قىمتانۋدىڭ ءمانى

حيدجاب دەمەي-اق قويايىق. سەبەبى، مۇسىلمان ايەلدەرىنە ءتان كيىم ۇلگىسى اتاۋىنىڭ ءوزى كەيىنگى كەزدەرى كەرى اسەرىن تيگىزە باستادى. ۇناتپايتىندار كوپ. حيدجاب كيگەننەن جالاڭاشتانىڭقىراپ جۇرگەندەر سۇيكىمدىرەك كورىنەدى. ەركەكتەرگە عانا ەمەس. جالپى جۇرتشىلىققا. حالىققا. ونىڭ سەبەبى... سەبەپ كوپ. ەڭ باستىسى  - حيدجاب كيگەندەر دە، ونى كيمەگەندەر دە نەگە قىمتانۋ قاجەتتىلىگىن جەتە تۇسىنبەيدى. راس، «بۇركەنشىكتەرىن ومىراۋلارىنا ءتۇسىرسىن. زەينەتتەرىن كورسەتپەسىن» دەگەن ايات بار. بۇل – پارىز. پارىز – ورىنداۋعا مىندەتتەلگەن امال. دەمەك، بۇركەنشىك جامىلعان قىز-كەلىنشەكتەردى كۇستانالاۋعا ءبىزدىڭ قاقىمىز جوق.

       مۇسىلماندىق كيىم ۇلگىسى – قورعان. ءسىز بەن بىزدەگى كىنارات – وسى «قورعان» ءمانىن جەتە تۇسىنبەۋىمىزدە. ءدىني تۇرعىدا ونى «يماننىڭ قورعانى»  دەپ ءبىر-اق اۋىز سوزبەن تۇيىندەۋگە بولادى. ال مانىنە بويلاساق... ەڭ باستى جايت – يسلامدىق ۇردىسپەن كيىنگەن قىز-كەلىنشەكتەر كوپشىلىك كوز سۇقتانۋىنان اۋلاق تۇرادى. «سۇقتانۋى» دەپ سىپايىلاپ ايتتىق. شىنتۋايتىنا كەلگەندە ول ءسوزدى «كوپشىلىكتىڭ ءلاززاتتى سەزىمىن قاناعاتتاندىرۋ» دەپ ۇعىنعان ءجون. ءدىني ۇعىمدا ول  - كوز زيناسى دەلىنەدى. سەبەبى، كوز تيەدى، سۇيەدى، ايمالايدى، ولتىرەدى. وزگەنى. سوسىن ءوزىن. سولاي بولا تۇرا كوشەگە ساندەنىپ شىعۋ مادەنيەتتىلىك ولشەمى دەپ قابىلدانادى. ءسانى، ءجۇرىسى، اشەكەي-ۇشەكەيى، وپا-دالابى، قىلىعى، تاعى دا باسقا ءسان-سالتاناتى كوپشىلىك نازارىن اۋدارىپ جاتسا، بارشا ايەل قاۋىمى وزدەرىن باقىتتى سەزىنەدى. بۇل – قالىپتى ءومىر سالتى.

     قازىر كوشەدە جارتىلاي جالاڭاشتانعان قىز-كەلىنشەكتەردە ەسەپ جوق. قاسىڭنان ولاي دا، بۇلاي دا وتەدى. ارالارىندا قىز جىبەك پەن بايانعا بالايتىن سۇلۋلار دا كەزدەسەدى. بىراق ەشقايسىسى سەلت ەتكىزبەيدى. قانشا كوز سۇقتانۋىنان ءوتىپ تونالعان سۇلۋلىقتا قادىر بولمايدى. قايتا جيرەنىش سەزىمىن تۋدىرادى. جەزوكشەلەردە الاۋ سەزىمنىڭ بولمايتىندىعى سوندىقتان. كوشەدەگى جەزوكشەلەر ەمەس. ءوزىمىزدى ايتام. ونىڭ ۇستىنە كوشە سۇلۋلىعىنا توياتتاپ ۇيىنە دىڭكەلەپ ارەڭ جەتكەن ەركەكتە قايبىر قاۋقار بولسىن. ونىڭ باعىنا ايەلى دە وعان ۇمسىنا قويمايدى. سەبەبى... دۇرىس. ول دا كوشەدەن كەلگەن. اجىراسۋدىڭ دا باستى سەبەبى سول. جەزوكشەلىك. بۇل – «زەينەتتەرىن كورسەتپەسىن» دەگەن اياتتىڭ ءمانى. 

Abai.kz

0 پىكىر