مەديتسينا قىزمەتكەرلەرى مەرەكەسى قارساڭىندا قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن تۋبەركۋلەز پروبلەمالارى ۇلتتىق ورتالىعىندا جۋرناليستەر ءۇشىن اشىق ەسىك كۇنى ءوتتى. جۋرناليستەر ءبىر كۇن بويى ونكولوگتار مەن فتيزياترلاردىڭ قىزمەتىن اتقارىپ، دارىگەرلەردىڭ جۇمىسىن باقىلادى. ءتىپتى كۇردەلى وتا جاساۋعا دا قاتىستى. باق قىزمەتكەرلەرىنە الەۋمەتتىك ماڭىزى جوعارى ەكى اۋرۋدى الدىن الا انىقتاۋ جانە ونى ەمدەۋدىڭ يننوۆاتسيالىق تەحنولوگيالارى مەن ادىستەرى كورسەتىلدى.

وتاندىق دارىگەرلەر قاتەرلى ىسىك پەن تۋبەركۋلەزدى العاشقى ساتىسىندا انىقتاپ، ونى ءتيىمدى ءارى تەز ەمدەۋ مۇمكىندىكتەرى ارتقانىن اتاپ ايتتى. ستاتيستيكاعا سۇيەنسەك، سوڭعى ون جىلدا تۋبەركۋلەز اۋرۋلارىنان كوز جۇمعاندار سانى 72,8%-عا كەمىگەن. ال دەنساۋلىق ساقتاۋ مينيسترلىگىنىڭ قاتەرلى ىسىك اۋرۋلارىن العاشقى ساتىسىندا انىقتاپ، ونىڭ الدىن الۋ باعىتىنداعى التى سكرينينگتىك باعدارلاماسى جاقسى ناتيجە كورسەتۋدە.

         قازاقستاندىق دارىگەرلەردىڭ مۇنداي جوعارى كورسەتكىشتەرگە قول جەتكىزۋىنە 2012-2016 جىلدارعا ارنالعان مەملەكەتتىك ونكولوگيالىق كومەكتى ارتتىرۋ مەن تۋبەركۋلەزبەن كۇرەس ۇلتتىق باعدارلامالارى اياسىندا جۇزەگە استى.  بۇل تۋرالى  باق قىزمەتكەرلەرىنە ارنالعان اشىق ەسىك كۇنىندە تىلشىلەرگە ەلىمىزدىڭ باس دارىگەرلەرى تولىق مالىمەت بەردى. جۋرناليستەر قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن تۋبەركۋلەز پروبلەمالارى ۇلتتىق ورتالىعىنىڭ بارلىق بولىمدەرىن ارالاپ، دارىگەرلەردىڭ ءبىر كۇندىك جۇمىسىن باقىلادى. ءتىپتى ءارتۇرلى دارەجەدەگى كۇردەلى وتالارعا تىلشىلەردىڭ قاتىسۋىنا بار مۇمكىندىك جاسالدى. وعان قوسا، باق قىزمەتكەرلەرى  «كوح تالشىعىن» ءوز كوزدەرىمەن كورىپ، زەرتتەپ، ودان سوڭ ونكولوگيا ينستيتۋتىنىڭ «ساۋلەلى تەراپيا» بولىمىندەگى جۇمىس پروتسەسىن كورىپ، ينستيتۋتتاعى قاتەرلى ىسىككە شالدىققان ناۋقاستارمەن سۇحباتتاستى. ودان بولەك، مامانداردان وزدەرىن قىزىقتىرعان ماڭىزدى سۇراقتارعا جاۋاپ الدى.

         اتاپ ايتا كەتەيىك، قازىرگى جاڭا يننوۆاتسيالىق-زەرتحانالىق تەحنولوگيالاردىڭ مەديتسينا سالاسىنا ەنگىزىلۋى قاتەرلى ىسىك پەن تۋبەركۋلەزدى تەز ءارى ءتيىمدى ەمدەۋگە، ناۋقاستار سانىن ءبىرشاما ازايتۋعا جول اشتى. قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ماتەريالدىق-تەحنيكالىق جۇيەسى جوعارى تەحنولوگيالىق قۇرىلعىلارمەن جابدىقتالعان. ينستيتۋت تەك قاتەرلى ىسىك ايماعىنا اسەر ەتىپ، ادام اعزاسىنداعى وزگە ساۋ ۇلپالاردى ساۋلەلەندىرمەيتىن سوڭعى ۇلگىدەگى اپپاراتتارمەن جابدىقتالعان.

«بۇگىنگى تاڭدا ونكولوگيالىق اۋرۋلار اراسىندا ءسۇت بەزى اۋرۋلارى الدىڭعى ورىنعا شىقتى. ەلىمىزدە جىل سايىن 3500-دەن اسا ناۋقاس تىركەلەدى. الايدا، مەملەكەت ىسكە قوسقان ۇلكەن باعدارلاما بويىنشا ناۋقاستاردىڭ 78%-ىنىڭ دەرتىن الدىڭعى ساتىسىندا انىقتاپ، ەمدەۋگە مۇمكىندىك بار»، - دەيدى قازاق ونكولوگيا جانە راديولوگيا عزي ديرەكتورى، مەديتسينا عىلىمدارى دوكتورى قۋانىش نۇرعازيەۆ.

         وبلىستىق، قالالىق، اۋداندىق تۋبەركۋلەزگە قارسى ديسپانسەرلەرىنىڭ باكتەريولوگيالىق زەرتحانالارىندا تۋبەركۋلەزدى ەرتە ساتىسىندا انىقتاۋ ءۇشىن جەتىلدىرىلگەن يننوۆاتسيالىق-زەرتحانالىق تەحنولوگيالار ەنگىزىلگەن. ولار: BACTEس MGIT-960,  Hain-test ي Gene-Expert. سونىمەن قاتار، Gen-Expert اپپاراتىنىڭ تاعى دا 20-سىن ساتىپ الۋ جوسپاردا تۇر.

         «تۋبەركۋلەزگە قارسى قىزمەتتى قارجىلاندىرۋ كولەمى جىل سايىن ارتىپ كەلەدى. 2013 جىلى مەملەكەتتىك بيۋدجەتتەن 35472,2 ميلليون تەڭگە ءبولىندى. سوڭعى ءۇش جىلدا قارجىلاندىرۋ 3 ەسەگە ارتتى. وعان قوسا، تۋبەركۋلەزگە شالدىققان ناۋقاستاردى جاڭا تەحنولوگيا مۇمكىندىكتەرىن پايدالانىپ ەمدەۋ دۇرىس جولعا قويىلدى»، - دەيدى تۋبەركۋلەز پروبلەمالارى ۇلتتىق ورتالىعى ديرەكتورى، مەديتسينا عىلىمدارىنىڭ دوكتورى تىلەۋحان ابىلداەۆ.

         قازاقستان – بۇگىنگى تاڭدا تۋبەركۋلەز بەن قاتەرلى ىسىككە شالدىققان ناۋقاستاردى تەگىن ءدارى-دارمەكپەن قامتاماسىز ەتەتىن ساناۋلى ەلدەردىڭ ءبىرى. قازاقستاندىقتاردىڭ ءومىر ءسۇرۋ جاسىن ۇزارتۋ مەن ءومىر ساپاسىن ارتتىرۋ ماقساتىندا 2012-2016 جىلدارعا ارنالعان ونكولوگيالىق كومەك كورسەتۋدى دامىتۋدىڭ بەسجىلدىق مەملەكەتتىك باعدارلاماسى قابىلداندى. وعان بيۋدجەتتەن 211 ميلليارد تەڭگە بولىنگەن.

         ەلىمىزدىڭ باس ونكولوگى مەن تۋبەركۋلەز پروبلەمالارى ۇلتتىق ورتالىعى باسشىسىنىڭ ايتۋىنشا، بۇل كورسەتكىشتەر ءالى دە جەتكىلىكسىز، سوعان وراي اۋرۋعا قارسى كۇرەس ۇزدىكسىز جالعاسا بەرەدى. بۇگىنگى ەمدەۋ تاسىلدەرىن بۇرىنعىدان دا دامىتا ءتۇسىپ، الەۋمەتتىك ماڭىزدى اۋرۋلار – قاتەرلى ىسىك جانە تۋبەركۋلەزبەن كۇرەستە ەڭ ءتيىمدى ناتيجەلەرگە قول جەتكىزۋ ءۇشىن بىلەك سىبانا جۇمىس ىستەي بەرمەك. اۋرۋدى العاشقى ساتىسىندا انىقتاپ، ناۋقاستار سانىن مەيلىنشە ازايتۋ – كۇن تارتىبىندەگى نەگىزگى ماسەلەلەر قاتارىندا.

تولىق اقپارات الۋ نەمەسە سۇراقتارىڭىز بولسا، تۋبەركۋلەز پروبلەمالارى ۇلتتىق ورتالىعى مەن قازاق ونكولوگيا جانە راديولوگيا عزي ءباسپاسوز ورتالىعىنا حابارلاسىڭىزدار:

تەل.: +7701 360 66 63

E-mail& onco.congressv@gmail.com