بەيسەنبى, 28 ناۋرىز 2024
كوك تۋدىڭ جەلبىرەگەنى 6069 0 پىكىر 26 ماۋسىم, 2014 ساعات 12:24

ەردوعان پاريج قازاقتارىمەن كەزدەستى

فرانتسيادان تاراپ جاتقان اقپارات قۇرالدارى تۇركيانىڭ پرەمەر-ءمينيسترى رەدجەپ تايىپ ەردوعان مەملەكەتتىك ساپارى اياسىندا پاريج قازاقتارىمەن كەزدەستى دەگەن اقپاراتتى تاراتتى. بۇل دەرەكتى پاريجدە تۇراتىن قانداسىمىز بەرلين يريشەۆ تە راستادى. 

پاريج قازاقتارى تۇركيا پرەمەرىن اۋەجايدا قازاقتىڭ كوك تۋىن جەلبىرەتىپ تۇرىپ قارسى العان. كوز كورگەندەر بۇل جاي­لى «تۇركيالىق پرەمەر پاريج تو­رىندە جەلبىرەگەن قازاقتىڭ تۋىن ءوز ەلىنىڭ تۋىنداي قابىلدادى» دەيدى. كۇتپەگەن كەز­دەسۋگە ريزا بولعان ول «قازاقتار مەن تۇ­رىكتەردىڭ مەملەكەتتىك شەكارالارىنىڭ قيىسپايتىندىعى دا، ەلتاڭبالارىنىڭ ءبىر-بىرىنە ۇقسامايتىندىعى دا ءبىر-بىرىنەن بولە المايدى. ءبىز ءتۇبى دە، تەگى دە ءبىر حا­لىقپىز. اتالى تۇقىم ەشقاشان ازىپ-توزبايدى» دەپتى. 

ءتۇبى-تەگى ءبىر باۋىرلارىنىڭ ىقىلا­سىنا ريزا بولعان تۇركيالىق پرەمەر سا­پار حاتتاماسىنا اۋەجاي باسىندا شۇعىل وزگەرىس ەنگىزىپ، قازاق دياسپوراسى اقسا­قالدارىنىڭ شاڭىراعىنا ات باسىن بۇرا كەتۋگە شەشىم قابىلداپتى. الىستان كەل­گەن قوناقتى كادە-سىيسىز جىبەرمەيتىن قان­داستارىمىز تۇركيا پرەمەرىنىڭ يىعى­نا شاپان جاۋىپ، قازاقتىڭ كيەلى دومبىراسىن سىيعا تارتقان. 

تۇركيانىڭ پاريج قازاقتارىنا دەگەن الا-بوتەن ىقىلاسىنىڭ سەبەبى دە بار. وت­كەن جىلى رەسمي انكارا شەتەلدەگى دياس­پورامەن بايلانىس تۋرالى ارنايى كون­تسەپسيا قابىلداعان. وندا شەتەلدەگى ەتنيكا­لىق تۇرىك ۇلتى مەن تۇركى تەكتەس دياس­پورا وكىلدەرىن ءبىر-بىرىنەن بولۋگە بولماي­تىن­دىعى، قارجىلىق جانە كونسۋلتا­تيۆ­تى كو­مەك تە تەڭ دارەجەدە كورسەتىلەتىنى ايتىل­­عان. 

ەردوعاندى پاريج اۋەجايىندا قارسى العان قازاقتىڭ ءبىرى – SB Capital (پاريج) كونسالتينگتىك كومپانياسىنىڭ كەڭەس­شى-ءسى، ەكونوميكا عىلىمدارىنىڭ دوكتورى بەر­لين يريشەۆ شەتەلدە تۇراتىن تۇركى تەكتەس حالىقتار، ونىڭ ىشىندە قازاق ۇلتى وكىلدەرىنە دەگەن جىلى، ىستىق، جۇرەك­جار­دى ىقىلاسى ءۇشىن تۇركيا پرەمەر-مي­نيسترىنە العىسى شەكسىز ەكەنىن ايتادى. 

– قازىر شەتەلدە تۇراتىن قازاقتىڭ تالانتتى ءانشى-سازگەرلەرى ۋكراينا جانە بەلارۋس ەلشىلىكتەرىنىڭ مادەني ورتا­­لىقتارىمەن بىرگە ۇلتىمىزدىڭ ابى­-رويىن اسقاقتاتىپ ءجۇر. ولاردىڭ ءبىرازى حالىقارالىق سىيلىقتاردىڭ لاۋرەاتى بولىپ ۇلگەردى. سوندىقتان بىزگە، قازاق ەلى­نە، شەتەلدەردەگى قازاق دياسپوراسى تۋرالى كونتسەپسيانى قايتا قارايتىن كەز كەلدى. تۇركيا پرەمەرى، ۇلى اباي ايتقانداي، تۇركى تەكتەس حالىقتار ءبىر-ءبىرىن دوس، باۋىر كورمەسە، دۇنيەنىڭ ءبارى بوس ەكەنىن ەۋروپا تورىندە ناقتى ىسپەن دالەلدەدى. بۇل تۇركى تەكتەس ەلدەردىڭ باسشىلارىنا ۇلگى بولۋى ءتيىس، – دەيدى كەزدەسۋ اسەرىن بىزبەن بولىسكەن بەرلين يريشەۆ. 

... الەم عالامتور ارقىلى تۇركيا پرە­مەرى مەن پاريج قازاقتارى كەزدەسۋىنە نازار اۋدارىپ جاتقاندا، پاريج گازەتتەرى «فرانتسۋزدار ەردوعاننىڭ قازاق ەكەنىن ءبىلىپ قويدى» دەگەن اقپاراتتى تاراتىپ جىبەردى. 

«قانىنا تارتپاعاننىڭ قارى سىن­سىن» دەگەن تۇركى تەكتەس حالىقتارىنا ءتان ما­قالدى قارت ەۋروپا قايدان ءبىلسىن... 

ماقالا "ايقىن" گازەتىنەن الىندى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525