جەكسەنبى, 24 قازان 2021
46 - ءسوز 6824 0 پىكىر 1 شىلدە, 2014 ساعات 11:18

ۇكىمەت باسشىسىنا 100 پاسپورت

جالپى، كوشى-قون ماسەلەسى، ءوز اياعىمەن ەلىم دەپ كەلگەن قانداستارىمىزدىڭ تۇراقتى تىركەۋگە تۇرۋدا، ازاماتتىق الۋدا كورگەن ازابى مەن توزاعى تۋرالى از ايتىلعان، جازىلعان جوق.
مىنە، «http://abai.kz/post/view?id=1101» - دە بۇگىن دە ايتىلىپتى عوي، «مۇنىڭ ءبارى كوشى-قون تۋرالى زاڭعا ەنگىزىلگەن سوڭعى وزگەرىستەردىڭ كەسىرى. ايتالىق، ءوز كۇشىمەن كەلگەن اعايىن تۇراقتى تىركەۋگە تۇرا المايدى، ازاماتتىققا قۇجات وتكىزە المايدى، ىقتيار حات الا المايدى. ونىمەن قويماي وسى قۇجاتتاردىڭ ءبىر ۇشىن قىتاي كونسۋلىنا تىرەپ قويعان» دەپ.
دۇرىس ايتادى، بۇل كەلەڭسىزدىكتى كەلتىرىپ شىعارعان باسقا ەمەس، 2012 - جىلى 28 - ناۋىرىزدا - كارىم ءماسىموۆ تۇسىنداعى قر ۇكىمەتىنىڭ №362 قاۋلىسى مەن 2014 جىلعى 19 اقپانداعى سەرىك احمەتوۆ وزگەرتۋلەر مەن تولىقتىرۋلار ەنگىزىپ قول قويعان №111 قاۋلى. قانشا زارلالىق، ەكى قاۋلىدا دا قانداستارىمىزدىڭ وسى ماسەلەسى ەسكەرىلمەي، اقشا قۋىپ كەلگەن قايداعى ءبىر كەلىمسەكتەر ەسەبىندە قارالعان.
ال، مىنا ماسەلەنى شەشۋدىڭ مەنشە ءبىر عانا امالى قالدى:
«ارعى بەتتەن» كەلىپ، تۇراقتى تىركەۋگە تۇرا الماي، قايتا كوشكەلى وتىرگان سول 100 وتباسىنىڭ بارلىق وتباسى مۇشەلەرى تولقۇجاتتارىن جيناپ، ءبىر جاشىككە سالىپ، اۋزىن جەلىمدەپ، پوچتا ارقىلى ۇكىمەت باسى كارىم ماسىموۆتىڭ ادرسىنە جىبەرۋ كەرەك!
كارىم قاجىمقانۇلى بىلە - بىلسە، ەلباسىمىز نۇرسۇلتان نازارباەۆ جولعا قويىپ وتىرعان ناعىز «جاسىل ەكونوميكا» - وسى ورالماندار! تەك، قۇجاتتانۋ ماسەلەسىن تەز، وڭتايلى ەتىپ شەشىپ بەرسە عانا بولعانى، مەملەكەتىمىزگە مول بايلىق، يگىلىك اكەلەدى. بۇل - تاۋەلسىزدىكتەن بەرگى شيرەك عاسىردا ابدەن دالەلدەنگەن اقيحات!
دالادا شاشىلىپ جاتقان قازاق جوق،
سوندىقتان، ءىىم-ءى ق.قاسىموۆقا ك.ءماسىموۆ 100 وتباسىنىڭ مۇشەلەرىنىڭ تولقۇجاتىن ءوز قولىمەن اپارىپ، تۇراقتى تىركەۋگە تۇرعىزىپ، قازاقستان ازاماتتىعىن الىپ بەرسىن!!

(اۋىت مۇقيبەكتىڭ فەيسبۋكتەگى پاراقاشسىنان)

0 پىكىر