سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
جاڭالىقتار 6290 0 پىكىر 4 شىلدە, 2014 ساعات 13:04

ۇلتتىق مۇراجايدىڭ ورتالىق ازيادا تەڭدەسى جوق

 

2014 جىلعى 2 شىلدەدە ەلباسى ن.ءا.نازارباەۆ قازاقستان رەسپۋبليكاسىنىڭ ۇلتتىق مۋزەيىن اشتى. بۇل سالتاناتقا قر مادەنيەت ءمينيسترى ا. مۇحامەديۇلى جانە الەمدىك جەتەكشى مۋزەيلەردىڭ باسشىلارى مەن وكىلدەرى قاتىستى.

قازاقستان پرەزيدەنتى: «ۇلتتىق مۋزەي عىلىمي جانە رۋحاني ورتالىققا اينالادى، ءبىزدىڭ قازاقستان جولىنىڭ بارلىق ىلگەرى جەتىستىكتەرىن تانىتادى»، - دەپ مالىمدەدى.

امەريكا ۋنيۆەرسيتەتى جانىنداعى كاتتسەن اتىنداعى ونەر ورتالىعىنىڭ (اقش، كولۋمبيا وكرۋگى، ۆاشينگتون) ديرەكتورى دجون راسمۋسسەن دە قر ۇلتتىق مۋزەيى تۋرالى پىكىرىمەن ءبولىستى: «بارىنەن بۇرىن ۇلتتىق مۋزەي – بۇل بىرەگەي ساۋلەت تۋىندىسى. وعان جاقىنداعان كەزىڭدە، ول ساعان كەرەمەت اسەر بەرەدى. ءارى دەسە كەز-كەلگەن مامان ونىڭ اۋماعى مەن الەۋەتىنە قىزىعادى. مۋزەيدىڭ كەلەشەگى زور – بۇل جەردە دامۋعا مۇمكىنشىلىك بەرەتىن قانشاما كەڭىستىك بار. مۋزەيدە ەڭ جاڭا زاماناۋي كورمە تەحنولوگيالارى قولدانىلادى. ينتەراكتيۆتى ەكراندار، مونيتورلار –وسىلاردىڭ بارلىعى وتە جاقسى جاسالعان »

2014 جىلعى 3 شىلدەدەرەسەي ەتنوگرافيالىق مۋزەيىمەن  جانە رەسەي مەملەكەتتىك «روسيزو» مۋزەي-كورمە ورتالىعىمەن ارىپتەستىك جونىندەگى مەموراندۋمعا قول قويىلدى. «ورتالىق ازيا مەن كاۆكازداعى توقىما ونەرى– ۇلى جىبەك جولى مۇراسى» (رەم، سانكت-پەتەربۋرگ) جانە «ورىس كەسكىندەمەسىنىڭ 4 عاسىرى»(«روسيزو» موسكۆا ق.) كورمەلەرىەكى مۋزەيدىڭ العاشقى بىرلەسكەن جوبالارى بولىپ وتىر. كورمەلەر قىركۇيەك ايىنا دەيىن سوزىلادى.

كەشكىسىن مۋزەيدىڭ بارلىق كەلۋشىلەرىنە «ۇلى جىبەك جولىمەن ساياحات» اتتى مەرەكەلىك باعدارلاما ۇيىمداستىرىلدى. مۋزەي عيماراتىندا تۇركىستان، ساۋران، يسپيدجاب، تاراز، سىعاناق، اق مەشىت، وتىرار، سۋياب سياقتى جىبەك جولى وتكەن قازاقستانداعى ورتاعاسىرلىق قالالارعا ورىن ءبولىنىپ، ول جەرلەردە كوڭىل كوتەرەتىن ءارى تانىمدىق ءىس-شارالارى ۇيىمداستىرىلدى.

مۋزەيگە كەلۋشىلەر قر قول ونەر شەبەرەلەرى وداعى ۇيىمداستىرعان سۋرەتشىلەر مەن قولونەر شەبەرلەرىنىڭ ساندىك-قولدانبالى ونەر بويىنشا شەبەرلىك-سىنىپتارى مەن جارمەڭكەسىن (زەرگەرلىك بۇيىمدار، كىلەم توقۋ، كيىز باسۋ جانە ت.ب.) تاماشالادى. قازاقستاندىق سانگەرلەر ۇلتتىق ناقىشتاعى ءساندى كيىمۇلگىلەرىن كورسەتتى. ۇلكەندەر مەن بالالار ۇلتتىق ويىندارعا، ۇلتتىق تاعامدار مەن سۋسىنداردان ءدام تاتۋعا بار ىقىلاستارىمەن قاتىستى. دومبىرا اۋەندەرىنىڭ كەشى ۇيىمداستىرىلدى.

مۋزەيگە،6 شىلدەنى قوسا العاندا، ساعات 10.00-18.00-گە دەيىن ەركىن كىرۋگە بولادى ( سوڭعى ەكسكۋرتسيا 17.15-تە باستالادى). قوش كەلدىڭىزدەر!

اباي-اقپارات

0 پىكىر