دۇيسەنبى, 1 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5404. قايتىس بولعاندار — 41
انىق 4093 0 پىكىر 8 شىلدە, 2014 ساعات 11:18

ارتاەۆ ءباسپاسوز ماسليحاتىن وتكىزدى

وليمپيادا چەمپيونى باقتيار ارتاەۆ استانادا ءباسپاسوز ءماسليحاتىن وتكىزدى.

وتكەن اپتادا ايسۇلۋ يبراشوۆا ەسىمدى ايەل «مەنى باقتيار ارتاەۆ ۇردى» دەپ شۋ شىعارعان بولاتىن. ونىڭ ايتۋىنشا، استاناداعى تۇنگى كلۋبتاردىڭ بىرىندە بيلەپ جۇرگەن وعان باقتياردىڭ قولى ءتيىپ كەتكەن كورىنەدى. وسى وقيعاعا بايلانىستى پىكىر ايتقان بەلگىلى ازاماتتار مەن وقىرماندار «ارتاەۆ - سابىرلى جىگىت، ماسەلە قىزدىڭ وزىندە بولۋى كەرەك» دەپ شىر-پىر بولعان.  وليمپيادا چەمپيونىنىڭ ءوزى وسىعان دەيىن: «ەگەر مەن وعان شىنىمەنەن دە قول جۇمساعان بولسام، ول باق-قا سۇحبات بەرە الماس ەدى. ال بويجەتكەننىڭ بەتىندە ءتىپتى كوگەرگەن جەرى دە جوق"-, دەپ تۇسىنىكتەمە بەرگەن. ارتاەۆ بۇگىندە باق وكىلدەرىنە وسى ءۋاجىن ايتىپ، «ايسۇلۋ يبراشوۆانى سوتقا بەرمەيتىنىن، ونىڭ كۇندەردىڭ كۇنىندە بۇل ءىستىڭ اق-قاراسىن ءوزى تانىپ وكىنەتىنىن» جەتكىزدى.

وسى ىسكە بايلانىستى قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى تۇرسىنعالي ەدىلوۆتىڭ پىكىرىن بىلگەن ەدىك:

- ارتاەۆ وندايعا بارمايدى. ءبىزدىڭ فەدەراتسيانىڭ جىگىتتەرى ولاي ىستەۋى مۇمكىن ەمەس.  بىزدە، ءتىپتى، قاراپايىم ادامعا قول كوتەرۋگە بولمايدى.  ونىڭ ۇستىنە ارتاەۆ وتە تاربيەلى، تەكتى ادام. قىزبەن ونداي ارەكەتكە بارادى دەگەنگە كەلىسپەيمىن، - دەدى.

ۆيدەو: Vesti.kz


Abai.kz

0 پىكىر