جەكسەنبى, 5 جەلتوقسان 2021
ءسۇيىنشى! 6080 0 پىكىر 10 شىلدە, 2014 ساعات 11:18

رەسەيگە جالعا بەرىلگەن جەرلەر قايتارىلادى

رەسەيگە جالعا بەرىلگەن جەردىڭ جارتىسى قايتارىلادى دەپ حابارلايدى "24 kz". اتىراۋ وبلىسىنىڭ قىزىلقوعا اۋدانىنداعى تايسويعان پوليگونى مەن قۇرمانعازى اۋدانىنداعى ازعىر پوليگوندارى تۋرالى قازاق ءباسپاسوزى ءاۋ باستان ماسەلە كوتەرىپ كەلەدى. ەندى، مىنە سول جۇرت تالابىنىڭ ورىندالاتىن كەزى كەلگەن سياقتى. پوليگون ماڭىن مەكەندەيتىن جەرگىلىكتى تۇرعىندار رەسەي يەلىگىندەگى  شۇرايلى جەرلەردىڭ اۋىل شارۋاشىلىعى مەن مۇناي بارلاۋعا اسا قاجەتتى ءوڭىر ەكەنىن ايتىپ وتىر. 

 اۋىل-شارۋاشىلىعىمەن شۇعىلداناتىن فەرمەرلەر مەن مۇناي سالاسى ماماندارىنىڭ ۋاجىنە قۇلاق تۇرگەن پارلامەنت ۇكىمەت الدىندا ماسەلە كوتەردى. سونىڭ ارقاسىندا الداعى كۇندە پوليگون اۋماعىنىڭ جارتىسى حالىق يگىلىگىنە قايتارىلماق. وسى كۇنگە دەيىن 750 مىڭ گەكتەر جەردى يەلەنىپ وتىرعان تايسويعان پوليگونىنىڭ يەلىگى  ارنايى كوميسسيا شەشىمىمەن 125 مىڭ گەكتارعا دەيىن قىسقارتىلاتىن كورىنەدى. قازاقستان رەسپۋبليكاسى پارلمەنت سەناتىنىڭ دەپۋتاتى  سارسەنباي ەڭسەگەنوۆتىڭ ايتۋىنشا، " بۇل – ەكونوميكالىق ەمەس، الەۋمەتتىك ماسەلە. سوندىقتان مينيسترلىكتەر مەن ۇكىمەت تاراپىنان قولداۋ بار" كورىنەدى. "بۇل جەرلەر وتكەن عاسىردىڭ 50-جىلدارىنا دەيىن كەڭەس وداعىنىڭ يادرولىق قارۋلاردى سىنايتىن پوليگونى بولعان. كەيىن دە رەسەي جالعا الىپ، بەيبىت ماقساتتاعى اسكەري زىمىرانداردى سىناۋ الاڭىنا اينالدىردى. ءۇستى مالعا تابىلماس جايىلىم، استى كومىر سۋتەگى شيكىزاتى قورىنا باي جەردى پايدالانۋعا رۇقسات جوق. كەلىسىمشارت بويىنشا جالعا بەرىلگەن جەرگە قازاقستاندىقتاردىڭ اتتاپ باسۋعا قۇقى جوق", - دەيدى ول.

ال "24 kz" ارناسىنا بەرگەن سۇحباتىندا مۇناي ءوندىرۋ كومپانياسىنىڭ وكىلى ءايىپ سۇپىعاليەۆ بۇل اۋماقتا 51 ملن. تونناداي مۇناي قورى بار ەكەندىگىن ايتادى. ياعني قايتارىپ الىنعان جەردى مۇمكىندىگىنشە اۋىل-شارۋاشىلىعىنا پايدالانىپ، قالا بەردى مۇناي كەنى بۇرعىلانىپ جاتسا، جەرگىلىكتى تۇرعىندارعا اسا ءتيىمدى بولاتىن كورىنەدى. ءارى ءوندىرىس، ءارى جۇمىس. 

ەستەرىڭىزدە بولسا، بىلتىر قىزىلوردا وبلىسىندا "پروتون م" زىمىرانى قۇلاپ، اسا ۋلى گەپتيل وتىنى تابيعاتتى لاستاپ، سول اۋماقتى مەكەندەيتىن تۇرعىنداردىڭ دەنساۋلىعىنا قاۋىپ توندىرگەن بولاتىن. سودان بەرى "انتيگەپتيل" قوزعالىسى قۇرىلىپ، ەلوردا مەن الماتىدا ءارتۇرلى قارسىلىق شارالارىن وتكىزگەن. 

Abai.kz

0 پىكىر