الماتى وبلىسى جامبىل اۋدانىندا رامازان ايىنىڭ سوڭعى تۇنىندە مەشىتتىڭ ىشىنە ۇرى ءتۇستى، دەپ حابارلايدى قازاقپارات وبلىستىق ءىىد ءباسپاسوز قىزمەتىنە سىلتەمە جاساپ.

"قىلمىسكەر كوپ ۇزاماي ۇستالدى. ۇرى جەرگىلىكتى اۋىلدىڭ 23 جاسار تۇرعىنى ەكەنى انىقتالدى. اراق ءىشىپ، ماسايعان ول، ءتۇننىڭ ءبىر ۋاعىندا مەشىتتىڭ تەرەزەسىن سىندىرىپ، ىشكە كىرەدى دە  ونداعى ساداقاعا تولى جاشىكتى الىپ كەتەدى. قاسكۇنەم اقشانىڭ جارتىسىن اراق-شاراپ پەن تىسكەباسارعا جۇمساپ ۇلگەرگەن. قالعان قارجىنى پوليتسەيلەر مەشىتكە قايتارىپ بەردى."- دەلىنگەن حابارلامادا.

مەشىت يمامدارى جاشىكتە قانشا اقشا بارىن بىلمەگەن، بىراق سوما اجەپتاۋىر بولسا كەرەك.

قازىرگى ۋاقىتتا قىلمىسكەر جامبىل اۋدانىنداعى ۋاقىتشا ۇستاۋ وقشاۋلاعىشىنا قاماۋدا وتىر.

اباي-اقپارات