ايگىلى «شىرشا» ءفيلمىن دۇنيەگە اكەلگەن پروديۋسەر تيمۋر بەكمامبەتوۆ پەن رەجيسسەر لەو گابريادزەنىڭ «Cybernatural» ءفيلمىنىڭ الەمدىك پرەمەراسى كانادا مونرەالداعى «Fantasia» كينوفەستيۆالىندە ءوتتى. بۇل تۋرالى قازاقپارات جازدى.

قورقىنىشتى جانردا تۇسىرىلگەن ءفيلمنىڭ سيۋجەتى بويىنشا ءولىپ قالعان قىز Skype ارقىلى ءوزىنىڭ سىنىپتاستارىمەن سويلەسە باستايدى. ونداعى بارلىق ارەكەتتەر كومپيۋتەر ەكرانىندا جۇزەگە اسادى.

ء«بىز وسى فيلم ارقىلى قازىرگى قوعامداعى وزەكتى تاقىرىپ - كيبەرتەرروريزمدى اشىپ كورسەتۋگە تىرىستىق. ول عالامتور جەلىسى ارقىلى بۇكىل الەمگە تارالۋدا. ماسەلەن، قازىرگى جاسوسپىرىمدەردىڭ عالامتور ارقىلى جاسىرىن تۇردە ءوز قاتارلاستارىن ۇرەيگە بولەۋى - ادامدى قورقىتۋدىڭ ءبىر عانا قاراپايىم ءتۇرى»، - دەيدى فيلم رەجيسسورى.

ازىرگە ءفيلمنىڭ حالىقارالىق پروكاتقا قانداي اتپەن شىعاتىنى بەلگىسىز.

اباي-اقپارات