سارسەنبى, 23 قىركۇيەك 2020
COVID-19 قازاقستاندا. جۇقتىرعاندار — 107450. جازىلعاندار — 102219. قايتىس بولعاندار — 1699
جاڭالىقتار 2620 0 پىكىر 29 شىلدە, 2014 ساعات 13:13

گرۋزيا سااكاشۆيلي ۇستىنەن قىلمىستىق ءىس قوزعادى

ميحايل سااكاشۆيليدىڭ ۇستىنەن قىلمىستىق ءىس قوزعالدى

گرۋزيادا ميحايل سااكاشۆيليگە قاتىستى قىلمىستىق ءىس قوزعالدى، - دەپ حابارلايدى Tengrinews.kz. بۇل تۋرالى اتالعان ەلدىڭ باس پروكۋراتۋراسى حابارلاعان. ەكس-پرەزيدەنت بۇعان دەيىن دە پروكۋراتۋراعا شاقىرتىلعان.

سااكاشۆيلي 2007 جىلى "يمەدي" تەلەكومپانياسىنىڭ تالقاندالۋى مەن ميللياردەر بادري پاتاركاتسيشۆيلي مۇلكىنىڭ تاركىلەنۋىنە قاتىستى ءىس بويىنشا جاۋاپ بەرمەك. "گرۋزيا باس پروكۋراتۋراسى گرۋزيانىڭ بۇرىنعى پرەزيدەنتى ميحايل سااكاشۆيليدى ايىپتالۋشى رەتىندە قىلمىستىق جاۋاپكەرشىلىككە تارتۋ تۋرالى قاۋلى قابىلدادى. ءىس 2007 جىلدىڭ 7 قاراشاسىندا ەرەۋىلشىلەردى جاپپاي قۋعا، "يمەدي" تەلەكومپانياسىن تالقانداۋعا جانە اركادي (بادري) پاتاركاتسيشۆيليگە تيەسىلى مۇلىكتى قىلمىستىق جولمەن تارتىپ الۋعا قاتىستى", - دەلىنگەن پروكۋراتۋرانىڭ مالىمدەمەسىندە.

ەكس-پرەزيدەنتتىڭ اناسى گيۋلي الاسانياعا بەرىلگەن شاقىرۋ قاعازى بويىنشا سااكاشۆيلي پروكۋراتۋراعا 28 شىلدە كۇنى جەرگىلىكتى ۋاقىت 11.00-دە كەلۋى ءتيىس بولعان. بىراق ول جاۋاپ بەرۋگە كەلمەپتى. 

سااكاشۆيلي وتكەن جىلى قاراشا ايىندا ەلدىڭ جاڭا پرەزيدەنتىنىڭ ۇلىقتاۋ راسىمىنەن سوڭ بىردەن ەلدەن كەتىپ قالعان ەدى، سودان كەيىن گرۋزياعا ورالعان جوق. ونىڭ ۇستىنەن "قىزمەتتىك وكىلەتتىگىن پايدالانىپ، زارداپ شەگۋشىنىڭ جەكە ار-نامىسىن تومەنسىتۋ" بابى بويىنشا تەرگەۋ جۇرگىزىلەدى. بۇل باپ سەگىز جىلعا باس بوستاندىعىنان ايىرۋ جازاسىن قاراستىرادى. 

 ەستەرىڭىزگە سالا كەتەتىن بولساق، راۋشان رەبوليۋتسياسىنىڭ كوشباسشىسى سانالاتىن اتالعان تۇلعا گرۋزيانىڭ ءۇشىنشى پرەزيدەنتى. ول بيلىكتە 25 قاڭتار 2004 جىلى-نان 25 قاراشا 2007 جىلىنا دەيىن جانە 20 قاڭتار 2008 جىلىنان 17 قاراشا 2013 جىلىنا دەيىن وتىردى. ونىڭ تۇسىندا گرۋزياعا تيەسىلى وڭتۇستىك وسەتيا ەلدەن ءبولىنىپ كەتتى.

اباي-اقپارات

0 پىكىر