جەكسەنبى, 23 ماۋسىم 2024
جاڭالىقتار 4473 0 پىكىر 30 شىلدە, 2014 ساعات 15:17

جارتى جىلدا جول اپاتىنان 1000-نان اسا ادام قازا تاپتى

بيىل جارتى جىلدىڭ ىشىندە جول-كولىك وقيعالارىنان 1 مىڭنان اسا ادام كوز جۇمىپ، 10 مىڭنان استامى جاراقاتتاندى، دەپ حابارلايدى قازاقپارت قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتىنىڭ ءباسپاسوز قىزمەتىنە سىلتەمە جاساپ.

«جكو-دا 1015 (1167) ادام قازا تاپتى جانە 10 911 (10 837) ادام جارالاندى. بۇل رەتتە، قازا بولعانداردىڭ ەڭ كوپ سانى الماتى - 198 (206), وڭتۇستىك قازاقستان - 159 (200), جامبىل - 90 (113), شىعىس قازاقستان - 71 (66), وبلىستارىندا جانە الماتى قالاسىندا - 60 (63) تىركەلدى»، - دەلىنگەن حابارلامادا.

2014  جىلدىڭ 6 ايىنداعى جول-كولىك وقيعالارىن جانە ودان زارداپ شەككەن ادامداردى ەسەپكە الۋ مالىمەتتەرىنە سايكەس، رەسپۋبليكا بويىنشا بارلىعى 8608 جكو تىركەلگەن. جاسالعان جكو-لارىنا جول قوزعالىسى ەرەجەلەرىن ساقتاماۋ، اتاپ ايتقاندا جىلدامدىقتى ارتتىرۋ - 2517, جاياۋ جۇرگىنشىلەر جولدارىنان ءوتۋ ءتارتىبىن بۇزۋ كەزىندە - 912, قارسى قوزعالىس جولىنا شىعۋ - 624, جاياۋ جۇرگىنشىلەردىڭ جولداردىڭ بەلگىلەنبەگەن بولىكتەرىنەن ءوتۋى - 461, كولىكتى ماس كۇيىندە باسقارۋ سالدارىنان - 326, باسقا سەبەپتەردەن - 2438 فاكتى ورىن الىپ وتىر.

اباي-اقپارات

0 پىكىر