دۇيسەنبى, 27 ماۋسىم 2022
قوعام 5425 0 پىكىر 7 تامىز, 2014 ساعات 15:52

جەرىگەن باۋىر، جەر قاپتىرعان زاڭ ...

ادەتتە رەداكتسياعا ءتۇرلى تاعدىر يەلەرى حابارلاسىپ جاتادى، ءار قيلى ماسەلەلەرمەن قوڭىراۋ شالادى، حات جازادى. بۇل جولى سۋرەتتەگى كولدەي قاعاز قۇشاقتاعان كەيۋانا رەداكتسياعا ءوزى كەلىپ تاۋسىلا سويلەدى، مۇڭىن شاقتى، ارىزىن ايتتى. ماسەلە جەر داۋى، تابانىنان تاۋسىلعان انا، قياناتتان قورلانعان كەيىپكەر. قاپ تولى قاعاز ارقالاپ، قۇزىرلى ورىنداردىڭ قاقپاسىنا تەلمىرگەلى ءبىراز جىل بولعان.

 

سۇلتانقۇلوۆا گۇلنار ماقاتاي(ماكەتاي)قىزىنىڭ ايتۋى بويىنشا وتباسىنىڭ  ەڭبەكشى قازاق  اۋدانىنا قاراستى راحات اۋىلىندا 20 گەكتار جەر تەلىمى بولعان.

2002 جىلى گۇلناردىڭ اكەسى، جەردىڭ زاڭدى يەسى سۇلتانقۇلوۆ ماقاتاي ماياكۇلى قايتىس بولادى دا، بالالارىنا جەردى مۇراعا قالدىرۋ تۋرالى وسيەت قالماي قالادى. ءوزىنىڭ ايتۋىنشا گۇلنار ماقاتاي قىزى اكەسىنىڭ قايتىس بولۋىنا بايلانىستى قۇزىرلى ورىندارعا جۇگىنىپ، جەردى ءوزىنىڭ اتىنا زاڭداستىرادى. الايدا الاياقتىق بابى بويىنشا ءبىر رەت ءىستى بولىپ، تۇزەتۋ مەكەمەسىندە بولىپ كەلگەن اپكەسى نۇرجاحان(نۇرشاحان)سۇلتانقۇلوۆا 2009 جىلى جالعان قۇجات جاساتىپ الادى. وندا اكە ارۋاعىن اتتاپ، 2002 جىلى قايتىس بولعان اكەلەرىن 2004 جىلى قايتىس بولدى دەگەن جالعان انىقتامانى پايدالانىپ، وزدەرىنە سەنىم حات الادى جانە گۇلناردىڭ اتىنان جالعان قول قويىلعان سەنىمحاتتى پايدالانادى. تالاپكەر گۇلنار ءوز اتىنان قويىلعان جالعان قولدى سوت ساراپتاماسى ارقىلى دالەلدەگەن. (رەداكتسيادا قۇجاتتىڭ كوشىرمەلەرى ساقتاۋلى)

جەر اقبۇلاق گولف كلۋبى ماڭىندا ورنالاسقان. جالعان قۇجات ارقىلى يەمدەنگەن اپكەسى جەردى 1 ميلليون 700 مىڭ دوللارعا ساتقان. تالاپكەرگە "200 مىڭ دوللار ال دا، تىنىش وتىر"- دەگەن. بىراق وعان  كەيىپكەرىمىز كەلىسپەپتى. جەرگە ازىرگە ەشقانداي قۇرىلىس سالىنعا قويماعان. گۇلناردىڭ ايتۋىنا ساي جەرگە اكەدەن قالعان توعىز بالا(8 قىز، ءبىر ۇل) بىردەي مۇراگەرلىك ەتۋى ءتيىس. الايدا نۇرشاحان ماقاتايقىزى قالعان تۋىستارىنا از كولەمدە عانا اقشا ۇستاتىپ قالعان اقشانى تۇگەل ءوز قالتاسىنا سالىپ العان. گۇلنار ماقاتايقىزى 2008 جىلى سوت ارقىلى جەردى وزىنە تيەسىلى ەكەنىن دالەلدەگەن. وعان تومەندەگى سوت شەشىمى دالەل. الايدا ايىپتالۋشى نۇرشاحان بۇل شەشىمنەن ەشقانداي دا زارداپ شەگە قويماعان. گۇلنار ودان ەرى دە تالاي ورىننىڭ ەسىگىن قاعىپ كەلەدى، الايدا ونىڭ ارىز-ارمانىن تىڭدار قۇلاق جوق. ءىسىن قاراۋدى سوزعان قۇزىرلى ورىندار بيىل شاعىمدانۋشىنىڭ ءىسىن "ۋاقىتى ءوتىپ كەتكەن" دەپ قاراماي قويىپتى. ءتىپتى كەيبىر شەندىلەر "سەن ءبارىبىر ول جەردىڭ وزىڭدىكى ەكەنىن دالەلدەي المايسىڭ، بوس تراشتانبا"- دەپ، ستولىن ءتۇيىپ "اقىل" دا ايتىپتى.

گۇلنار ماقاتايقىزى ءوزىنىڭ تابانىنان توزىپ، وسىنشالىق سارساڭعا تۇسكەنىنە، زاڭنان ادىلدىك تابا الماعانىنا مىنا ادامداردى كىنالى سانايدى:

1, ەڭبەكشى قازاق اۋدانى روۆد تەرگەۋشىسى - كۇنتۋوۆ قالجاتبايدى، تۇراروۆ ايدىندى الدارىنا جىبەرىلگەن قىلمىستىق ءىستى 8 اي سوزبالاڭعا سالىپ، قىسقارتقانى ءۇشىن;

2, جەر كوميتەتىنىڭ قىزمەتكەرلەرى – بايشەكەشەۆ ەلمۋرزانى جالعان جسالعان قۇجاتتاردى كورسەتپەي جاسىرعانى، ءوز اتىنا شەشىلگەن سوت شەشىمىن بۇركەمەلەگەنى ءۇشىن;

3, اۋدان پروكۋرورى – تولەگەن يمانباەۆ شونانۇلىن الدىنا بارعان قىلمىستىق ءىستى قاراۋعا قۇلىقسىزدىق تانىتقانى ءۇشىن;

4, ءىىد مەڭگەرۋشىسى س. مۇراتبەكوۆتى - 8 ايعا جۋىق ۋاقىت ءىستى ۇستاعانى، ءىىد تەرگەۋشىسى دۇيسەنبينوۆ مارلەندى - قىلمىستىق ءىستىڭ قىلمىستىق سيپاتى بار ەكەنىن بىلە تۇرا قىلمىستى جاۋىپ تاستاعانى، وبلىستىق پروكۋراتۋرانى -  انىق دالەل بولا تۇرا قىلمىستىق ءىستى قاراماعانى ءۇشىن;

5, الاياقتىق بابى بويىنشا ءبىر رەت ءىستى بولىپ جازاسىن وتەگەن اپكەسى سۇلتانقۇلوۆا نۇرماحاندى، ەڭبەكشىقازاق اۋدانى، راحات اۋىلىنىڭ نوتاريۋسى مۇقامبەك ساعىمباەۆ  ورنىقپايۇلىن كەلىسىپ جالعان قۇجات جاساعانى ءۇشىن.

تومەندە شاعىمدانۋشىنىڭ باس پروكۋرورعا جىبەرگەن اشىق حاتىن ۇسىنامىز جانە قۇزىرلى ورىنداردان زاڭ اياسىندا جۇمىس ىستەۋىن وتىنەمىز.

***                   ***                         ***

                                                     قازاقستان      رەسپۋبليكاسىنىڭ

                                                     باس پروكۋرورى ا.ق.داۋىلباەۆقا

 

                                                      سۋلتانكۋلوۆا  گۋلنار  ماكاتاەۆنادان

                                                      م/ج:    ەڭبەكشىقازاق  ا/ى،  راحات اۋىلى،

                                                                 مولودەجنايا   كوشەسى  35  ءۇي،

                                                                 الماتى  وبلىسى.                     

 

                                              اشىق  حات

 

            مەن  2012 جىلدىڭ كوكتەمىنەن بەرى ەڭبەكشىقازاق اۋداندىق ىشكى ىستەر باسقارماسىنا ارىزدانىپ اكەمنەن قالعان 20,0 گەكتار جەردى  سۋلتانكۋلوۆا نۇرشاحان مەن سۋلتانكۋلوۆا ۋلتۋار دەگەن اپكەلەرىم ساتىپ جىبەرگەنى تۋرالى جازدىم. سودان بەرى ءبىر جارىم جىل قۇقىق قورعاۋ ورىندارىنىڭ جۇمىسىنا قانىق بولدىم. قانىق بولعاندا ءىستى سوزبالاڭعا سالىپ ادام قۇقىعىن اياق استى ەتۋدىڭ شەبەرلەرى ەكەنىنە كوزىم جەتتى.  

2012 جىلدىڭ ءساۋىر ايىندا جازعان ارىزىم بويىنشا تەك 2012 جىلدىڭ 29 قىركۇيەك كۇنى ەڭبەكشىقازاق اۋداندىق ءىىب-سى قر قك ء–نىڭ 325 باپىمەن قىلمىستىق ءىس قوزعادى. سول قىلمىستىق ءىس ءالى تەرگەلىپ كەلەدى. مىنە ءبىر جىل ءبىر اي ۋاقىت ءوتتى، بىرىنەن كەيىن ءبىرى اۋىسقان تەرگەۋشىلەر  ەشقانداي ناتيجە شىعارماي، قىلمىستىق ءىستى سوتقا جىبەرمەي وتىر. بەس تەرگەۋشى تەرگەدى. اۋدان پروكۋرورى مەن پوليتسيا باستىعى ءىستى ادەيى جۇرگىزبەي وتىر.

وسى 2013 جىلدىڭ مامىر ايىنىڭ اياعىندا قىلمىستىق ءىستى  الماتى وبلىستىق ىشكى ىستەر  دەپارتامەنتىنىڭ تەرگەۋ باسقارماسى وزدەرىنىڭ وندىرىسىنە  العان، بىراق تەرگەۋ مەن ويلاعانداي بولمادى. ءىستى قولعا العان ادام نەگە ەكەنى بەلگىسىز تەرگەۋدى باسقا جاققا بۇرىپ، نەمەسە توقتاتىپ قويادى. دەپارتامەنتتىڭ تەرگەۋشىسى س.مۋراتبەكوۆ سالعان جەردەن قىلمىستىق ءىستى بۇرا تارتىپ الگى اپكەمنىڭ ءسوزىن سويلەپ، قىلمىستىق جاۋاپقا تارتاتىن ادام جوق دەپ ءىستى قىسقارتىپ تاستادى. ول قاۋلى بۇزىلىپ ەدى ەندى ءىستى مۇلدەم قىسقارتىپ تاستادى.  

ءىستىڭ ءمان جايىنا كەلسەك اكەم سۋلتانكۋلوۆ ماكەتاي 2002 جىلى قايتىس بولدى. ارتىندا 20,0 گەكتار  شارۋا قوجالىعىن جۇرگىزۋ ءۇشىن بەرىلگەن جەر قالدى.  2007 جىلى وسى 20,0 گا جەر قۇجاتتارىن ىزدەگەنىمدە 2004 جىلى جالعان قۇجاتتارمەن ساتىلىپ كەتكەنىن ءبىلىپ قۋدالادىم. اپكەلەرىمە اكەمىزدەن قالعان جەردى قايتارىپ الايىق دەگەنىمدە ول جەردىڭ كەرەگى جوق، ءتىپتى يەگىمىز قىشىمايدى دەپ جاتىپ الدى. 2008 جىلى سوت شەشىمىمەن جالعان قۇجاتتاردىڭ كۇشى جويىلىپ، جەردى قايتارىپ الىپ ءوز اتىما جەر اكتىسىن الدىم. مۇراگەرلىككە قۇقىق بەرەتىن كۋالىك الۋ ءۇشىن باۋىرلارىمنىڭ قۇجاتتارىن دايىندادىم.  

سول كەزدە يەگى قىشىماعان اپكەلەرىم وزگەرىپ سالا بەردى. ءبىرىنشى كەزەكتە ۇلكەن اپكەم سۋلتانكۋلوۆا نۇرشاحان مەن سۋلتانكۋلوۆا ۋلتۋار ەكەۋى ۇيىمە قايتا-قايتا كەلىپ ءجۇرىپ 2009 جىلدىڭ كوكتەمىندە مەنىڭ اتىمداعى جەر اكتىسىن سۇراپ الدى. قۇجاتتاردىڭ ءبارىن وزدەرى دايىنداپ قولىما سالىپ بەرەم دەدى. ءبارىمىز بىرىگىپ ساتىپ اقشانى تەڭدەي ءبولىپ الاتىن بولدىق. جەردى قايتارىپ العانىم ءۇشىن ۇلەسىمە اقشا قوسىپ بەرەمىز انت-سۋ ءىشتى. بىراق ءىس جۇزىندە ولاي بولمادى. 

2012 جىلدىڭ كوكتەمىندە اكەمنەن قالعان 20,0 گەكتار جەرگە توعىز مۇراگەر بار بولا تۇرا تالعار قالاسىنىڭ تۇرعىنىنا ساتىلىپ كەتكەنى بەلگىلى بولدى. سول كەزدەن باستاپ مەن اۋداندىق ءىىب-نا ارىزدانۋعا ءماجبۇر بولدىم.

جەردى قازىرگى ۋاقىتتا يەلەنىپ وتىرعان ساتىپ الۋشى ەسماحانوۆ ەسىركەپ  دەگەن ازامات ەكەن. جەرگە قازىق قاعىپ يەلەنىپ وتىرعانىن ءبىلىپ سويلەسكەنىمدە،  بۇل جەر مەنىكى 2012 جىلى مەملەكەتتەن الدىم دەدى. 1997 جىلدان بەرى اكەم مالىن جايىپ، ءشوبىن شاۋىپ الىپ جۇرگەن جەر، 2008 جىلى سوت شەشىمىمەن قايتارىلعان جەر، 2012 جىلى باسقا ادامعا بەرىلۋى مۇمكىن ەمەس. مەن قۇجاتتارىڭىزدى كورسەتىڭىز دەپ ەدىم كورسەتپەدى.

تەرگەۋشىلەرگە ساتىپ العان ادام مىنە دەپ ايتىپ بەردىم. بىراق اۋدان تەرگەۋشىلەرى دە وبلىستىڭ تەرگەۋشىسى دە كۋا رەتىندە جاۋاپ المادى. سونداعى ايتاتىنى ول اۋدان ءماسليحاتىنىڭ دەپۋتاتى دەيدى.

ال قۇقىق قورعاۋ ورىندارىنىڭ وسى جاعداي بويىنشا نە ىستەگەنى نەمەسە كەرىسىنشە ەشقانداي ارەكەت جاساماي وتىرعانى، ادام قۇقىعىن، مۇراگەرلىك قۇقىق، جابىرلەنۋشىنىڭ قۇقىعى دەگەن سوزدەردى ەستىمەگەنى جانە ەستىگىسى كەلمەيتىنى بولەك اڭگىمە. اڭگىمە ەمەس ادامنىڭ جان ايقايى، قۇقىق قورعاۋ ورىندارىنىڭ قىزمەتكەرلەرى  وتىرعان ورنىن تەك ءوز پايداسىنا پايدالانىپ، ادامگەرشىلىكتى ىسىرىپ قويىپ، جەڭ ۇشىنان جالعاسىپ، جەمقورلىققا باتۋى دەر ەدىم.    

تەرگەۋ باستالعاننان سوڭ اۋداندىق تەرگەۋ ءبولىمىنىڭ ءىس-ارەكەتتەرىنە شاعىمدانىپ بارىپ ەدىم اۋدان پروكۋرورى ت.يمانباەۆ مەنى قابىلداماي قۋىپ شىعاردى. ال وبلىس پروكۋرورىنىڭ قابىلداۋىندا ءتورت رەت بولدىم. ودان كەيىن وبلىس پروكۋرورىنا ءتورت رەت كىردىڭ ەندى كىرۋگە رۇحسات جوق دەپ كىرگىزبەي وتىر.    

 20,0 گا جەردى بۇرىن قر قك-ءتىڭ 177 باپىمەن سوتتى بولىپ وتەپ شىققان اپكەم سۋلتانكۋلوۆا نۋرشاحان مەن ەكىنشى اپكەم سۋلتانكۋلوۆا ۋلتۋار ەكەۋى نوتاريۋس م.ساگانباەۆتىڭ كۋالاندىرعان جالعان سەنىمحاتى ارقىلى ساتىپ جىبەرگەن.

                وسىدان سوڭ 2012 جىلدىڭ ءساۋىر ايىندا اۋداندىق پوليتسيا جانە پروكۋراتۋراعا ارىزداندىم. ولار تەكسەرە كەلە 2012 جىلدىڭ 19 قىركۇيەك كۇنى قر قك-ءنىڭ 325 باپىنىڭ 1 بولىمىمەن قىلىستىق ءىس قوزعادى.

                 2013 جىلدىڭ مامىر ايىنىڭ اياعىندا 2012 جىلدىڭ قىركۇيەك ايىندا قوزعالعان قىلمىستىق ءىستى  الماتى  وبلىستىق ءىىد تەرگەۋ جۇرگىزۋ باسقارماسىنىڭ اعا تەرگەۋشىسى س.مۋراتبەكوۆ الىپ وسى № 12194003101002 ساندى قىلمىستىق ءىستى 05.07.2013 جىلعى قاۋلىسىمەن زاڭسىز توقتاتتى. قر قك ء–نىڭ 325 باپىنىڭ 1 باپىمەن قوزعالعان قىلمىستىق ءىس بويىنشا 10 اي تەرگەۋ ءجۇرىپ اياعىندا قىلمىستىق جاۋاپقا تارتاتىن ادام جوق بولىپ شىقتى. ول قاۋلى بۇزىلىپ سول س.مۋراتبەكوۆكە قر ءىىم تىكەلەي نۇسقاۋ بەرىپ قىلمىستىق ءىستى جان-جاقتى قاراپ، تەرگەۋىن ءبىتىرىپ، سوتقا جىبەرۋ تۋرالى ايتقان.

                الايدا تەرگەۋشى س.مۋراتبەكوۆ 09.09.2013 جىلى قىلمىستىق ءىستى مۇلدەم قىسقارتىپ تاستادى. قىلمىستىق ءىستى قايتادان سول س.مۋراتبەكوۆكە بەرگەندە مەن سەنبەگەندىكتەن تەرگەۋشىدەن باس تارتۋ تۋرالى ارىز جازدىم. سوعان قاراماستان تەرگەۋشى س.مۋراتبەكوۆ قىلمىستىق ءىستى قىسقارتىپ، دالەلدەنىپ وتىرعان قىلمىستىق ءىستى جوق ەتتى.

                2013 جىلدىڭ قىركۇيەك ايىنىڭ سوڭىندا باس پروكۋروردىڭ ءبىرىنشى ورىنباسارى ي.د.مەركەلدىڭ قابىلداۋىندا بولدىم. ي.د.مەركەل مىرزا قىلمىستىق ءىستى الدىرتىپ زاڭدىلىعىن تەكسەرىپ، مەنى شاقىرتىپ تەكسەرۋدىڭ ناتيجەسىمەن تانىستىراتىن بولعان. الايدا ولاي بولمادى. ءىىم-ءنىڭ تەرگەۋ ءبولىمىنىڭ نۇسقاۋىمەن شەكتەلدى. مەن مينيسترلىكتىڭ نۇسقاۋىنان كەيىن زاڭ تالابى ورىندالار دەدىم. بىراق ولاي بولمادى.

                تەرگەۋشى س.مۋراتبەكوۆ قر ءىىم-ءنىڭ نۇسقاۋىن ورىنداماق تۇگىلى، پىسقىرىپ تا   قارامادى.

                 قازىرگى ۋاقىتتا تەرگەۋشى س.مۋراتبەكوۆ ءىستى قايتا وزىنە العان. مەن تەرگەۋشىگە سەنبەيتىنىمدى ايتىپ وبلىس پروكۋرورىنا دا، ءىىد-نە دە، ءىىم- تەرگەۋ بولىمىنە دە ارىزداندىم. بىراق س.مۋراتبەكوۆكە ەشكىمنىڭ كۇشى جەتپەيتىن سياقتى. تەرگەۋشى مينيسترلىكتىڭ نۇسقاۋىن ورىنداماسادا ءوز ويىنان نۇسقاۋ شىعارىپ العان. ءىس بويىنشا ساراپتاما تاعايىنداپ وتىر. ساراپتاما تاعايىنداۋ تۋرالى ەشبىر نۇسقاۋدا جازىلماعان. وبلىس پروكۋرورى ساراپتاما تاعايىندا دەپ اۋىزشا ايتقان دەپ، ءوز بەتىنشەقىلمىستىق ءىستى قۇرتۋدىڭ امالىن ىستەپ وتىر. سەبەبى  قىلمىستىق ءىستىڭ قوزعالۋىنا نەگىز بولعان ەكى بىردەي ساراپتاما قورىتىندىلارى. سۋلتانكۋلوۆا  نۇرشاحان  سۋلتانكۋلوۆا  ۋلتۋارمەن  كەلىسە  وتىرىپ  مەنىڭ  اتىمنان  سەنىمحات  العان. بۇل سەنىمحاتتى  ەڭبەكشىقازاق  اۋدانى  راحات  سەلولىق  وكرۋگىنىڭ  نوتاريۋسى  ساگانباەۆ  مۇقانبەك  ورنىقبايۇلى  سۋلتانكۋلوۆا  ۋلتۋاردىڭ  اتىنا كۋالاندىرىپ  بەرگەن. مەنىڭ اتىمنان سەنىمحات جازىلعانى  تۋرالى  ولار  ماعان ايتپاعان. وسىنداي  جالعان  سەنىمحاتتى  مەنىڭ  اتىمنان  ەكى  رەت  العان. وسى  جالعان  سەنىمحات نەگىزىندە  مەملەكەتتىك  اكتىنى  سۋلتانكۋلوۆا  ۋلتۋاردىڭ  اتىنا  العان. ال سۋلتانكۋلوۆا نۋرشاحان ەكىنشى  سەنىمحاتتى  پايدالانىپ جەر تەلىمىن، مەنىڭ جانە  باسقا اپكەمنىڭ ۇلەسىمدى  قوسا ساتىپ جىبەرىپ، اقشانى  باس  پايدالارىنا  جاراتقان. تەرگەۋشى اكەمىزدەن قالعان جەر بويىنشا ازاماتتىق تارتىپپەن شەشىپ الۋ كەرەك دەپ كورسەتكەن. الايدا قر قك ء–نىڭ 325 باپى بويىنشا قىلمىستىق ءىس نە ءۇشىن قوزعالعان.

 مەنىڭ اتىمنان سەنىمحاتقا قول قويعانىن سۋلتانكۋلوۆا نۋرشاحان مويىنداپ وتىر. سەنىمحاتتى مەنىڭ قاتىسۋىمسىز كۋالاندىرعانىن نوتاريۋس م.ساگانباەۆ مويىنداپ وتىر. بىراق تەرگەۋشى قاۋلىعا ولاردىڭ دا مەنىڭ دە كۋالەردىڭ دە جاۋاپتارىن جازباعان جانە مەنىڭ اتىمنان قول قويعان ادام تەرگەۋ كەزىندە انىقتالماعان دەپ كورسەتكەن. قول قويعان ادام مويىنداپ تۇرسادا تەرگەۋشى قولدى كىم قويعانى بەلگىسىز دەپ كورسەتكەن.

مەنىڭ باسقا ارىزىم بويىنشا راحات اۋلى، قۇماروۆا كوشەسى 47 ءۇي ورنالاسقان ءۇيدىڭ جەر تەلىمىن سىيعا تارتۋ تۋرالى كەلىسىم شارتقا مەنىڭ اتىمنان باسقا ادام قول قويعانىن جانە كىمنىڭ قول قويعانىن انىقتاۋ مۇمكىن ەمەس دەپ 11.03.2013 جىلعى № 7118 ساندى ساراپتامادا كورسەتىلگەن. تەرگەۋشى ادەيى سول ساراپتامانى 20,0 گا جەر تەلىمىنە شىعارىلعان ساراپتامانىڭ ورنىنا قويىپ وتىر. ياعني قىزمەتتىك جالعاندىق جاساپ وتىر. 20,0 گا جەر تەلىمى بويىنشا قول قويعان سۋلتانكۋلوۆا نۋرشاحان ەكەنى 13.09.2012 جىلعى № 1068 ساراپتامادا كورسەتىلگەن.

                2012 جىلدىڭ كوكتەمىندە اپكەم ماعان حابارلاسىپ جەر ساتىلعانىن جانە 200 000 اقش دوللارى مەنىڭ ۇلەسىم ەكەنىن ايتتى. مەن وعان كەلىسپەي جەردى ارزانىرىق ساتقانىن جانە مەنىڭ ۇلەسىم ودان كوبىرەك بولۋ كەرەك ەكەنىن ايتتىم. سوندا ۇلكەن اپكەم سۋلتانكۋلوۆا نۋرشاحان ماعان الماساڭ ولدا جوق دەدى. مەن جەردى قانشا اقشاعا ساتقانىن بىلمەكشى بولىپ ەدىم ايتپادى. قۇجاتتاردى سۇراپ ەدىم بەرمەدى. اۋداندىق جەر كوميتەتىنەن مەنىڭ اتىما بەرىلگەن جەر اكتىسىنىڭ كوشىرمەسىن الايىن دەپ ەدىم، باسقا جەر اكتىسى شىعارىلعانىن جانە ول سۋلتانكۋلوۆا ۋلتۋاردىڭ اتىندا ەكەنىن جانە مەنىڭ اتىمنان سەنىمحات بار ەكەنىن ءبىلدىم. 

                2012 جىلدىڭ 19 قىركۇيەك كۇنى قىلمىستىق ءىس قوزعالعان سوڭ بىرنەشە كۇن وتكەننەن كەيىن بەلگىسىز ادامدار مەنىڭ ءۇيىمنىڭ قاقپاسىنا بەنزين توگىپ ورتەدى. ەرتەڭىنە ۇيدەگى تەلەفونىما ءبىر ەر ادام تەلەفون سوعىپ، ارىزىڭدى قايتىپ الماساڭ ءۇيىڭدى ورتەيمىن دەپ قورقىتتى. مەن اۋداندىق بايلانىس بولىمىنەن ۇيگە تەلەفون سوققان ادامنىڭ ۇيالى تەلەفونىنىڭ ءنومىرىن انىقتاپ، پوليتسياعا ارىز جازدىم. پوليتسيا ارىزىمدى ۋچاسكەلىك ينسپەكتورعا بەردى. ول قۋراعان ءشوپ ورتەنگەن ەكەن، ۇيالى تەلەفون ءوشىپ تۇر ەكەن دەدى دە قويدى. بۇل تۋرالى اۋداندىق جانە وبلىس پروكۋرورىنا شاعىمدانىپ ەدىم ەشكىم زارداپ شەكپەدى، ادام ولگەن جوق دەدى دە قويدى.

            سۋلتانكۋلوۆا  نۇرشاحان  ماعان بىلاي  دەپ ايتتى، «سەنىڭ  اقشاڭ  جوق، مەن مىنا  پروكۋرور  مەن رۋۆد-نى، بۇكىل قازاقستاندى ساتىپ  الامىن» دەپ. وسى  قىلمىستى  جاساعان ۇشەۋى، سۋلتانكۋلوۆا  نۇرشاحان ماكەتايقىزى، نوتاريۋس ساگانباەۆ مۇقانبەك  ورنىقبايۇلى  جانە سۋلتانكۋلوۆا ۇلتۋار ماكاتايقىزى. وسى  ۇشەۋىنىڭ جاۋاپقا تارتىلۋى ءتيىستى. مەن زاڭعا سەنىپ وتىرمىن. ال زاڭ ورىندارى باسقالاي جاساپ وتىر.

                قۇرمەتتى اسحات قايزوللاۇلى مەنىڭ وسى اشىق حاتىمدى اياقسىز قالدىرماي ءبىر جىل بۇرىن قوزعالعان قىلمىستىق ءىستىڭ زاڭدى شەشىمىن تابۋىنا كومەكتەسۋدى جانە مەنى قابىلداۋىڭىزدى سۇرايمىن.    

                                                                         سۋلتانكۋلوۆا.گ.م.    

***                    ***                       ***

نۇرعالي نۇرتاي

Abai.kz

0 پىكىر