جەكسەنبى, 23 ماۋسىم 2024
قوعام 5967 0 پىكىر 19 تامىز, 2014 ساعات 15:52

اۋىتتىڭ حاتىنا قالىڭ قازاق جاعىمدى جاۋاپ كۇتەدى

Auyt Mukibek

بەلگىلى اقىن، ورالماندار ماسەلەسىن ءجيى كوتەرىپ جۇرگەن اۋىت مۇقيبەك ءوزىنىڭ «Facebook» الەۋمەتتىك جەلىدەگى پاراقشاسىندا كەشە جانە بۇگىن اقورداعا باس سۇعىپ ءدات ايتىپ، حات تاپسىرعانى تۋرالى جازدى. ول كەشە، 18 تامىز كۇنى پرەزيدەنت كەڭسەسىنىڭ باستىعى ماحمۇت قاسىمبەكوۆتىڭ قابىلداۋىندا بولىپ، وزگەرتۋلەر مەن تولىقتىرۋلار ەنگىزىلگەلى جاتقان كوشى-قون زاڭىنا قاتىستى ۇسىنىستارىن جەتكىزگەن. ءوز كەزەگىندە ماحمۇد بازارقۇلۇلى  قازاق كوشىنىڭ بۇدان بىلايعى بولاشاعىنان سىر شەرتىپ، ءبىراز جاقسى حابارىمەن اۋىت مۇقيبەكتى قۋانتىپ تاستاپتى. ال، بۇگىن اۋىت مۇقيبەك اقورداداعى پرەزيدەت كەڭسەسىنە  قر پرەزيدەنتى اكىمشىلىگىنىڭ باسشىسى نۇرلان نىعماتۋلليننىڭ اتىنا جازىلعان ەكى ۇسىنىس حات دايىنداپ اپارىپ تاپسىرعان. ءوزىنىڭ ايتۋىنشا ول جازعان حاتىندا كوپ «سۇراپ» وتىرعان جوق، تەك ەلباسىمىزدىڭ ون نەشە كۇن  بۇرىن عانا بار لاۋازىمدىنىڭ الدىندا ايتقان «ورالمانداردىڭ ەلگە ورالۋىنا بار جاعدايدى جاساڭدار» دەگەن ءامىرى ورىندالسا، قانداستارىمىزدىڭ  ەلگە تەزىرەك ورالۋىنا بارلىق مۇمكىندىكتەر قاراستىرىلسا دەيدى. اۋىت مۇقيبەك سونداي-اق اۋەلى اللادان، سوسىن  «ەلباسىنىڭ ايتقانىن ەكى ەتپەي» ورىنداپ جۇرگەن نۇرلان زايروللاۇلىنان ۇلكەن ءۇمىت كۇتەدى. ءبىز دە ەتەك-جەڭىن جيناپ، ىقشامدالعان بيلىكتەن قالىڭ قازاققا قايىرى مول بولار قادامدار كۇتەمىز.




 

نۇرعالي نۇرتاي

Abai.kz

0 پىكىر