دۇيسەنبى, 28 قىركۇيەك 2020
COVID-19 قازاقستاندا. جۇقتىرعاندار — 107775. جازىلعاندار — 102736. قايتىس بولعاندار — 1699
ساياسات 6555 0 پىكىر 25 تامىز, 2014 ساعات 10:12

ابحازيا تاۋەلسىزدىگىن تانۋدى سۇرايدى

 

 

ابحازيا پرەزيدەنتىنىڭ مىندەتىن اتقارۋشى، پارلامەنت سپيكەرى ۆالەري بگانبا قر پرەزيدەنتى نۇرسۇلتان نازارباەۆقا حات جازىپ، قازاقستان پارلامەنتى ابحازيا رەسپۋبليكاسىنىڭ تاۋەلسىزدىگىن تانىپ، قولداۋىن وتىنۋدە.

«قازاقستان رەسپۋبليكاسى پارلامەنتىنە پارمەن ەتىپ،  قازاقستان رەسپۋبليكاسىنىڭ ابحازيا رەسپۋبليكاسىنىڭ تاۋەلسىزدىگىن تانىپ قولداۋى جونىندە ءوتىنىش جاساۋىمىزعا ابحازيا پارلامەنتى مەن كوپۇلتتى مەملەكەتىمىزدىڭ اتىنان ۇرىقسات ەتىڭىز» دەپتى ءوز حاتىندا بگانبا. ۆالەري بگانبا  قر پرەزيدەنتىنىڭ اتىنا جازعان حاتىندا «زاماناۋي ابحازيا رەسپۋبليكاسى كونستيتۋتسياسىنا سايكەس – تاۋەلسىزدىگىنە قول جەتكىزگەلى تۇرعان جانە سونى زاڭدى تۇردە بەكىتىپ الۋعا بەل بايلاعان ەگەمەن ەل» دەپ شەگەلەي ءتۇسىپتى. حات ابحازيا رەسپۋبليكاسى پارلامەنتىنىڭ سايتىندا جاريالاندى.

ەستەرىڭىزگە سالا كەتەيىك، ابحازيانىڭ تاۋەلسىزدىگىن 2008 جىلى 26 تامىزدا رف ءبىرىنشى بولىپ تانىدى. سودان كەيىن نيكاراگۋا رەسپۋليكاسى (2009 جىلى، 5 قىركۇيەكتە), ۆەنەسۋەلا (2009 جىلى، 10 قىركۇيەكتە.), ناۋرۋ رەسپۋبليكاسى (2009 جىلى، 15 جەلتوقساندا) مويىنداعان ەدى. وسى جايتتاردى ويعا سالا وتىرىپ، ابحازيا رەسپۋبليكاسى پرەزيدەنتىنىڭ مىندەتىن اتقارۋشى ۆالەري بگانبا الگى حاتىندا 1993 جىلدان بەرمەن قاراي گرۋزيا بيلىگىنىڭ زاڭدىلىعىن مويىنداماي كەلە جاتقاندارىن، كەرەك دەسەڭىز، كودورسك شاتقالىنان گۇرجى اسكەرىن قۋىپ شىققاندارىن ايتادى. ابحازيا قازىرگى جاعدايىندا جارتىلاي ەگەمەن ەل اتانعانىمەن، دە-فاكتو گرۋزيانىڭ قۇرامىندا بولىپ تابىلادى. الايدا، ابحازيا دا تاۋەلسىزدىگىن رەسەي تانىعان وڭتۇستىك وسەتيا سياقتى گرۋزيادان بولىنگىسى كەلەدى. ءسويتىپ ول قر باسشىسىنا قولقا سالىپ وتىر. بگانبانىڭ حاتىنا رەسمي استانا نە دەپ جاۋاپ بەرەدى، ونى الداعى كۇندەرى بىلەتىن بولامىز.

Abai.kz

0 پىكىر