جۇما, 29 ناۋرىز 2024
ساياسات 7122 0 پىكىر 13 ناۋرىز, 2014 ساعات 21:47

«ەح، سەرگەي، سەرگەي، سەرگەي...»

قر ۇلتتىق قاۋىپسىزدىك كوميتەتىنىڭ،

قر باس پروكۋراتۋراسىنىڭ،

الماتى قالاسىنىڭ اكىمىنىڭ

نازارىنا!

سەرگەي پاشەۆيچ (1-سۋرەتتە) – قازاقستان رەسپۋبليكاسىنىڭ ازاماتى. اۋعان سوعىسىنا قاتىسقان. قازىر كاسىپكەر جانە «بوەۆوە براتستۆو» وداعىنىڭ جەتەكشىسى.

بۇ كىسى وتكەن اپتادا ۋكراينا مەن رەسەي اراسىنداعى ساياسي ماسەلەگە قاتىستى مالىمدەمە جاساپ، رەسەي پرەزيدەنتى ءپۋتيننىڭ ۋكرايناعا قاتىستى ساياساتىن قولدايتىنىن اشىق مالىمدەدى:

«ۋكراينا بيلىگىنە سىرتقى كۇشتەردىڭ كومەگىمەن، امەريكا مەن ەۋروپا ەلدەرى تاراپىنان قارجىلاندىرىلعان راديكالداردىڭ كەلگەنى ەشكىمگە جاسىرىن ەمەس. جاۋىنگەرلەردى بالتىق جاعالاۋى جانە پولشادا دايىنداعان. سودان كەيىن ولار ۋكراينا تەرريتورياسىنا كىرگەن. ۇلكەن ەسەپپەن الىپ قاراعاندا، بۇل – اۋعان ستسەناريى. 1979 جىلى اۋعانىستانعا اسكەر (كىمنىڭ اسكەرى؟ -رەد) كىرگەندە 28 ايماقتىڭ ۇشەۋىندە عانا قالىپتى، تىنىش جاعداي ەدى. ال، قالعان ايماقتاردى باندىلار بيلەپ-توستەپ تۇردى. يانۋكوۆيچ زاڭسىز جولمەن بيلىكتەن شەتتەتىلگەن سوڭ، قىرىم بيلىگى پۋتيننەن كومەك سۇرادى. كومەك سۇراعاندارعا ول جاۋاپ بەردى. ونىڭ ۇستىنە قىرىمدا كۇزەتۋ مەن قورعاۋدى قاجەت ەتەتىن رەسەيدىڭ قارا تەڭىز اسكەري بازاسى تۇر».

پاشەۆيچ ءوز مالىمدەمەسىن رەسەي مەملەكەتتىك تىلىندە تاراتقاندىقتان، ءبىز ونى قازاقستاننىڭ مەملەكەتتىك تىلىنە اۋداردىق.

سەرگەي پاشەۆيچتىڭ مالىمدەمەسىنە قاتىستى پىكىرىن بىلمەك ءۇشىن ءماجىلىس دەپۋتاتى، اۋعان سوعىسىنىڭ ارداگەرى باقىتبەك سماعۇل مىرزاعا حابارلاستىق.

باقىتبەك سماعۇل، ءماجىلىس دەپۋتاتى (2-سۋرەتتە):

- ءبىز وزگە مەملەكەتتىڭ ىشكى ىسىنە ارالاسپايمىز. دەربەس، تاۋەلسىز مەملەكەتپىز. شەكارامىز ايقىندالعان. ال، سەرگەي پاشەۆيچتىڭ مالىمدەمەسىن جەكە ادامنىڭ كوزقاراسى دەپ قابىلداعان ءجون شىعار. ايماقتارداعى اۋعان سوعىسى اردارگەرلەرى حابارلاسىپ جاتىر. الداعى ۋاقىتتى ءبىز بۇل ماسەلەگە قاتىستى ارنايى ءباسپاسوز مالىمدەمەسىن جاسايمىز.

بىزگە سەرگەي پاشەۆيچتىڭ مالىمدەمەسى مۇلدەم تۇسىنىكسىز. ول بۇل ارەكەتى ارقىلى نە ايتقىسى كەلەدى؟ ەگەر، سەرگەي رەسەي ازاماتى بولسا، وندا اڭگىمە باسقا.  پاشەۆيچ قازاقستاننىڭ ازاماتى. ەندەشە، قاراپايىم ادامنىڭ شەت ەلدەردىڭ ساياسي ىسىنە ارالاسۋىن قالاي تۇسىنۋگە بولادى؟ شاماسى، ول ءوزىنىڭ قاي ەلدە، قانداي مەملەكەتتە ءومىر ءسۇرىپ جاتقانىن مۇلدەم ۇمىتقان سياقتى.

ءبىز، سەرگەي پاشەۆيچتىڭ مالىمدەمەسىنە الاڭداۋشىلىعىمىزدى بىلدىرە وتىرىپ، بۇل ازاماتتىڭ ارەكەتىنە ۇقك، باس پروكۋراتۋرا، الماتى قالاسىنىڭ اكىمشىلىگى نازار اۋدارىپ، ەگجەي-تەگجەيلى تەكسەرەدى دەگەن سەنىمدەمىز!

P.S. مۇقاعاليدى ءسال بۇرمالاۋعا تۋرا كەلىپ تۇر:

ەح، سەرگەي، سەرگەي، سەرگەي...

قازاقستاندا از ەمەس قوي سەندەي....

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622