سەنبى, 4 ءساۋىر 2020
COVID-19 قازاقستاندا. جۇقتىرعاندار — 525. جازىلعاندار — 36. قايتىس بولعاندار — 5
جاڭالىقتار 4172 0 پىكىر 26 ناۋرىز, 2014 ساعات 18:39

ن.نازارباەۆ: سوڭعى جىلدارى ۋكراينانىڭ ساياسي باسشىلىعى ءجيى قۇبىلدى

پرەزيدەنت نازارباەۆ نيدەرلاند كورولدىگىنە رەسمي ساپارىنىڭ جانە گااگاداعى يادرولىق قاۋىپسىزدىك جونىندەگى سامميت جۇمىسىنىڭ قورىتىندىلارى بويىنشا وتكىزگەن بريفينگتە ۋكراينا جانە قىرىم ماسەلەسىنە بايلانىستى پىكىرىن ايتتى. بۇل تۋرالى پرەزيدەنتتىڭ ءباسپاسوز قىزمەتى حابارلادى.

«مەملەكەت باسشىسى بۇگىندە قىرىم توڭىرەگىندەگى جاعدايعا بايلانىستى باتىس ەلدەرى مەن رەسەي اراسىندا شيەلەنىس بايقالىپ وتىرعانىن ەسكە سالدى.                         

– سوڭعى كۇندەرى بارلىعى حالىقارالىق قۇقىق تۋرالى ايتۋدا جانە بىزدەر ونى بۇزۋدىڭ قاۋىپتى مىسالدارىن كورىپ وتىرمىز. بۇل قاقتىعىسقا تارتىلعان ەلدەردىڭ ەكونوميكالارىن ونداعان جىلدارعا كەرى شەگەرۋگە اكەلىپ سوقتىرادى.  سونىمەن قاتار، ۋكرايناداعى جاعدايدى ايتقاندا، بۇل ەلدىڭ ەكونوميكاسى كەڭەستىك زاماندا رەسەيدەن كەيىنگى ەكىنشى ورىندا بولعانىن اتاپ وتكەن ءجون. رەسپۋبليكا وتە زور الەۋەتكە يە بولاتىن. بىراق سوڭعى جىلدارى ۋكراينانىڭ ساياسي باسشىلىعى ءجيى قۇبىلدى – بىردە ەۋروپامەن قارىم-قاتىناستى كۇشەيتۋگە، بىردە رەسەيمەن ءوزارا ءىس-قيمىلدى جانە ەۋرازيالىق ينتەگراتسياعا دامىتۋعا ۇمتىلدى. ءىس جۇزىندە حالىق پەن ەل ەكى بولىككە ءبولىنىپ قالدى. ناتيجەسىندە ىشكى ساياسي جاعداي باقىلاۋدان شىعىپ كەتتى. بۇگىنگى ءبىرىنشى كەزەكتەگى مىندەت  – قۇقىقتىق الاڭعا قايتا ورالۋ، بۇل سايلاۋ وتكىزۋ دەگەندى بىلدىرەدى. زاڭدى پرەزيدەنتتى، پارلامەنت پەن لەگيتيمدى ۇكىمەتتى سايلاۋ كەرەك. سوسىن وسى نەگىزدە بەيبىت كەلىسسوزدەر جۇرگىزىپ، قالىپتاسقان احۋالدان بىرلەسىپ شىعۋ قاجەت، – دەدى قازاقستان پرەزيدەنتى.

مەملەكەت باسشىسى سونداي-اق ۋكراينانىڭ رەسەيمەن شەكاراسىن انىقتاۋ ماسەلەسىن ءالى كۇنگە دەيىن شەشپەگەنىن، بۇل مەملەكەتتەر اراسىنداعى قارىم-قاتىناسقا بوگەت بولاتىنىن ايتتى.  ول قازاقستاننىڭ مۇنداي ماسەلەنى رەسەيمەن دە، قىتايمەن دە، سونداي-اق وزگە دە كورشىلەرىمەن تولىقتاي رەتتەپ العانىن ەسكە سالدى»، دەلىنگەن اقوردانىڭ رەسمي سايتىندا.

اباي-اقپارات

0 پىكىر