دۇيسەنبى, 13 شىلدە 2020
«13 шілде – Ұлттық аза тұту күні»
ماسەلەنىڭ ءمانى 3949 0 پىكىر 27 ناۋرىز, 2014 ساعات 11:26

ۋكرايناداعى جاعداي قازاقستان ەكونوميكاسىنا اسەر ەتەدى

جانگەلدى شىمشىقوۆ، ەكونوميست، ەكونوميكا ينستيتۋتى استانا فيليالىنىڭ ديرەكتورى (سۋرەتتە):

 

- ۋكراينا مەن رەسەي اراسىنداعى شيەلەنىستى جاعداي قازاقستان ەكونوميكاسىنا اسەر ەتۋى مۇمكىن بە؟

 - قازىرگى جاھاندانۋ زامانىندا الەمدىك ەكونوميكا ءبىر-بىرىمەن تىعىز بايلانىستا. ۋكراينا مەن قازاقستان اراسىنداعى ساۋدا، كاپيتال اينالىمى جانە كاسىپورىندار بايلانىسى قازاقستان مەن رەسەي اراسىنداعى ساۋدا اينالىمىنا جەتپەسە دە قوماقتى دەۋگە بولادى.. سوندىقتان، ۋكرايناداعى كەز كەلگەن ەكونوميكالىق وزگەرىس قالاي دەسەڭىزدە قازاقستانعا اسەر ەتپەي قويمايدى. اسەر ەتپەيدى دەپ جاھاندانۋدىڭ زاڭدىلىقتارىن تۇسىنبەيتىن ادام عانا ايتۋى مۇمكىن. ۋكراينا عانا ەمەس، قازاقستان ەكونوميكالىق بايلانىسى بار وزگەدە ەلدەردەگى جاعداي بىزگە مىندەتتى تۇردە اسەرىن، ىقپالىن جاسايتىنى ءسوزسىز.

- اقش پەن ەۋروپا ەلدەرىنىڭ رەسەيگە جاساپ جاتقان ەكونوميكالىق قىسىمدارىنىڭ قانداي ءبىر ناتيجەسى بولا ما؟

 - مىندەتتى تۇردە اسەر ەتەدى. «جىعىلعان كۇرەسكە تويمايدى» دەيدى عوي، رەسەي تۋرالى قازىرگى ايتىپ جاتقان سوزدەر ءدال وسى ءسوزدىڭ كەرى. ەگەر ونىڭ اسەرى بولمايتىن بولسا، اقش ونداي قادامعا بارماس ەدى. بۇل ەكونوميكالىق قىسىمداردىڭ كەرى اسەرى رەسەي ارقىلى قازاقستان ەكونوميكاسىنا دا ءتيۋى مۇمكىن.

 دايىنداعان – ءومىرجان ابدىحالىقۇلى

Abai.kz

0 پىكىر