بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 11796. جازىلعاندار — 6240. قايتىس بولعاندار — 48
جاڭالىقتار 5177 0 پىكىر 27 ناۋرىز, 2014 ساعات 14:37

رىسكەلديەۆ-دوسانوۆ داۋى جوعارعى سوتقا جەتتى

ەستەرىڭىزدە بولسا مەملەكەتتىك سىيلىقتىڭ يەگەرى ءسابيت دوسانوۆ پەن قارت قالامگەر ءتۇرسىنالى رىسكەلديەۆ ءبىر جىلدان بەرى سوتتاسىپ ءجۇر. داۋ ءسابيت دوسانوۆتىڭ مەملەكەتتىك سىيلىق العان «جيىرماسىنشى عاسىر» رومان-ەپوپەياسىنان شىققان. ءتۇرسىنالى مىرزانىڭ ايتۋىنشا، اتالعان روماننىڭ ەكىنشى كىتابىندا («ۇيىق») ءوزىنىڭ «تاۋ تاعىسى» رومانى مەن «ۇلى كوش» رومانىنىڭ 1-ءشى، 2-ءشى كىتاپتارىنداعى وقيعالارى، ويلارى قايتالانعان كورىنەدى.

«31» تەلەارنانىڭ حابارلاۋىنشا، ءبىر جىلدان اسا سوتتاسقان قالامگەرلەر داۋى ەندى جوعارعى سوتقا جەتكەن كورىنەدى. بۇعان دەيىن "مەنىڭ شىعارمالارىما ۇرلىق جاسادى" دەپ ءسابيت دوسانوۆتى سوتقا بەرگەن رىسكەلديەۆ اۋداندىق جانە قالالىق سوتتان دا جەڭىلىپ قالعان ەدى. الايدا، "ەڭبەگىمدى قورعاپ قالۋ ءۇشىن سوڭىنا دەيىن كۇرەسەمىن" دەگەن قارت قالامگەر ەندى جوعارى سوتقا شاعىم ءتۇسىرىپتى. ول «تاريحي دەرەكتى روماندارىنداعى 30-عا جۋىق وقيعا جەلىسىن ۇرلاعان» ءسابيت دوسانوۆپەن سوڭىنا دەيىن كۇرەسپەك.

اباي-اقپارات

0 پىكىر