سەيسەنبى, 27 قازان 2020
COVID-19 قازاقستاندا. جۇقتىرعاندار — 110684. جازىلعاندار — 105766. قايتىس بولعاندار — 1796
جاڭالىقتار 2975 0 پىكىر 28 ناۋرىز, 2014 ساعات 13:16

تالعار اۋدانىنىڭ كولىك جۇرگىزۋشىلەرى نارازىلىق ءبىلدىردى

«31» تەلەارنا ءتىلشىسى يرينا سوۆەتجاننىڭ حابارلاۋىنشا، الماتى وبلىسى تالعار اۋدانىنىڭ جولى سىن كوتەرمەيدى. ساپاسىز جاسالعان جولدار مەن شۇرىق تەسىك كوشەلەردىڭ سالدارىنان كولىكتەرى ءجيى بۇزىلاتىن جۇرگىزۋشىلەر كەشە تالعار قالاسىندا نارازىلىقتارىن ءبىلدىردى. 

جۇرگىزۋشىلەردىڭ ايتۋىنشا، وسى جولدارمەن اۋدان باسشىلارى كۇندەلىكتى جۇرەدى. دەگەنمەن شەنەۋنىكتەردىڭ كوپ ساندىسى جول تالعامايتىن كولىكپەن جۇرەتىندىكتەن مۇنداي كەلەڭسىزدىكتى مۇلدەم ەلەمەيتىن سياقتى. ايتپەسە، قاراپايىم حالىقتىڭ قالتاسىن قاعىپ وتىرعان ويدىم-ويدىم جولدارعا ءبىر ۋاقىت نازار سالسا كەرەك ەدى. ەسەسىنە وسى ماسەلە بويىنشا پىكىر الۋعا بارعان جۋرناليستەردى اكىمشىلىك عيماراتىنا كىرگىزبەي كۇش كورسەتكەن كورىنەدى.

الماتى مەن تالعاردىڭ اراسى بار-جوعى 20 كيلمەتردىڭ ار جاق، بەر جاعى. بۇل ارالىقتاعى جول ەكى جىلدىڭ الدىندا تولىقتاي جاسالعان. دەگەنمەن ەكى-اق كولىك قاتار جۇرەتىن تار جول كۇن ساناپ ءبۇلىنىپ بارادى. ال تالعار قالاسىنىڭ ىشىندەگى جولدار جوعارىدا ايتقانىمىزداي مۇلدەم سىن كوتەرمەيدى.

«اباي-اقپارات»

0 پىكىر