جەكسەنبى, 26 قىركۇيەك 2021
جاڭالىقتار 4236 0 پىكىر 30 ناۋرىز, 2014 ساعات 14:01

قىرىم تاتارلارى ۇلتتىق-تەرريتوريالىق اۆتونوميا قۇرماق

29 ناۋرىز كۇنى باقشاسارايدا وتكەن قىرىم تاتارلارىنىڭ كەزەكتەن تىس قۇرىلتايىندا قىرىم تاتار حالقىنىڭ ۇلتتىق تەرريتوريالىق اۆتونومياسىن قۇرۋ تۋرالى قاۋلى قابىلداندى.

قاۋلىدا "قىرىم تاتارلارىنىڭ تاريحي وتانى  - قىرىمدا قىرىم تاتار حالقىنىڭ ۇلتتىق تەرريتوريالىق اۆتونومياسىن قۇرۋ تۋرالى ساياسي جانە قۇقىقتىق جۇرگىزۋ ءتارتىبى باستالعانىن جارياداۋ.  قىرىم تاتار حالقى ءوزىنىڭ تاريحي وتانىندا  ۇلتتىق تەرريتوريالىق اۆتونوميا فورماسىندا ءوزىن-ءوزى بيلەۋ قۇقىعى تۋرالى بارلىق ماسەلەلەرى بويىنشا حالىقارالىق ۇيىمدار - بۇۇ، ەۋروپا كەڭەسى، ەۋروپا وداعى، ەىقۇ جانە مەملەكەتتەردىڭ ۇكىمەتتەرى، پارلامەنتتەرىمەن قارىم-قاتىناس ورناتۋدى ماجىلىسكە تاپسىرۋ" تۋرالى ايتىلعان.  

بۇعان دەيىن، ياعني، 16 ناۋرىزدا قىرىمنىڭ مارتەبەسىن انىقتاۋ تۋرالى رەفەرەندۋم ءوتىپ، ناتيجەسىندە قىرىم رەسەيدىڭ قۇرامىنا ەنگەن بولاتىن.

Aباي-اقپارات

0 پىكىر