دۇيسەنبى, 10 تامىز 2020
COVID-19 قازاقستاندا. جۇقتىرعاندار — 99442. جازىلعاندار — 72523. قايتىس بولعاندار — 1058
بيلىك 3714 0 پىكىر 1 ءساۋىر, 2014 ساعات 17:14

ەلىمىزدە زەينەتاقى مەن الەۋمەتتىك تولەمدەر ءوستى

بۇگىن، 1 ءساۋىر كۇنى ەلىمىزدە زەينەتاقى مەن الەۋمەتتىك تولەمدەر مولشەرى ءوستى.

اتالعان جاعىمدى جاڭالىق، مەملەكەت باسشىسى نۇرسۇلتان نازارباەۆ قول قويعان ءتيىستى زاڭنامالىق تۇزەتۋلەر اياسىندا جۇزەگە اسىپ وتىر. اتاپ ايتساق، زەينەتاقى مولشەرى ءوسۋىنىڭ جالپى كولەمى 2014 جىلى 14 پايىزدى قۇرايدى. بازالىق زەينەتاقى 12 پايىزعا ءوسىپ، 10 مىڭ 450 تەڭگەگە جەتەدى. ونى 1,9 ملن. زەينەتكەر الادى. ەڭبەك زەينەتاقىسىنىڭ ورتاشا مولشەرى 14 پايىزعا، ياعني 46 مىڭ 661 تەڭگەگە دەيىن وسەدى. اسىراۋشىسىنان ايىرىلۋىنا بايلانىستى جانە جاسىنا قاراي ارنايى مەملەكەتتىك جاردەمدەر جانە بالا تۋ، بالا كۇتىمى بويىنشا جاردەماقىلار جىل باسىندا كوتەرىلگەن 7 پايىز ەسكەرىلە وتىرىپ، 12 پايىزعا دەيىن وسىرىلەدى.

مۇگەدەكتىگى بويىنشا الەۋمەتتىك تولەمدەر مولشەرى ورتاشا ەسەپپەن 21 مىڭ 323 تەڭگەنى، اسىراۋشىسىنان ايىرىلۋىنا بايلانىستى تولەمدەر 19 مىڭ 804 تەڭگەنى، جاسىنا بايلانىستى تولەمدەر 10 مىڭ  450 تەڭگەنى قۇرايدى. ال اسا زياندى جانە اسا اۋىر جۇمىستا بولعاندارعا مەملەكەتتىك جاردەمدەر مولشەرى تيىسىنشە 15 مىڭ 512 تەڭگە مەن 17 مىڭ 451 تەڭگەنى قۇرايدى. سونىمەن قاتار ازاماتتىق قىزمەتكەرلەردىڭ ەڭبەكاقىسى 10 پايىزعا ارتادى. ۇكىمەتتىڭ مالىمەتتەرى بويىنشا مۇنى 1,5 ملن.-عا جۋىق ادام الادى.

«ەگەمەن قازاقستان» گازەتى

0 پىكىر