«قازاقستاننىڭ تۇرعىن ءۇي-قۇرىلىس جيناق بانكى» اق-نىڭ باسقارما توراعاسى ايباتىر جۇماعۇلوۆ الماتى وبلىسىنىڭ اكىمى اڭسار مۇساحانوۆپەن كەزدەسىپ، «قولجەتىمدى باسپانا-2020» باعدارلاماسىنىڭ وڭىردەگى جۇزەگە اسىرىلۋ بارىسىن تالقىلادى، دەپ حابارلادى قارجى ينستيتۋتىنىڭ ءباسپاسوز قىزمەتىنەن.

بانك باسشىسى مەن ءوڭىر اكىمى الداعى ۋاقىتتا تالدىقورعان، تالعار، قاسكەلەڭ  قالالارىندا قۇرىلىس كولەمىن ارتتىرۋ ماسەلەسىندە ورتاق پىكىرگە كەلدى.ء وز كەزەگىندە ا.مۇساحانوۆ وبلىس بيلىگىنىڭ اۋدان ورتالىقتارىندا جىلىنا ءبىر ەمەس بىرنەشە ءۇي سالۋعا بار كۇش-جىگەرىن جۇمسايتىندىعىن اتاپ ءوتتى.

ا.جۇماعۇلوۆ وڭىردەگى قۇرىلىس قارقىنى تۇراقتى ەكەندىگىن ءارى ۇيلەردى پايدالانۋعا بەرۋدە كەشىگۋ ورىن المايتىندىعىن باسا ايتتى. ونىڭ سوزىنە قاراعاندا، بيىلعى جىلى 290 پاتەرلى تۇرعىن ءۇي پايدالانۋعا بەرىلەتىن بولادى. ونىڭ 195-ءى جاس وتباسىلارىنا تيەسىلى. 

سونداي-اق كەزدەسۋ بارىسىندا الداعى ۋاقىتتا سالىناتىن تۇرعىن ۇيلەردىڭ قاباتىن ازايتىپ، قوسىمشا كىشىگىرىم جەر قوسىپ بەرۋ، قولجەتىمدى باعدارلاما اياسىندا تاپسىرىس بەرۋشى بولا الاتىن ينۆەستورلار مەن كومپانيالاردى تارتۋ ماسەلەسى تالقىعا ءتۇستى.