بەيسەنبى, 28 ناۋرىز 2024
قوعام 15101 0 پىكىر 9 ءساۋىر, 2014 ساعات 11:50

«ءولدى دەۋگە سىيا ما، ايتىڭدارشى، ولمەيتۇعىن ارتىنا ءسوز قالدىرعان»

قازاق ادەبيەتى مەن مادەنيەتى ءھام رۋحانياتى ەشقاشان ورنى تولماس اسا اۋىر قايعىعا دۋشار بولدى.

44 جاسىندا تالانتتى اقىن، سۇڭعىلا ادەبيەتتانۋشى، الەمنىڭ ادەبيەتى، مادەنيەتى، تاريحىنىڭ اسقان بىلگىرى ءامىرحان بالقىبەك كەنەتتەن دۇنيە سالدى.

مۇقىم قازاقتىڭ قابىرعاسىن قايىستىرعان قازاعا ءالى دە بولسا سەنۋ قيىن. الايدا، اللانىڭ ىسىنە – امال كەم...

ءامىرحان بالقىبەك ادەبيەتتەگى ادالدىقتىڭ، تازالىقتىڭ، باۋىرمالدىق پەن ادەبيەتكە دەگەن شەكسىز ءارى كىرشىكسىز ماحابباتتىڭ قايتالانباس ەرەكشە ۇلگىسى ەدى. ونىڭ قالامىنان تۋعان جىرلار مەن تانىمى تەرەڭ، ەكىنىڭ ءبىرى بويلاي المايتىن اسا قۇندى دۇنيەلەرى ەندىگى جەردە ءامىرحان بالقىبەكتىڭ ءار بۋىن ۇرپاقپەن بىرگە جاساپ، جاسارىپ وتىراتىن ماڭگى ومىرىنە اينالادى.

ء«ولدى دەۋگە سىيا ما، ايتىڭدارشى، ولمەيتۇعىن ارتىنا ءسوز قالدىرعان».

ول - تابىتقا سىيمايدى. ول - ءتىرى! ويتكەنى، ول ونىمەن سىرلاس، مۇڭداس، تىلەۋلەس، اڭگىمەلەس ءتىپتى سىرتتاي جاقسى كورەتىن مىڭداعان زامانداستارىنىڭ جۇرەگىندە، ساناسىندا جاڭعىرىپ تۇرا بەرەدى.

ول - شامشىراق. تۇنەككە تۇسكەن ساۋلە ەدى. سولاي بولعان. سولاي بولا بەرەدى.
ءامىرحانداي تالانتتى قايتا تۋ ءۇشىن قازاق ادەبيەتى مىڭ جىلداپ تولعاتاتىنى حاق!

مارقۇمنىڭ وتباسى، تۋعان-تۋىس، زامانداس دوستارى مەن بارشا وقىرمانىنا قايعىرىپ كوڭىل ايتامىز.
قوش بول، ادەبيەتتىڭ التىن دىڭگەگى


ABAI.KZ

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3501