جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 4572 0 پىكىر 14 ءساۋىر, 2014 ساعات 12:51

سەرىك اقسۇڭقار. باسقا ءيتتىڭ دە از با ەدى تالاعانى...

يت ساتىپ بەر دەيدى ۇلىم.
اقىماعىم...
قاسقىر ەدى اكەسى، اقىن - ءارى،
دۇنيە - بازار بۇل كۇندە، مەنى قايتسىن،
ءيتتىڭ نەبىر سىرتتانى ساتىلادى.

«قوي!» - دەيمىن مەن،
قويمايدى بالا مىنا.
يت اسىراپ قاسقىرعا سالامىن با؟
كۇشىك اسىراپ يت ەتكەن اباي اتاڭ،
جارماستى عوي و دا ونىڭ بالاعىنا.

قوي دەيمىن مەن.
قويمايدى بالام ءالى.
مىنا بالا قويمايدى - جان الادى.
...قايران، التىن باسىمدى كوكپار قىلىپ،
باسقا ءيتتىڭ دە از با ەدى تالاعانى...

مۇنى دا ولار اۋرەگە سالادى ءالى.

Facebookتەگى جەكە پاراقشاسىنان الىندى.

0 پىكىر