سەنبى, 23 قازان 2021
بيلىك 4482 0 پىكىر 22 ءساۋىر, 2014 ساعات 15:34

ۇلتتىق يدەيانى جۇزەگە اسىرۋ - ۇرپاق پارىزى

 

11 ساۋىردە جارما اۋداندىق ورتالىق كىتاپحاناسىندا ا.س. پۋشكين اتىنداعى وبلىستىق كىتاپحانا ماماندارىنىڭ قاتىسۋىمەن جارما، زايسان، تارباعاتاي، كوكپەكتى، كۇرشىم، ۇلان اۋداندارى كىتاپحاناشىلارىنىڭ ايماقتىق سەمينارى ءوتتى. سەمينارعا 46 كىتاپحانا مامانى قاتىستى.
جارما اۋداندىق كىتاپحاناسى سەمينار وتكىزۋ ورنى بولىپ كەزدەيسوق تاڭدالعان جوق. قالباتاۋ اۋىلىندا جارما اۋداندىق مادەنيەت ءبولىمىنىڭ باستىعى داۋتوۆ امانجول تولەۋبەكۇلىنىڭ باسشىلىعىمەن وبلىس اۋداندارى ىشىندە العاش رەت ەلەكتروندى زال اشىلدى. ال جەرگىلىكتى كىتاپحاناشىلار كىتاپحانالىق جاڭاشىلدىقتاردى ءوز ەنشىسىنە العان. ولار جەرلەستەرىنە جاڭا ءبىلىم، سونىڭ ىشىندە ينتەرنەت يگەرۋگە بارىنشا قولداۋ كورسەتۋدە.
سەميناردىڭ نەگىزگى لەيتموتيۆى – «ماڭگىلىك ەل» ۇلتتىق يدەياسىن جۇزەگە اسىرۋدا وبلىستىڭ كىتاپحانالىق بىرلەستىكتەرىن جۇمىلدىرۋ. كىتاپحاناشىلار «ماڭگىلىك ەلدىڭ» مەملەكەت قۇرۋ، جالپىۇلتتىق جەتى قۇندىلىعىن قاراستىردى. سونداي-اق، قىزىقتى يدەيا، تاجىريبەلەرمەن، كاسىبي جۇمىستارىمەن الماستى. قاتىسۋشىلار ۇرپاق جالعاستىعى، ءبىلىم، داعدى مەن ءداستۇر ساباقتاستىعى جانە ماڭگىلىك ەل وكىلدەرىن تاربيەلەۋدەگى كىتاپحانا ءرولى جايلى ويلارىن ورتاعا سالدى.
سەمينار اياسىندا كىتاپحاناشىلار كىتاپحانا جانىنداعى اۋىل كاسىپكەرلەرىن قولداۋدىڭ ونلاين ورتالىقتارىن دامىتۋ جايلى ويلارىن ورتاعا سالدى. ارىپتەستەر ءبىر-بىرىمەن وزدەرىنىڭ ءساتتى وقيعالارىمەن ءبولىسىپ، الداعى جۇمىس جوسپارلارى، جاڭا قىزمەت تۇرلەرىن ەنگىزۋ مەن دامىتۋ جونىندە ءسوز قوزعادى.
وبلىستىق كىتاپحانا ادىسكەرى ر.س. ميازوۆا سەميناردى قورىتىندىلاي كەلە، بارلىق قاتىسۋشىلارعا اتقارعان جۇمىستارى ءۇشىن العىس ءبىلدىرىپ، ەلباسىنىڭ جەرگىلىكتى قوعامداستىق ءومىرىن جاقسارتۋعا باعىتتالعان جالىندى سوزدەرىن كەلتىرە وتىرىپ، ارىپتەستەرىن ارى قاراي شىڭدالا بەرۋگە شاقىردى.
0 پىكىر