سەيسەنبى, 28 مامىر 2024
جاڭالىقتار 4006 0 پىكىر 5 مامىر, 2014 ساعات 11:15

«ەۋرازيالىق ەكونوميكالىق وداقتا اگروونىم وندىرۋشىلەر ءۇشىن تەڭ جاعداي جاسالعان» – سالا ماماندارى

كەدەن وداعى اياسىندا قازاقستاندىق تاۋار وندىرۋشىلەر باسەكەلەستىك ورتادا شىڭدالىپ قانا قويماي، وزدەرىنىڭ مۇمكىندىكتەرىن سىرتقى جانە ىشكى نارىقتا دا كەڭەيتىپ وتىر.

سالا ماماندارى ينتەگراتسيانىڭ اۋىل شارۋاشىلىعى تاۋار وندىرۋشىلەرىنىڭ جۇمىسىنا، ەكسپورتتى جىلجىتۋعا وڭ اسەرىن ايرىقشا اتاۋدا. ماسەلەن، كەدەندىك كەڭىستىك اياسىندا قازاقستان شامامەن 1 ملرد. دوللاردى قۇرايتىن اگروونەركاسىپتىك كەشەنى ءونىمىن ەكسپورتتاعان. 2010 جىلى 150 ملن.، 2013 جىلى 534 ملن. دوللارلىق اۋىلشارۋاشىلىق تاۋارلارى كەدەن وداعى ەلدەرىنە جونەلتىلدى. ال يمپورت قارقىنى 2011 جىلى 44 پايىز بولسا، 2013 جىلى ول 3 پايىزعا تومەندەگەن. بىلتىرعى جىلدىڭ وزىندە 2012 جىلمەن سالىستىرعاندا، قازاقستاننىڭ كەدەن وداعى ەلدەرىنە ەكسپورتىنىڭ كولەمى 208 پايىزعا ارتىپ وتىر. «قازاقستان كەدەندىك وداق اياسىندا جۇمىس ىستەي باستاعان باستاپقى كەزەڭدە ەلىمىزدىڭ اگروونەركاسىپتىك كەشەنىنىڭ ينتەگراتسياعا دايىن ەمەستىگى، سونىمەن قاتار، كاسىپكەرلەرىمىزدىڭ باسەكەگە قابىلەتسىزدىگى جايىندا كۇدىكتىڭ، كۇماننىڭ بولعانى راس. دەگەنمەن، بۇگىندە ەلىمىزدىڭ اۋىلشارۋاشىلىق سالاسىنا ينتەگراتسيانىڭ زور پايداسى تيگەنىن كورىپ وتىرمىز»، دەدى ا.مامىتبەكوۆ اۋىل شارۋاشىلىعى مينيسترلىگى جانىنداعى ىسكەرلىك كەڭەستىڭ كەزەكتى وتىرىسىندا. وسى رەتتە اشم باسشىسى ەكسپورت كولەمىن تەك اۋىل شارۋاشىلىعى شيكىزاتى عانا ەمەس، سونىمەن قاتار، وڭدەۋشى ونەركاسىپ ونىمدەرى دە قۇرايتىندىعىن تىلگە تيەك ەتتى. ناقتىلاعاندا، وتكەن جىلى 2012 جىلمەن  سالىستىرعاندا، اۋىل شارۋاشىلىعىنىڭ وڭدەلگەن تاۋارلارى ەكسپورتىنىڭ 60 پايىزعا ءوسۋى وڭدەۋ بويىنشا ەكسپورتتىڭ ارتا باستاعاندىعىنىڭ ناقتى كورىنىسى. ء«بىز كەدەن وداعى ينتەگراتسياسى ارقىلى شىعىنعا ۇشىراپ، باسەكەلەستىكتە كوشتەن قالىپ قويعان جوقپىز، كەرىسىنشە، اۋىل شارۋاشىلىعى ءونىمىن وندىرۋشىلەر ءوز ونىمدەرىن سىرتقا شىعارۋعا مۇمكىندىك الدى»، دەدى مينيستر.

ىقپالداستىق شارالارىن ىسكە قوسۋ ارقىلى كەدەن وداعىنا مۇشە مەملەكەتتەر كەدەندىك شەكارالاردى تولىق جويدى، ەلدەرىمىزدىڭ اۋماقتارىمەن اۋىلشارۋاشىلىق ونىمدەرىنىڭ قوزعالىسى بىرىڭعاي ەرەجەلەر مەن تەڭدىك شارتتارى بويىنشا ەركىن تۇردە جۇرگىزىلەدى. كۇركە تاۋىق ەتى، سيىر ەتى، ماكارون مەن ۇن، كۇنباعىس مايى مەن بالىق سياقتى قازاقستاندىق ونىمدەر رەسەي مەن بەلارۋس نارىقتارىندا ءوزىنىڭ لايىقتى ورنىن الىپ ۇلگەردى.

ىسكەرلىك كەڭەس مۇشەلەرى كەدەن وداعى اياسىنداعى ينتەگراتسيا ناتيجەسىندە قازاقستاندىق اۋىل شارۋاشىلىعى تاۋارىن وندىرۋشىلەر ءۇشىن 170 ملن. حالقى بار، جيىنتىق سوماسى شامامەن 1,8 ترلن. دوللاردى قۇرايتىن نارىق اشىلعانىن ايرىقشا اتاپ وتىر. سوندىقتان اتالعان ينتەگراتسيالىق بىرلەستىكتە مەملەكەتتىك قولداۋ دەڭگەيىن تەڭدەستىرۋ – نەگىزگى شارتتاردىڭ ءبىرى. بۇل رەتتە بىرلەستىككە قاتىسۋشى تاراپتار مەملەكەتتىك قولداۋ دەڭگەيىن ورتاشا 10 پايىزدىق قالىپتا تەڭدەستىرۋگە كەلىسۋلەرى ءسوزسىز ماڭىزدى. ياعني، قازاقستان مەن رەسەيگە بۇل دەڭگەيدى كوتەرۋ قاجەت بولسا، بەلورۋسسيا سايكەسىنشە تومەندەتۋى شارت. سوندا بيزنەستى جىلجىتۋ باسەكەلەستىگىنە بازالىق، تەڭ قۇقىلى جاعداي جاسالادى.

بوتاگوز ابدىرەيقىزى

 

اباي-اقپارات

 

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2392
ادەبيەت

«سولاي ەمەس پە؟»

عابباس قابىشۇلى 2721
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3110
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1792