سارسەنبى, 21 ءساۋىر 2021
جاڭالىقتار 3044 0 پىكىر 11 مامىر, 2014 ساعات 11:21

ەۋرووداق رەسەيگە جاڭا سانكتسيالار سالماق

ۋكراينا مەن قىرىمعا قاتىستى پوزيتسياسىنا بايلانىستى رەسەيگە جاڭا سانكتسيالار سالىنۋى مۇمكىن. ەۋرووداققا مۇشە ەلدەر دايىنداعان  جاڭا سانكتسيالار بويىنشا قازىرگى "قارا ءتىزىمنىڭ" قاتارىندا قىرىمدا ورنالاسقان 5 كومپانيا مەن 15 ادام بار كورىنەدى. رەسمي تۇلعالاردىڭ ەسىمى  مەن كومپانيا اتتارى ازىرگە ايتىلعان جوق. «Tengrinews.kz»  حابارلاعانداي  ەۋرووداق  رەسەيگە قاتىستى جاڭا سانكتسيالاردى  ەرتەڭ، ياعني 12 مامىر كۇنى ماقۇلدايدى.

ەسكە سالاتىن بولساق، 21 ناۋرىز كۇنى اقش قىرىمنىڭ رەسەيگە قوسىلۋى مەن كرەملدىڭ ۋكرايناعا قارسى جۇرگىزىپ وتىرعان ساياساتىنا بايلانىستى انتيرەسەيلىك سانكتسيا جاريالاعان بولاتىن. ول كەزدە سانكتسياعا رەسەيدىڭ 28 ازاماتى مەن "رەسەي" بانكى ىلىككەن. جازالاۋدىڭ ەكىنشى لەگى 28-ءشى ءساۋىر كۇنى باستالىپ، ول كەزدە "قارا تىزىمگە"  ۆلاديمير ءپۋتيننىڭ قاسىنداعى ىقپالدى تۇلعالار مەن رەسەيدىڭ 17 ءىرى كومپانياسى قوسىلعان. 5 مامىردا  كانادانىڭ سىرتقى ىستەر، ساۋدا جانە دامۋ مينيسترلىگى تاراپىنان دا  رەسەيدىڭ 16 بانكى مەن كومپانيالارىنا ارنالىپ سانكتسيالار سالىنعان بولاتىن.

اباي-اقپارات

 

0 پىكىر