سەنبى, 6 ناۋرىز 2021
جاڭالىقتار 2031 0 پىكىر 22 اقپان, 2010 ساعات 11:27

Snow Leopard Fund قار بارىسىن ساقتاپ قالۋدىڭ ۇلتتىق ستراتەگياسىن جاساۋدى ۇسىنادى

وسكەمەن. 22 اقپان. قازتاگ – قار بارىسىن ساقتاپ قالۋ شارالارىن كۇشەيتۋ جانە بۇل ءۇشىن بارىنشا مەملەكەت قارجىسىن تارتۋ ماقساتىندا  Snow Leopard Fund قورى قار بارىسىن ساقتاپ قالۋدىڭ ۇلتتىق ستراتەگياسىن جاساۋ جايىندا باستاما كوتەردى.

قور ديرەكتورى، زوولوگ ولەگ لوگينوۆتىڭ ايتۋىنشا، بۇل ۇلتتىق ستراتەگيا قار بارىسىن ساقتاپ قالۋعا قاتىستى مەملەكەتتەگى جاسالىپ جاتقان بارلىق ارەكەتتىڭ نەگىزى بولۋى ءۇشىن قاجەت. ءيربيستىڭ قىزىل كىتاپقا ەنگەنىنە جانە قازاقستاننىڭ سيمۆولى بولعاندىعىنا قاراماستان، براكونەرلەر ونى اۋلاۋىن ءالى دە توقتاتار ەمەس. ادام مەن جابايى مىسىقتىڭ كەزدەسۋىنىڭ جارتىسىنان استامى جازىقسىز اڭنىڭ جاپا شەگۋىمەن تىنادى.

«وكىنىشكە قاراي، قار بارىسى تۇران جولبارىسىنىڭ جولىن قۇشايىن دەپ وتىر. ياعني، تولىقتاي جويىلىپ كەتۋ الدىندا تۇر. بۇعان كىم كىنالى جانە نە ىستەۋ كەرەك دەگەن سۇراقتارعا جاۋاپ بەرۋ ءۇشىن بىزگە ءدال وسى ستراتەگيا كەرەك. جانە ول ۇلتتىق ستراتەگيا بولۋى كەرەك. ويتكەنى، پرەزيدەنتتىڭ ارالاسۋىنسىز بۇل پروبلەمانى شەشۋ قيىن. بيىلعى جىل الەمدە بيوارتۇرلىلىك جىلى دەپ جاريالاندى. ستراتەگيانى جاساۋعا جانە وسى ارقىلى ەلدىڭ حالىقارالىق بەدەلىن كوتەرۋگە بۇدان ءتيىمدى ۋاقىتتى تابۋدىڭ ءوزى قيىن»، -دەگەن پىكىر ءبىلدىردى و.لوگينوۆ.

قور ديرەكتورىنىڭ ايتۋىنشا، سوڭعى جىلدارى تمد ەلدەرىندە بەلگىلى ءبىر اڭ تۇرلەرىن ساقتاپ قالۋعا ارنالعان كوپتەگەن ستراتەگيالار پايدا بولدى. بىراق، ولارعا ەلىكتەۋدىڭ، ونىڭ ۇستىنە ولاردى نەگىزگە الۋدىڭ قاجەتى جوق.

وسكەمەن. 22 اقپان. قازتاگ – قار بارىسىن ساقتاپ قالۋ شارالارىن كۇشەيتۋ جانە بۇل ءۇشىن بارىنشا مەملەكەت قارجىسىن تارتۋ ماقساتىندا  Snow Leopard Fund قورى قار بارىسىن ساقتاپ قالۋدىڭ ۇلتتىق ستراتەگياسىن جاساۋ جايىندا باستاما كوتەردى.

قور ديرەكتورى، زوولوگ ولەگ لوگينوۆتىڭ ايتۋىنشا، بۇل ۇلتتىق ستراتەگيا قار بارىسىن ساقتاپ قالۋعا قاتىستى مەملەكەتتەگى جاسالىپ جاتقان بارلىق ارەكەتتىڭ نەگىزى بولۋى ءۇشىن قاجەت. ءيربيستىڭ قىزىل كىتاپقا ەنگەنىنە جانە قازاقستاننىڭ سيمۆولى بولعاندىعىنا قاراماستان، براكونەرلەر ونى اۋلاۋىن ءالى دە توقتاتار ەمەس. ادام مەن جابايى مىسىقتىڭ كەزدەسۋىنىڭ جارتىسىنان استامى جازىقسىز اڭنىڭ جاپا شەگۋىمەن تىنادى.

«وكىنىشكە قاراي، قار بارىسى تۇران جولبارىسىنىڭ جولىن قۇشايىن دەپ وتىر. ياعني، تولىقتاي جويىلىپ كەتۋ الدىندا تۇر. بۇعان كىم كىنالى جانە نە ىستەۋ كەرەك دەگەن سۇراقتارعا جاۋاپ بەرۋ ءۇشىن بىزگە ءدال وسى ستراتەگيا كەرەك. جانە ول ۇلتتىق ستراتەگيا بولۋى كەرەك. ويتكەنى، پرەزيدەنتتىڭ ارالاسۋىنسىز بۇل پروبلەمانى شەشۋ قيىن. بيىلعى جىل الەمدە بيوارتۇرلىلىك جىلى دەپ جاريالاندى. ستراتەگيانى جاساۋعا جانە وسى ارقىلى ەلدىڭ حالىقارالىق بەدەلىن كوتەرۋگە بۇدان ءتيىمدى ۋاقىتتى تابۋدىڭ ءوزى قيىن»، -دەگەن پىكىر ءبىلدىردى و.لوگينوۆ.

قور ديرەكتورىنىڭ ايتۋىنشا، سوڭعى جىلدارى تمد ەلدەرىندە بەلگىلى ءبىر اڭ تۇرلەرىن ساقتاپ قالۋعا ارنالعان كوپتەگەن ستراتەگيالار پايدا بولدى. بىراق، ولارعا ەلىكتەۋدىڭ، ونىڭ ۇستىنە ولاردى نەگىزگە الۋدىڭ قاجەتى جوق.

«بۇل قۇجاتتاردىڭ وڭ قىرلارىنان بولەك تەرىس جاقتارى دا بار. بىزگە قار بارىسىن جاقسى بىلەتىن زوولوگ-مامانداردىڭ باسىن قوسىپ، جۇمىسشى توبىن قۇرۋ كەرەك. ولار اتالعان جاعدايعا بۇگىنگى كۇن تۇرعىسىنان عىلىمي باعا بەرىپ، وسى ءبىر سيرەك كەزدەسەتىن اڭدى ساقتاپ قالۋعا قاجەتتى شارالاردى ايتۋى كەرەك»، -دەپ اتاپ ءوتتى و.لوگينوۆ.

Snow Leopard Fund ەكولوگيالىق قورىن 2009 جىلدىڭ جەلتوقسان ايىندا وسكەمەندىك زوولوگتار ولەگ جانە يرينا لوگينوۆتار قۇردى. قور سيرەك كەزدەسەتىن اڭنىڭ جاعىمدى بەينەسىن قالىپتاستىرىپ، جانە ونى قازاقستاننىڭ ءتىرى سيمۆولى رەتىندە ناسيحاتتاي وتىرىپ، قار بارىسىنىڭ ساقتالىپ قالۋىنا ىقپال ەتپەك.

0 پىكىر