بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6606. قايتىس بولعاندار — 48
جاڭالىقتار 1567 0 پىكىر 22 اقپان, 2010 ساعات 07:36

كەدەن... ۇتىلاسىڭ نەدەن؟

22-اقپان كۇنى پارلامەنتتە بولعان ۇكىمەت ساعاتىندا ءماجىلىس دەپۋتاتى گۇلجان قاراعۇسوۆا حانىمنىڭ داۋىسى قاتتى شىقتى. الەۋمەتتىڭ ىشىكى احاۋالىنان جاقسى حاباردار ەكس-مينيستر، بۇگىنگى دەپۋتات - قاراعۇسوۆا حانىم ارىپتەستەرىنىڭ اۋزىنان سۋى قۇرىپ ماقتاي جونەلەتىن كەدەن وداعىنىڭ كەلەڭسىز جاقتارىنا توقتالدى.

«تاريفتىك ساياسات رەسەيدىڭ ىڭعايىنا قاراي جاسالىپ جاتىر. رەسەي مەن بەلارۋسسيا اراسىنداعى ساۋدا بالانسى 30% قۇرايدى. بەلسەندى ساۋدا اينالىمىندا بۇل بالانس 35-40% پايىزعا دەيىن كوتەرىلىپ كەتۋى ىقتيمال»، - دەدى دەپۋتات.

22-اقپان كۇنى پارلامەنتتە بولعان ۇكىمەت ساعاتىندا ءماجىلىس دەپۋتاتى گۇلجان قاراعۇسوۆا حانىمنىڭ داۋىسى قاتتى شىقتى. الەۋمەتتىڭ ىشىكى احاۋالىنان جاقسى حاباردار ەكس-مينيستر، بۇگىنگى دەپۋتات - قاراعۇسوۆا حانىم ارىپتەستەرىنىڭ اۋزىنان سۋى قۇرىپ ماقتاي جونەلەتىن كەدەن وداعىنىڭ كەلەڭسىز جاقتارىنا توقتالدى.

«تاريفتىك ساياسات رەسەيدىڭ ىڭعايىنا قاراي جاسالىپ جاتىر. رەسەي مەن بەلارۋسسيا اراسىنداعى ساۋدا بالانسى 30% قۇرايدى. بەلسەندى ساۋدا اينالىمىندا بۇل بالانس 35-40% پايىزعا دەيىن كوتەرىلىپ كەتۋى ىقتيمال»، - دەدى دەپۋتات.

ءۇش ەلدىڭ اراسىنداعى كەدەندىك وداق ساۋدا-ساتتىق اينالىمىنداعى نارىقتى كوتەرۋمەن قاتار رەسەي مەن بەلارۋسسيانىڭ تاۋارلارىن كوبەيتىپ جىبەرەتىن بولادى. كەدەندىك وداقتىڭ كەراعار تۇستارىنا الاڭداعان ساراپشىلار پىكىرىنىڭ توعىسار ارناسى - وسى. الايدا، بىزدە كەدەندىك وداقتىڭ كەرەمەتتەرى تۋرالى ودا كۇندە ايتىلىپ كەتكەندىكتەن بولار «قازاقستان بۇل كەلىسىمنەن ەش ۇتىلمايدى» دەگەنگە يمانداي سەنىپ وتىرعان جايىمىز بار. بىراق، ءىستىڭ قالاي ءوربىرىن الداعى كوكەك ايى كورسەتكەلى تۇر. تاپ وسى كوكەك، ياعني ءساۋىر ايىنان باستاپ بازار نارقى كۇرت كوتەرىلەتىن سىڭايلى. ونىڭ ۇستىنە پرەزيدەنت نازارباەۆ ۇكىمەتكە بيۋدجەت قىزمەتكەرلەرىنىڭ ەڭبەكاقىسى مەن زەينەتاقىنى كوكتەمنىڭ ەكىنشى ايىنان قالدىرماي كوتەرۋدى تاپسىردى. بۇل ارادا تاتتىگە الدانعان سابيدەي جالاقىسى جانباعىسىنان اسپايتىن جۇرتتىڭ تاعى دا جالاڭ بۇت قالارىن دالەلدەپ جاتۋ ارتىق شىعار. الايدا ءبىزدىڭ اكەي (ەلباسىمىزدى ايتامىز) قازاقستان-رەسەي-بەلارۋس كەدەندىك وداعى ءتۇبى ۇلكەن نارىققا اينالىپ، ينۆەستورلاردى كوپتەپ تارتاتىنىنا كامىل سەنىمدى. «ەگەمەن قازاقستان» گازەتىنىڭ 90 جىلدىعىنا وراي ءباسپاسوز باسشىلارىمەن اڭگىمەلەسكەن ول «ءۇش ەلدىڭ حالقى ۇلكەن نارىق، بۇل نارىققا كەز-كەلگەن كاسىپكەر قىزىعىپ قارايدى» دەگەن ءسوزدىڭ سىڭايىن تانىتقان ەدى. سونداي-اق، اكەي بەلارۋسسيادا كەڭەس وداعى كەزىندە ءىرى كاسىپورىندار شوعىرلانعاندىقتان ولاردا ءبىز تۇتىناتىن تاۋارلار مول دەگەندى ايتتى. ال، باتكا (لۋكاشەنكو) باسقارىپ وتىرعان بەلارۋسسيا بولسا، ءوندىرىس پەن سۇرانىستى ەسكەرمەيتىن ەل. بەلارۋسسيانىڭ تاۋارلارى باتىسقا شىقپايدى. ونى ءبىزدىڭ اكەي دە جاقسى بىلەدى. سوندىقتان دا بەللارۋسسيانىڭ ونىمدەرى بىزگە كەلسىن دەيدى. ەندى بۇيىرسا «قوجايكالارىمىز» «بيريۋساعا» قارىق بولادى. «بيريۋسا» ەسىڭىزدە مە؟.. مينسكدە جاسالاتىن سۇيەگى اۋىر، ساپاسى ناشار، ءۇنى جەر-الەمدى كوشىرەتىن توڭازىتقىش. وڭتۇستىك كورەيانىڭ ىزىلى ەستىلمەيتىن توڭازىتقاشتارىنا ۇيرەنىپ قالعان جۇبايىڭىز باياعى جىرتىق «استاۋىنا» قايتىپ ورالدى دەگەن  ءسوز وسى بولادى. ويتكەنى، بۇگىن شەتەلدىڭ لىپاعان جەڭىل كولىكتەرىن قازاقستانعا كىرگىزبەۋدىڭ قامىنا كىرىسكەن رەسەي قاتىن-بالاڭنىڭ قالاۋىنداعى قازان-وشاققا دا قاراۋىل قويۋى مۇمكىن.

ايتپاقشى، يانۋكوۆيچتىڭ پرەزيدەنت بولىپ سايلانۋىنا بايلانىستى ۋكراينانى دا كەدەندىك وداققا مۇشە ەتۋ قاجەت دەيدى مەدۆەدەۆ. مەدۆەدەۆتىڭ الگى سوزىنە قاراعاندا،  كەدەندىك وداق رەسەي ءۇشىن ەكونوميكالىق ارىپتەستىكتەن گورى ساياساتتا ۇستەمدىك ەتۋدىڭ قۇرالىنا اينالا باستاعان سياقتى.

«اباي-اقپارات»

0 پىكىر