سارسەنبى, 21 ءساۋىر 2021
جاڭالىقتار 1589 0 پىكىر 21 اقپان, 2010 ساعات 09:08

داۋرەن قۋات. تارت قولىڭدى، تەرەششەنكو!

بىلتىرعى جىلدىڭ مامىر ايىنان باستاپ قازاق جەرىن ساتۋ نەمەسە جالعا بەرۋ تۋرالى اڭگىمە گۋلەپ-اق تۇر. ءبىر ويلانارلىعى - جەردى ساتۋدىڭ نەمەسە جالعا بەرۋدىڭ جالپىعا جاريا اڭگىمەسىن شىعارىپ الىپ، ارتىنان جاسىرىنباق ويناپ وتىرعان  بيلىكتىڭ ءوزى. الدىمەن قازاق جەرى اراب كاسىپكەرەلەرىنە جالعا بەرىلەتىن بولدى.
ەستەرىڭىزگە سالا كەتكەنىمىز ءجون: ۇكىمەت باسشىسى كارىم ءماسىموۆتىڭ قاتىسۋمەن وتكەن استاناداعى قازاقستان مەن ساۋدتىق اراب كاسىپكەرلەرنىڭ اراسىنداعى فورۋمدا وسى ءبىر جايتتىڭ بەتى اشىلدى. قازتاگ تاراتقان اقپاراتقا سۇيەنسەك، قازاقستان شەتەلدىك ينۆەستورلارعا، ونىڭ ىشىندە ساۋدتىق ينۆەستورلارعا 3,5 ملن گەكتار كولەمىندە اۋىلشارۋاشىلىق جەرلەرىن بەرۋگە دايىن ەكەندىكتەرىن ايتقان ەدى. اتالعان اقپارات كوزى بۇل دەرەكتى قر اۋىلشارۋاشىلىعى مينيسترلىگىنىڭ ۆيتسە-ءمينيسترى ارمان ەبنيەۆتىڭ سوزىنە سىلتەمە جاساي وتىرىپ جاريالادى. 
- اۋىل شارۋاشىلىعى مينيسترلىگىنىڭ شارۋاشىلىق جەرلەرگە جاساعان ساراپتاۋلارىنىڭ ناتيجەسىندە ءار ءتۇرلى سەبەپتەرگە بايلانىستى بۇگىنگى كۇنگە دەيىن اينالىسقا ەنبەگەن 3,5 ملن گەكتار جەردىڭ بار ەكەندىگى انىقتالدى. بىراق بۇل جەرلەر اۋىلشارۋاشىلىعىندا اينالىستا بولعان جەرلەر جانە ول جەرلەردە نەگىزىنەن اۋىلشارۋاشىلىق ونىمدەرىن وندىرۋگە جانە مال ازىعىن وسىرۋگە بولادى،- دەگەن-ءدى سول كەزدە  ارمان ەبنيەۆ.  

بىلتىرعى جىلدىڭ مامىر ايىنان باستاپ قازاق جەرىن ساتۋ نەمەسە جالعا بەرۋ تۋرالى اڭگىمە گۋلەپ-اق تۇر. ءبىر ويلانارلىعى - جەردى ساتۋدىڭ نەمەسە جالعا بەرۋدىڭ جالپىعا جاريا اڭگىمەسىن شىعارىپ الىپ، ارتىنان جاسىرىنباق ويناپ وتىرعان  بيلىكتىڭ ءوزى. الدىمەن قازاق جەرى اراب كاسىپكەرەلەرىنە جالعا بەرىلەتىن بولدى.
ەستەرىڭىزگە سالا كەتكەنىمىز ءجون: ۇكىمەت باسشىسى كارىم ءماسىموۆتىڭ قاتىسۋمەن وتكەن استاناداعى قازاقستان مەن ساۋدتىق اراب كاسىپكەرلەرنىڭ اراسىنداعى فورۋمدا وسى ءبىر جايتتىڭ بەتى اشىلدى. قازتاگ تاراتقان اقپاراتقا سۇيەنسەك، قازاقستان شەتەلدىك ينۆەستورلارعا، ونىڭ ىشىندە ساۋدتىق ينۆەستورلارعا 3,5 ملن گەكتار كولەمىندە اۋىلشارۋاشىلىق جەرلەرىن بەرۋگە دايىن ەكەندىكتەرىن ايتقان ەدى. اتالعان اقپارات كوزى بۇل دەرەكتى قر اۋىلشارۋاشىلىعى مينيسترلىگىنىڭ ۆيتسە-ءمينيسترى ارمان ەبنيەۆتىڭ سوزىنە سىلتەمە جاساي وتىرىپ جاريالادى. 
- اۋىل شارۋاشىلىعى مينيسترلىگىنىڭ شارۋاشىلىق جەرلەرگە جاساعان ساراپتاۋلارىنىڭ ناتيجەسىندە ءار ءتۇرلى سەبەپتەرگە بايلانىستى بۇگىنگى كۇنگە دەيىن اينالىسقا ەنبەگەن 3,5 ملن گەكتار جەردىڭ بار ەكەندىگى انىقتالدى. بىراق بۇل جەرلەر اۋىلشارۋاشىلىعىندا اينالىستا بولعان جەرلەر جانە ول جەرلەردە نەگىزىنەن اۋىلشارۋاشىلىق ونىمدەرىن وندىرۋگە جانە مال ازىعىن وسىرۋگە بولادى،- دەگەن-ءدى سول كەزدە  ارمان ەبنيەۆ.  
قازتاگ-تىڭ حابارلاۋىنا سۇيەنسەك، فورۋم بارىسىندا ساۋدتىق بيزنەس وكىلدەرى قازاقستان ۇكىمەتىنە ساۋدتىق ينۆەستورلار ءۇشىن ەكونوميكانىڭ بىرقاتار سەكتورلارىندا جەكە مەنشىكتىك قۇقىق پەن سالىقتىق جەڭىلدىك سۇراپ ءوتىنىش جاساپتى. ساۋداعا شەبەر ساۋدتىقتاردىڭ ءماسىموۆ ۇكىمەتىنە مۇنداي ءوتىنىش جاساۋىندا ءبىر جىڭىشكە سەبەپ بار. سەبەبى، شەتەلدىك ينۆەستور قازاقستان تەرريتورياسىندا زاڭدى تۇلعانى تىركەۋدەن وتكىزسە،  جەرلەردى جەكە مەنشىگىنە الا الادى. 
ايتپاقشى، 3,5 ملن گا جەر تەك ارابتارعا عانا ەمەس، وزگە دە شەتەلدىك ينۆەستورلارعا جالعا نەمەسە جەكەمەنشىككە بەرىلۋى ابدەن مۇمكىن ەكەندىگى الگى ءماسىموۆ قاتىسقان فورۋمدا جاريا بولعان ەدى. سودان قارا كۇز تۇسە «جەر سويا ءوسىرۋ ءۇشىن قىتاي ديحاندارىنا جالعا بەرىلەدى ەكەن» دەگەن ءسوز بۇرق ەتە قالدى.
بۇل ءسوز قازاقستان قوعامىندا ساياسي سىلكىنىس تۋدىرا جازدادى. الگىندەي دەرەكتىڭ شەتىن شىعارىپ الىپ ارتىنان شىنىمەن ساسقان بيلىك «قىتايعا جەر ساتىلادى» دەگەن «قاۋەسەت تاراتۋشىنىڭ» ءبارىن ۇستاپ قاماۋعا پارمەن قىلعان. ءسويتىپ، «قازاقتىڭ جەرى قىتايعا جالعا بەرىلۋى ىقتيمال» دەگەن اڭگىمەنىڭ باسى اشىلماي، «جابۋلى قازان جابۋلى كۇيىندە» قالعان سياقتى ەدى، ەندى، مىنە، يزرايلگە ءىس-ساپارمەن بارعان بۇرىنعى پرەمەر-مينيستر تەرەششەنكو جەر تەلىمدەرى جونىندەگى جاعىمسىز جايتتى تاعى دا جاڭعىرتىپ ورالدى.          
تە ۇسىنادى
«IzRuS» اقپاراتىنا سىلتەمە جاساي وتىرىپ، قازتاگ ءتىلشىسى س.تەرەششەنكو «يزرايلدىكتەرگە تامشىلاپ سۋلاندىرۋ تەحنولوگياسىن ەندىرۋ ماقستىندا قازاقستانان ءىرى جەر تەلىمدەرىن ساتىپ الۋدى نەمەسە جالعا الۋدى ۇسىندى» دەپ حابارلايدى.

- نەگە سونشا ماعان قادالىپ قويمادىڭىز؟ بۇل تەك اڭگىمەنىڭ باسى عانا!- دەپ دۇرسە جاۋاپ قايىرادى تەرەششەنكو قازتاگ ءتىلشىسى قويعان كەيبىر «قولايسىز» سۇراقتارعا وراي. - ءيا، بەيرسەمي كەزدەسۋ بولدى جانە بىرەۋ بۇل جايىندا جازعان كورىنەدى. يزرايلدىكتەر ازىرگە قازاقستاننىڭ جەرىن قانداي شارتتارمەن جالعا الاتىندىعىنا قىزىعۋشىلىق تانىتقان جوق. ءبىز ولارعا وزدەرىنىڭ تەحنولوگياسىن ەندىرۋ ءۇشىن بىرلەسكەن كاسىپورىندار قۇرۋدى ۇسىندىق. ال سىزگە نە كەرەك؟ يزرايل ازاماتتارى قازاقستاننىڭ جەرىندە بۇرىننان بەرى جۇمىس ىستەۋدە.
ەلىمىزدەگى ءىرى جەر الپاۋىتى تەرەششەنكونىڭ ايتۋىنشا، يزرايلدىكتەرگە وڭتۇستىك قازاقستان وبلىسىنىڭ اۋماعىنان 500 گەكتار جەر كۇنى بۇگىن  بەرىلىپ قويعانعا ۇقسايدى.
«ولار وڭتۇستىك قازاقستان وبلىسىندا، ارىستا قازاقستاندىق كومپانيامەن بىرگە 500 گەكتار جەردى وڭدەۋدە», - دەپ ءوز ءسوزىن  ناقتىلاي تۇسەدى س.تەرەششەنكو قازتاگ تىلشىسىمەن جاۋاپتاسۋىنىڭ بارىسىندا.
رەسمي استانا اياق تارتقان ماسەلەگە تەرەششەنكو ءتىپتى قىڭبايتىندىعىن دا جاسىرماستان قازتاگ تىلشىسىنە جانە بىلاي دەپتى:
-    يزرايل كاسىپكەرلەرى ازىرگە جالعا قانشا گەكتار جەر الاتىندىقتارىن بىلمەيدى. قىتاي ديحانشىلارىنا قاتىستى اڭگىمەدەن سوڭ قازىر بارلىعى جەردى جالعا الۋدان باستارىن الا قاشادى. ەندى ەشكىمنىڭ جەردى جالعا العىسى كەلمەيدى! بىراق ولاردىڭ نەدەن قورقاتىنىن بىلمەيمىن؟..
جەرگە جەكەمەنشىك فورماسىن ەنگىزىپ، وكىمەتكە زاڭ شىعارتىپ، ميلليونداعان گەكتار ايماقتى باۋىرىنا بۇكتەپ باسقان تەرەششەنكو، كۋلاگين، مادينوۆ باستاعان شونجارلار جەردى جالعا بەرۋدىڭ ناتيجەسىندە بايلىققا كەنەلە تۇسپەك. ارينە، شەتەلدىك ينۆەستورلارمەن بىرگە اۋىلشارۋاشىلىعىنا جاڭا تەحنولوگيا ەنەر. جۇمىس كوزدەرى اشىلىپ، جەر ەمىپ پايدا تابۋدىڭ جولدارى كوبەيەر. الايدا، سونىڭ ءبىرى قازاققا جۇعا قويار ما ەكەن؟ نەگە دەسەڭىز، قازاقتا جەر جوق. جەردى جالعا الىپ وتىرعانىنىڭ ءوزى نەكەن-ساياق. جەردىڭ شۇرايلىسى تەرەششەنكو مەن مادينوۆتە. دەمەك، ينۆەستورلاردىڭ قىزىعىن دا الدىمەن سولار كورەدى. سولار قازىر قازاق بيلىگىنە   ىقپال ەتە  وتىرىپ قازاق جەرىن ساۋداعا سالىپ ارشىنداي تۇسۋگە ابدەن بەل بۋعان سەكىلدى. بيلىكتىڭ تەرەششەنكولارعا «بىلگەنىڭدى ىستەي بەر» دەگەن پەيىلىن تانعىندىقتان دا ءبىز بايابان بايتاق ولكەمىزدەن «تارت قولىڭدى!» دەگەن تالابىمىزدى عانا ەسكەرتە الامىز. وعان. قازاق جەرىن يت سۇيرەتكەن تەرىدەي ەتپەك نيەتى بار تەرەششەنكوعا!

0 پىكىر