جۇما, 29 ناۋرىز 2024
جاڭالىقتار 4552 0 پىكىر 2 اقپان, 2010 ساعات 11:07

استانادا ۇلتتىق عارىش ورتالىعى سالىنادى دا، ونىڭ بازاسىندا عارىشتىق اپپاراتتاردىڭ تولىمداۋشى بولشەكتەرى قۇراستىرىلادى – قازعارىش باسشىسى

استانا. 2 اقپان. قازتاگ - ايناگۇل بەكەەۆا. استانادا ۇلتتىق عارىش ورتالىعى سالىنادى دا، ونىڭ بازاسىندا عارىشتىق تەحنولگيالار زەرتحاناسى مەن عارىشتىق اپپاراتتاردى جيناقتاۋ-سىناقتان وتكىزۋ كەشەنى اشىلادى، دەپ ءمالىم ەتتى قازعارىش باسشىسى تالعات مۇساباەۆ.

«ءبىز استانا اكىمدىگىنەن 30 گەكتار جەر بولۋىنە قول جەتكىزدىك. وندا عارىشتىق اپپاراتتاردى جيناقتاۋ-سىناقتان وتكىزۋ كەشەنى (جسوك) اشىلاتىن بولادى» ،- دەدى ول سەيسەنبى كۇنى، اگەنتتىكتىڭ 2009 جىل قورىتىندىسىنا ارنالعان كوللەگياسىندا سويلەگەن سوزىندە. 

ت. مۇساباەۆ بولىنگەن جەر تەلىمىندەگى قۇرىلىستىڭ تەحنيكالىق-ەكونوميكالىق نەگىزدەمەسى (تەن) ازىرلەنگەنىن اتاپ ءوتتى. ۇلتتىق عارىش ورتالىعىندا جسوك-تەن باسقا عارىشتىق تەحنيكانىڭ ارنايى كونسترۋكتورلىق-تەحنولوگيالىق بيۋروسى، عارىشتىق تەحنولوگيالاردىڭ ۇلتتىق زەرتحاناسى، مامانداردى دايىنداۋ مەن بىلىكتىلىگىن ارتتىرۋ ورتالىعى، مونيتورينگ پەن ديففەرەنتسيالدى تۇزەتۋ ورتالىعى، عارىش اپپاراتتارىنىڭ (عا) تولىمداۋشى بولشەكتەرىن ءوندىرۋ كاسىپورنى بولادى.  

«جسوك-ءتى جوبالاۋ جونىندە ستراتەگيالىق ارىپتەسپەن كەلىسىمشارتقا قول قويىلدى. قۇرىلىس الاڭىندا ينجەنەرلىك-گەولوگيالىق زەرتتەۋلەر جۇرگىزىلىپ، ينجەنەرلىك -كوممۋنيكاتسيالىق  جەلىلەرگە قوسىلۋدىڭ تەحنيكالىق شارتتارى، ساۋلەتتىك-جوبالاۋ تاپسىرمالارى الىندى»، - دەيدى قازعارىش باسشىسى.

استانا. 2 اقپان. قازتاگ - ايناگۇل بەكەەۆا. استانادا ۇلتتىق عارىش ورتالىعى سالىنادى دا، ونىڭ بازاسىندا عارىشتىق تەحنولگيالار زەرتحاناسى مەن عارىشتىق اپپاراتتاردى جيناقتاۋ-سىناقتان وتكىزۋ كەشەنى اشىلادى، دەپ ءمالىم ەتتى قازعارىش باسشىسى تالعات مۇساباەۆ.

«ءبىز استانا اكىمدىگىنەن 30 گەكتار جەر بولۋىنە قول جەتكىزدىك. وندا عارىشتىق اپپاراتتاردى جيناقتاۋ-سىناقتان وتكىزۋ كەشەنى (جسوك) اشىلاتىن بولادى» ،- دەدى ول سەيسەنبى كۇنى، اگەنتتىكتىڭ 2009 جىل قورىتىندىسىنا ارنالعان كوللەگياسىندا سويلەگەن سوزىندە. 

ت. مۇساباەۆ بولىنگەن جەر تەلىمىندەگى قۇرىلىستىڭ تەحنيكالىق-ەكونوميكالىق نەگىزدەمەسى (تەن) ازىرلەنگەنىن اتاپ ءوتتى. ۇلتتىق عارىش ورتالىعىندا جسوك-تەن باسقا عارىشتىق تەحنيكانىڭ ارنايى كونسترۋكتورلىق-تەحنولوگيالىق بيۋروسى، عارىشتىق تەحنولوگيالاردىڭ ۇلتتىق زەرتحاناسى، مامانداردى دايىنداۋ مەن بىلىكتىلىگىن ارتتىرۋ ورتالىعى، مونيتورينگ پەن ديففەرەنتسيالدى تۇزەتۋ ورتالىعى، عارىش اپپاراتتارىنىڭ (عا) تولىمداۋشى بولشەكتەرىن ءوندىرۋ كاسىپورنى بولادى.  

«جسوك-ءتى جوبالاۋ جونىندە ستراتەگيالىق ارىپتەسپەن كەلىسىمشارتقا قول قويىلدى. قۇرىلىس الاڭىندا ينجەنەرلىك-گەولوگيالىق زەرتتەۋلەر جۇرگىزىلىپ، ينجەنەرلىك -كوممۋنيكاتسيالىق  جەلىلەرگە قوسىلۋدىڭ تەحنيكالىق شارتتارى، ساۋلەتتىك-جوبالاۋ تاپسىرمالارى الىندى»، - دەيدى قازعارىش باسشىسى.

اتالعان جوباداعى قازاقستاننىڭ ارىپتەسى فرانتسيا بولدى. ءتيىستى قۇجاتتارعا فرانتسيا پرەزيدەنتى نيكوليا ساركوزيدىڭ 2009 جىلعى قازاقستانعا جاساعان رەسمي ساپارى بارىسىندا قول قويىلدى. قۇجاتقا سايكەس، بۇل جوبانى ىسكە اسىرۋ ءۇشىن فرانتسيا-قازاقستاندىق بىرلەسكەن كاسىپورىن قۇرىلماقشى. سونداي-اق تاراپتار جەردى الىستان باقىلايتىن (جاب) عارىشتىق جۇيە قۇرىلىسىن قاراستىرعان كەلىسىمشارتقا دا قول قويعان.

ت. مۇساباەۆتىڭ ايتۋىنشا، بۇل كەلىسىمشارتتاردىڭ ەرەكشەلىگى - قازاقستاننىڭ تەحنولوگيالىق تۇرعىدان الەم نارىعىنا سەرپىلىس جاساۋىنا مۇمكىندىك بەرىپ، ءوزىنىڭ دەربەس عارىش سالاسىن قۇرۋعا جاعداي جاسايتىندىعىندا.

بىراق اتالعان جوبالاردى ىسكە اسىرۋ ءۇشىن ۇكىمەتتەن قارجىلاي كومەك كەرەك، دەيدى ت. مۇساباەۆ.

«ستراتەگيالىق ارىپتەسپەن قول قويىلعان كەلىسىمشارتتاعى جاب پەن جسوك عارىش جۇيەلەرىن قارجىلاندىرۋ ماسەلەسى ءالى شەشىلگەن جوق. ماسەلە، بۇل جوبانىڭ تەن-ءىنىڭ العاشقى نۇسقاسىندا قوسىمشا قۇن سالىعى، تەڭگەنىڭ دەۆالۆاتسياسى ەسەپتەلمەي قالعاندىعىندا، سونداي-اق قۇرىلىپ جاتقان كەدەندىك وداق اياسىندا عا-نى الىپ كەلۋدە كەدەندىك تولەمدەر مىندەتىنىڭ تۋىنداعانىندا بولىپ تۇر. بۇل فاكتورلار جوبا قۇنىن ەكى ەسەگە ارتتىرىپ، 44-تەن 80 ملرد تەڭگەگە جەتكىزدى»، - دەدى ول.

ت. مۇساباەۆ قازتاگ اگەنتتىگىنە ايتقانداي، قازعارىش بارلىق سومانى سۇراپ وتىرعان جوق، تەك ءبىر بولىگىن عانا سۇراۋدا. بىراق ول قاجەت قاراجات سوماسىن ناقتىلاعان جوق.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622