بەيسەنبى, 28 ناۋرىز 2024
جاڭالىقتار 6534 0 پىكىر 28 جەلتوقسان, 2009 ساعات 10:02

قۇرمەتتى دوستار!

Abai.kz اقپاراتتىق پورتالى عالامتور كەڭىستىگىنە ەنگەلى كوپ ۋاقىت وتە قويماپتى. اقپاراتتىق زاماننىڭ تۇسىنىگىندە - «قاس-قاعىم ءسات». وسى «قاس-قاعىم ساتتە» عالامتوردا پايدا بولعان اباي ەسىمى اۋىزدان اۋىزعا كوشىپ تەز تانىلىپ ۇلگەردى. كۇن سايىن پورتالىمىزدىڭ اۋديتورياسى جۇزدەن استام ادامعا تولىعادى ەكەن. باستاپقى كەزدە كەز-كەلگەن ماقالانىڭ مازمۇنىنا ءتيىستى ەكى-ءۇش وي ايتىلسا، بۇگىنگى كۇنى پىكىر بىلدىرۋشىلەردىڭ بەلسەندىلىگى اقپاراتتىق نارىقتا كوپ جىلداردان بەرى كەلە جاتقان ءورىستىلدى مايتالمان ينتەرنەتشىلەردىڭ ءوزىن قايران قالدىرۋدا. پورتالىمىز جالپى ەلىمىزدەگى ەكى مىڭنان استام سايتتىڭ ىشىندە الپىسىنشى-جەتپىسىنشى ورىندارعا يە بولسا، «ءباسپاسوز جانە جاڭالىقتار» ساناتىنداعى  ەڭ ۇزدىك ون بەس سايتتىڭ قاتارىنان تۇراقتى كورىنىپ وتىر.

بۇل، بىرىنشىدەن - حاكىم اتامىزدى ۇلىقتاعان ۇلتتىڭ قۇرمەتىنەن تۋىپ، ۇرمەتىنە جايىلعان تانىمالدىلىقتىڭ بەلگىسى ەكەنى داۋسىز.

ەكىنشىدەن، اقپاراتتىق پورتال اباي دانالىعىنا جۇگىنىپ كەلە جاتقان قازاقتىڭ بۇگىنگى باق الەمىنەن جاڭا ءسوز كۇتىپ ەلەڭدەي قالعان كوڭىل كۇيىمەن، ىشكى تىلەگىمەن ۇيلەسىم تابا قويدى. ءبىز، مىنە، وسى جايتتى اسىرەسە، اڭگىمە ەتە تۇسۋگە ىنتالىمىز.

Abai.kz  عالامتور ايدىنىنا اياق باسقان كۇننەن بەرى قاراي  پورتال ۇجىمى ىجداھاتتى تۇردە اباي شىعارماشىلىعى مەن ابايتانۋ مەكتەبىنىڭ وزىق ءداستۇرىن ۇلگى ەتە وتىرىپ «اباي» اتتى جەكە تاراۋدىڭ مۇراعات قورىن تولىقتىرۋ ۇستىندە.

Abai.kz اقپاراتتىق پورتالى عالامتور كەڭىستىگىنە ەنگەلى كوپ ۋاقىت وتە قويماپتى. اقپاراتتىق زاماننىڭ تۇسىنىگىندە - «قاس-قاعىم ءسات». وسى «قاس-قاعىم ساتتە» عالامتوردا پايدا بولعان اباي ەسىمى اۋىزدان اۋىزعا كوشىپ تەز تانىلىپ ۇلگەردى. كۇن سايىن پورتالىمىزدىڭ اۋديتورياسى جۇزدەن استام ادامعا تولىعادى ەكەن. باستاپقى كەزدە كەز-كەلگەن ماقالانىڭ مازمۇنىنا ءتيىستى ەكى-ءۇش وي ايتىلسا، بۇگىنگى كۇنى پىكىر بىلدىرۋشىلەردىڭ بەلسەندىلىگى اقپاراتتىق نارىقتا كوپ جىلداردان بەرى كەلە جاتقان ءورىستىلدى مايتالمان ينتەرنەتشىلەردىڭ ءوزىن قايران قالدىرۋدا. پورتالىمىز جالپى ەلىمىزدەگى ەكى مىڭنان استام سايتتىڭ ىشىندە الپىسىنشى-جەتپىسىنشى ورىندارعا يە بولسا، «ءباسپاسوز جانە جاڭالىقتار» ساناتىنداعى  ەڭ ۇزدىك ون بەس سايتتىڭ قاتارىنان تۇراقتى كورىنىپ وتىر.

بۇل، بىرىنشىدەن - حاكىم اتامىزدى ۇلىقتاعان ۇلتتىڭ قۇرمەتىنەن تۋىپ، ۇرمەتىنە جايىلعان تانىمالدىلىقتىڭ بەلگىسى ەكەنى داۋسىز.

ەكىنشىدەن، اقپاراتتىق پورتال اباي دانالىعىنا جۇگىنىپ كەلە جاتقان قازاقتىڭ بۇگىنگى باق الەمىنەن جاڭا ءسوز كۇتىپ ەلەڭدەي قالعان كوڭىل كۇيىمەن، ىشكى تىلەگىمەن ۇيلەسىم تابا قويدى. ءبىز، مىنە، وسى جايتتى اسىرەسە، اڭگىمە ەتە تۇسۋگە ىنتالىمىز.

Abai.kz  عالامتور ايدىنىنا اياق باسقان كۇننەن بەرى قاراي  پورتال ۇجىمى ىجداھاتتى تۇردە اباي شىعارماشىلىعى مەن ابايتانۋ مەكتەبىنىڭ وزىق ءداستۇرىن ۇلگى ەتە وتىرىپ «اباي» اتتى جەكە تاراۋدىڭ مۇراعات قورىن تولىقتىرۋ ۇستىندە.

الاشوردا ارداگەرلەرى مەن الاش تاريحىنا قاتىستى تىڭ دەرەكتەر مەن سوڭعى زەرتتەۋلەر دە abai.kz اقپاراتتىق پورتالىنىڭ مۇراعاتىندا جيناقتالىپ جاتىر.

پورتالدىڭ ايماقتار، مادەنيەت، توپ-ماقالالار، سۇحباتتار، سپورت ت.ب. ايدارلارى دا اتالعان تاقىرىپتاردىڭ اينالاسىنداعى وقيعالاردى، جاڭالىقتاردى ۋاقتىندا جاريا ەتىپ تۇرادى.  ال، باس تاقىرىپ پەن سوڭعى ماقالالار پورتالىمىزدىڭ «قاھارمان» ايدارىنا اينالدى. باس تاقىرىپ ايدارىنىڭ اياسىندا ءبىز ەلىمىزگە تانىمال تۇلعالارمەن بىرنەشە رەت ينتەرنەت-كونفەرەنتسيا وتكىزىپپىز. ينتەرنەت-كونفەرەنتسياعا ءبىزدىڭ ارىپتەستەرىمىزدەن باستاپ قاراپايىم وقىرمانعا دەيىن قاتىسىپ، ويلارىن ورتاعا سالدى، قوعامعا، زامانعا، ۇلتتىق ماسەلەلەرگە بايلانىستى تەرەڭنەن تولعاپ پىكىر بىلدىرەتىن اۋزى ءۋالى جاندارعا ساۋالدار جولدادى.

قىسقاسى، ءبىز ينتەرنەت-كونفەرەنتسيالاردى ۇيىمداستىرۋ بارىسىندا بۇگىنگى اقپاراتتىق تەحنولوگيانى پايدالانا وتىرىپ، وقىرمان اۋديتورياسىنىڭ ازاماتتىق بەلسەندىلىگىن وياتا الدىق دەپ سەنەمىز. ينتەرنەتتەگى قازاق ءتىلدى سەگمەنتتى پايدالانۋشىلار جانىبەك پەن كەرەي حانننىڭ مۇسىندەرى «قازاق ەلى» مونۋمەنتىنەن ىسرىلىپ قالعاندا قاتتى نارازىلىق تانىتىپ، ماسەلەنىڭ اياعىن abai.kz اقپاراتتىق پورتالىنداعى ينتەرنەت-اكتسياعا ۇلاستىرىپ جىبەردى.  بيلىكتەگى اسا جاۋاپتى لاۋازىم يەلەرىنە جاستار اشىق حات جازىپ، ەشكىمنەن سەسكەنبەي اتى-جوندەرىن، ەلەكتروندى ادرەستەرىن كورسەتىپ، قولدارىن  قويدى. قازاق جاستارىنىڭ باسىن قوسقان، ورتاق ماقساتقا بىرىكتىرگەن ينتەرنەت-اكتسيا بۇرىن سوڭدى ءدال وسىنداي ۇيىمداسقان تۇردە وتە قويماعان سياقتى. وتكەن جاعدايدىڭ وزىندە ونداي اكتسيانىڭ الاتاۋ مەن ارقانىڭ، التاي مەن اتىراۋدىڭ اراسىن ءدال وسىلاي جاڭعىرتقانى ەسىمىزدە قالماپتى...

Abai.kz اقپاراتتىق پورتالىنىڭ تۇراقتى وقىرمانىنا اينالعان جاستاردىڭ قاتارىنا كوپ كەشىكپەي ۇلت زيالىلارى; عالىمدار، ساياساتتانۋشىلار، قوعام قايراتكەرلەرى كەلىپ قوسىلا باستادى دا بۋىنارالىق بىرلىك قالىپتاسىپ، ينتەرنەت-اكتسيالاردىڭ  ءدۇبىرى مولايا ءتۇستى. ەل ىشىندە ەلەكتەن ءوتىپ بارىپ قابىلدانۋعا ءتيىستى «قازاقستاندىق ۇلت» دوكتريناسىن قابىلداي قويۋعا اسىققان ەپتىلەردى دەر كەزىندە توقتاتۋعا سەبەپ بولعان جايتتاردىڭ ءبىرى ءدال وسى abai.kz اقپاراتتىق پورتالىندا بولعان جاستاردىڭ قىزۋ تالقىلارى مەن ەرەكشە بەلسەندىلىگى ەكەنىن ەستى كىسىلەر مويىنداپ، ايتىپ تا ءجۇر. بۇقارا حالىقتىڭ ەرىك-جىگەرىن ەركىنشە بيلەپ توستەپ داعدىلانعان بيلىككە اۋىر ءتيۋى مۇمكىن، ايتسەدە عالامتورداعى اباي اتىمەن الىسۋ، اباي اقيقاتىن قوعامنان الاستاۋ - بۇدان بىلاي بيلىككە قيىنعا سوعارى انىق.

ءبىز بيلىكتەگى لاۋازىم يەلەرىنىڭ بەتىمەن كەتىپ، الباتى ارەكەتتەرگە بارۋىنا قوعامدىق باقىلاۋ جاساپ وتىرۋدىڭ قاجەتتىگىن بەك ۇعىندىق. ءبىز قوعامنىڭ ءوزىن ءوزى باقىلاۋ قۇقىعىنا يە ەركىن اقپارتتىق قۇرالدىڭ قولىمىزعا تيگەنىن سەزىندىك. ءبىز، قازاق جۋرناليستەرى، ىشكى بىرلىگىمىزدى كاسىبي بىلىكتىلىگىمىزبەن جالعاستىرىپ، اقپاراتتىق كەڭىسىتىگىمىزگە ەگەلىك ەتۋمەن عانا شەكتەلمەي، ءارتۇرلى پىكىرلەردى توعىستىرىپ، بيلىك پەن بۇقارا حالىق وكىلىنىڭ تەڭ دارەجەدە سۇحباتتاسۋىنا قولايلى اقپاراتتىق الاڭ جاساي الاتىنىمىزدى تۇسىندىك. وسىدان بىرەر جىل بۇرىن «قازاق ءتىلى ينتەرنەتكە جاۋ، كاسىپكە كەلمەيدى» دەگەن جاڭساق پىكىرلەرگە لايىقتى جاۋاپ بەردىك!

وسى ءبىر كۇندەلىكتى ارپالىسپەن جۇرگەندە جاڭا بارىس جىلى دا كەلىپ قالىپتى. «جاڭا جىلداعى» شىرشا تويى داستۇرىمىزدە بولماعان دەپ ءجىپ تاقساقتا،  وتكەن كۇندەرگە سالاۋات ايتا وتىرىپ جاڭا جىلدان جاقسى ءۇمىت كۇتەتىنىمىز بار. سوعان وراي قارەكەتىمىزدى دە ۇيلەستىرىپ، جاڭا جوسپار قۇرامىز. جاڭا بەلەستەرگە كوتەرىلگىمىز كەلەدى. بۇل بارشا ويلى ادامعا ءتان تابيعي دۇنيە.

پورتالدىڭ قىزمەتى بارىمىزگە ورتاق بولعاندىقتان تومەندەگى جوسپارىمىزدى جاريا ەتپەكپىز:

وسى جىلى قالىپتاسقان، حالىقتىڭ كوڭىلىنەن شىققان بارلىق جاقسى ۇردىستەر مەن باعىتتار جاڭا جىلدا دا جالعاسىن تاباتىنى ءسوزسىز. بارىس جىلىندا اباي.كز پورتالىنىڭ ءىشى كەڭەيىپ، شىن مانىندەگى اقپاراتتىق پورتالعا اينالۋعا بەت الادى. بۇل ماقساتتا abai.kz اقپاراتتىق پورتالىنىڭ قاتارى ادەبيەت. abai.kz, تاريح. abai.kz, مەديا abai.kz. ت.ب. ارنايى سايتتارىمەن تولىعادى. پورتالدىڭ ۇجىمى وسى سايتتاردىڭ وقىرمان تابۋىنا ەرىنبەي ەڭبەك ەتۋگە دايىن. ەگەر ايماقتارداعى ارىپتەستەرىمىز قاجەت دەپ تاپسا، قاراجاتتىق قولداۋ بولىپ جاتسا، ارنايى «ايماقتىق» پاراقشالاردى اشۋعا دا دايىنبىز.

ستاتيستيكاعا جۇگىنسەك، بۇگىنگى كۇنى پورتال اۋديتورياسىنىڭ وتىز پايىزعا جۋىعىن ەلدەن جىراقتا جۇرگەن باۋىرلارىمىز قۇرايدى ەكەن.  وسى تۇرعىدا ولاردىڭ اتا جۇرتپەن قاۋىشۋىنا اقپاراتتىق تۇرعىدان جاردەم ەتىپ، ەلگە ورالىپ، قونىستانۋىنا سەپتىگىمىزدى تيگىزۋدى بورىشىمىز سانايمىز.

بايقايمىز، جاڭا بارىس جىلىندا ءبىزدى تالاي «قىزىقتار» كۇتىپ وتىرعان سياقتى. سوندىقتان دا پورتالىمىزدا بيلىكتەگى «بابايلاردىڭ» تالاي قىزىق «داۆايلارى»  «ايتقىش ەكەن...»  ايدارىنان، باس تاقىرىپتان، سوڭعى ماقالالاردان ورىن الارى حاق. جاقسىنى - جاقسى دەپ، جاماندى - جامان دەپ اتاي بەرەمىز!

بارىس جىلى بارىمىزگە تابىس جىلى بولۋى ءۇشىن تاپ بۇگىننەن باستاپ دايىندىق جاساۋ كەرەك دەپ بىلەمىز. وسىعان وراي پورتال ۇجىمى كەلەسى جىلدا ەلىمىزدىڭ رۋحاني سۇرانىسىن كەمەلدەندىرىپ، ۇلتتى ۇيىستىراتىن تاقىرىپتار مەن ايدارلار ەنگىزۋگە دايىندالىپ جاتىر.  پورتالىمىزدىڭ تۇراقتى وقىرمانى تانىعان قالامگەرلەرمەن قاتار جاڭاشا ويلايتىن  اۆتورلاردىڭ دا اتى جوندەرى وسى بارىس جىلىندا ايگىلى بولادى.

قۇرمەتتى دوستار، پورتال جاناشىرلارى!

ءبىزدىڭ ۇجىم 28-جەلتوقساننان 10-شى قاڭتارعا دەيىن جوعارىداعى تالاپ ۇدەسىنەن شىعۋ ماقساتىندا قىسقا ەڭبەك دەمالىسنا كەتتى.

بۇل ارالىقتا سىزدەر پورتال وقىرماندارى ەڭ ۇزدىك دەپ تانىعان جانە ەڭ كوپ تالقىلانعان ماقالالاردىڭ جاريالانىمدارىمەن تانىس بولاسىزدار. الداعى جىلى جازار دۇنيەمىزدىڭ مازمۇنى بايىپ، قاتارىمىز كەڭەيە بەرسىن! بىزدەر وقىرمانىمىزدىڭ كوڭىلىنەن شىعۋعا ايانباي ەڭبەك ەتەمىز!

جاڭا جىلدا جاڭا تابىسقا جەتە بەرەيىك! اباي بولايىق، ابايشىل، الاششىل بولايىق!

 

ابايشىلدار

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503