استانا. 24 جەلتوقسان. قازتاگ – كەيىن ساتىپ الۋ مۇمكىندىگىمەن جالعا بەرىلەتىن العاشقى جىلجىمايتىن مۇلىك نىساندارى كەلەسى جىلدىڭ ءبىرىنشى توقسانىندا ىسكە قوسىلادى، دەپ ءمالىم ەتتى «سامۇرىق-قازىنا» مەملەكەتتىك حولدينگىنىڭ قارجى جانە دامۋ ينستيتۋتتارىن باسقارۋ جونىندەگى ديرەكتورى باقىتجان ساركەەۆ.

«جالعا بەرىلەتىن العاشقى تۇرعىن ۇيلەر 2010 جىلدىڭ ءبىرىنشى توقسانىنان باستاپ ىسكە قوسىلا باستايدى»، - دەپ ءمالىم ەتتى ول سارسەنبى كۇنى ۇلەستىك قۇرىلىستىڭ قيىن نىساندارى بويىنشا وتكەن دوڭگەلەك ۇستەل وتىرىسىندا.

مەملەكەتتىك حولدينگتىڭ ەنشىلەس كومپانياسى «سامۇرىق-قازىنا» جىلجىمايتىن مۇلىك قورى» ۇلتتىق قوردىڭ قارجىسىنا جەكە مەنشىك قۇرىلىس كومپانيالارى اياقتاماعان جىلجىمايتىن مۇلىك نىساندارىنىڭ قۇرىلىسىن قارجىلاندىرىپ وتىرعانى بەلگىلى. قور بۇل نىسانداردى نارىقتاعى باعادان تومەن باعاعا ساتىپ الىپ، الداعى ۋاقىتتا ونى جالعا بەرمەك، سونىڭ ىشىندە، كەيىن ساتىپ الۋ قۇقىعىمەن دە جالعا بەرۋدى جوسپارلاپ وتىر.

جىلجىمايتىن مۇلىك قورىنىڭ باسقارۋشى ديرەكتورى نۇرداۋلەت تۇرلىبەكوۆ «الەۋمەتتىك» كلاسقا جاتاتىن باسپانا مەن كوممەرتسيالىق الاڭدار تەك جالعا بەرىلەتىنىن، ال «ەكونوم» كلاستى ۇيلەر جالعا بەرىلەتىنىن جانە كەيىن ساتىپ الۋ مۇمكىندىگىمەن دە جالعا بەرىلەتىنىن، بيزنەس-كلاسقا جاتاتىن ۇيلەر مەن پاركينگتەر وسىنداي شارتتارمەن جالعا تاپسىرىلاتىنىن جانە تىكەلەي ساتىلاتىنىن ايتتى.

استانا. 24 جەلتوقسان. قازتاگ – كەيىن ساتىپ الۋ مۇمكىندىگىمەن جالعا بەرىلەتىن العاشقى جىلجىمايتىن مۇلىك نىساندارى كەلەسى جىلدىڭ ءبىرىنشى توقسانىندا ىسكە قوسىلادى، دەپ ءمالىم ەتتى «سامۇرىق-قازىنا» مەملەكەتتىك حولدينگىنىڭ قارجى جانە دامۋ ينستيتۋتتارىن باسقارۋ جونىندەگى ديرەكتورى باقىتجان ساركەەۆ.

«جالعا بەرىلەتىن العاشقى تۇرعىن ۇيلەر 2010 جىلدىڭ ءبىرىنشى توقسانىنان باستاپ ىسكە قوسىلا باستايدى»، - دەپ ءمالىم ەتتى ول سارسەنبى كۇنى ۇلەستىك قۇرىلىستىڭ قيىن نىساندارى بويىنشا وتكەن دوڭگەلەك ۇستەل وتىرىسىندا.

مەملەكەتتىك حولدينگتىڭ ەنشىلەس كومپانياسى «سامۇرىق-قازىنا» جىلجىمايتىن مۇلىك قورى» ۇلتتىق قوردىڭ قارجىسىنا جەكە مەنشىك قۇرىلىس كومپانيالارى اياقتاماعان جىلجىمايتىن مۇلىك نىساندارىنىڭ قۇرىلىسىن قارجىلاندىرىپ وتىرعانى بەلگىلى. قور بۇل نىسانداردى نارىقتاعى باعادان تومەن باعاعا ساتىپ الىپ، الداعى ۋاقىتتا ونى جالعا بەرمەك، سونىڭ ىشىندە، كەيىن ساتىپ الۋ قۇقىعىمەن دە جالعا بەرۋدى جوسپارلاپ وتىر.

جىلجىمايتىن مۇلىك قورىنىڭ باسقارۋشى ديرەكتورى نۇرداۋلەت تۇرلىبەكوۆ «الەۋمەتتىك» كلاسقا جاتاتىن باسپانا مەن كوممەرتسيالىق الاڭدار تەك جالعا بەرىلەتىنىن، ال «ەكونوم» كلاستى ۇيلەر جالعا بەرىلەتىنىن جانە كەيىن ساتىپ الۋ مۇمكىندىگىمەن دە جالعا بەرىلەتىنىن، بيزنەس-كلاسقا جاتاتىن ۇيلەر مەن پاركينگتەر وسىنداي شارتتارمەن جالعا تاپسىرىلاتىنىن جانە تىكەلەي ساتىلاتىنىن ايتتى.

ن. تۇرلىبەكوۆ ۋاقىت وتە كەلە ۇلتتىق قوردان الىنعان قارجىنى جىلىنا 5% كىرىسپەن قايتارۋ جوسپارلانىپ وتىرعانىن جەتكىزدى. ونىڭ اتاپ كورسەتۋىنشە، وسىعان بايلانىستى «ەكونوم» جانە «كوممەرتسيالىق جىلجىمايتىن مۇلىك» قور ءۇشىن «شىعىندى ءونىم» بولىپ تابىلادى. «بىراق بيزنەس-كلاسس ەسەبىنەن ءوز ماقساتىمىز – 5 پايىزدىق كىرىسكە قول جەتكىزۋدى جوسپارلاپ وتىرمىز. ارينە، بۇل – بولجام عانا، ءبارى بۇدان دا جاقسى بولۋى مۇمكىن»، - دەدى ن. تۇرلىبەكوۆ.

ونىڭ ايتۋىنشا، «الەۋمەتتىك» باسپانا ءۇشىن جالعا الۋ تولەمى (كادىمگى جالعا الۋ) ايىنا 1 شارشى مەترى ءۇشىن 520 تەڭگەنى قۇرايدى. ەكونوم ءتيپتى ءبىر بولمەلى پاتەر ءۇشىن اي سايىنعى تولەم 32 مىڭ تەڭگەنى، ءتورت بولمەلى پاتەردىكى – 120 مىڭ تەڭگەنى قۇراسا، بيزنەس كلاسقا جاتاتىن باسپانا: ءبىر بولمەلى – 90 مىڭ تەڭگە، بەس بولمەلى 255 مىڭ تەڭگە بولادى.

باسپانانى كەيىن ساتىپ الۋ مۇمكىندىگىمەن جالعا الۋعا كەلسەك، پاتەر جالعا الۋشىنىڭ مەنشىگىنە ءوتۋى ءتيىس ەڭ ۇزاق مەرزىم 13 جىلدى قۇرايدى. الايدا مەرزىمىنەن بۇرىن ساتىپ الىنسا، جىلجىمايتىن مۇلىك قورى ەكونوم ساناتتاعى ءۇي ءۇشىن قالعان سومانىڭ 15%، بيزنەس كلاسس ءۇشىن  33% كولەمىندە سىياقى الادى.  سونداي-اق، مەرزىمىنەن بۇرىن ساتىپ الۋعا موراتوري ەنگىزىلەدى، ول بيزنەس كلاسقا جاتاتىن پاتەر ءۇشىن 5 جىل دەپ بەلگىلەندى.

ن. تۇرلىبەكوۆ قور قۇرىلىس كومپانيالارىنان ەكونوم-كلاسس باسپانانى ءبىر شارشى مەترى ءۇشىن 81 مىڭ تەڭگەگە ساتىپ السا، كەيىن ساتىپ الۋ مۇمكىندىگىمەن جالعا الۋ قۇنى 1 ش.م. ءۇشىن ايىنا 922 تەڭگەنى قۇرايتىنىن ايتتى. وسىلايشا، ءبىر بولمەلى پاتەردى كەيىن ساتىپ الۋ مۇمكىندىگىمەن جالعا الۋ قۇنى ەكونوم كلاسس ءۇشىن 44 مىڭ تەڭگە، بيزنەس-كلاسس ءۇشىن 104 مىڭ تەڭگە بولادى.

جىلجىمايتىن مۇلىك قورىنىڭ باسقارما توراعاسى گوسمان امرين قور نەگىزىنەن بيزنەس كلاسقا جاتاتىن ۇيلەردى ساتۋدى جوسپارلاپ وتىرعانىن، بۇل الىنعان قارجىعا ەكونوم كلاستى باسپاپانىڭ قۇرىلىسىن جەدەلدەتىپ، كەڭەيتۋ ءۇشىن جاسالاتىنىن جەتكىزدى.

تىكەلەي ساتۋ تۋرالى ايتقان ن. تۇرلىبەكوۆ Caspian Palace تۇرعىن ءۇي كەشەنىن مىسالعا كەلتىردى: پاتەردى ساتۋ قۇنى 1 ش. م . ءۇشىن 105600 تەڭگەنى قۇرايدى، وسىلايشا، اۋدانى 106 ش. مەتر پاتەر قوردىڭ سىياقىسىن ەسەپتەگەندە 15 ملن تەڭگە تۇرادى.

جىلجىمايتىن مۇلىك قورى پاركينگتەردى ءبىر كولىكتىڭ ورنى ءۇشىن ايىنا 6667 تەڭگەگە جالعا بەرمەك، ال كەيىن ساتىپ الۋ مۇمكىندىگىمەن جالعا بەرۋ باعاسى  9107 تەڭگە بولادى.