بەيسەنبى, 22 قازان 2020
COVID-19 قازاقستاندا. جۇقتىرعاندار — 109907. جازىلعاندار — 105385. قايتىس بولعاندار — 1796
جاڭالىقتار 1864 0 پىكىر 3 ناۋرىز, 2014 ساعات 04:31

بەيسەن احمەتۇلى. سوعىس: حالىقارالىق كەپىلدەمە ورىندالا ما؟

رەسەي  دۇرىس قادام جاسادى

ساياساتتا ەشقانداي دوستىق بولمايدى، تەك مۇددە قاتىناسى عانا بولادى. الدە ءبىر جاتتاندى ديالوگتاردىڭ بۇنداي مۇددەدە پايداسى شامالى بولاتىنىن كۇندە كورىپ، ءبىلىپ وتىرمىز.

رەسەيدىڭ ۋكرايناعا اسكەر كىرگىزۋ تۋرالى شەشىمى ءبىر جاعىنان قاجەتتىلىكتەن بولدى. كەز كەلگەن ەل ءوز ۇلتىنىڭ مۇددەسى مەن قاۋىپسىزدىگى ءۇشىن ايانبايتىنى حاق.  ونىڭ ۇستىنە، قىرىم مەن حاركوۆ سىندى ۋكراينانىڭ شىعىس ايماقتارىندا ورىستار مەن ورىس تىلدىلەر باسىم. ولار رەسەيدەن وزدەرىن ۇلتشىل-راديكالداردان قورعاۋدى تالاپ ەتىپ وتىر. ونىڭ ۇستىنە بۇل قيىن كەزەڭدى ءساتتى پايدالانعان ورىس ۇلتشىلدارى ۋكراينانىڭ جاڭادان كەلگەن بيلىگىن مويىنداماۋدا. ۋكرايناداعى احۋال شىندىعىنا كەلگەندە ورىستىڭ ويىنداعىسىن ىستەۋگە تابىلا كەتكەن سەبەپ بولدى. سونىمەن،  رف مەمدۋماسى كومەكتەسۋگە بەل بۋىپ، ورىس ارمياسى ۋكرايناعا بەت الدى.

ۋكراينا ءۇشىن ساياسي وزگەرىستەن گورى ەل تۇتاستىعىن ساقتاپ قالۋ ماڭىزدى

رەسەي  دۇرىس قادام جاسادى

ساياساتتا ەشقانداي دوستىق بولمايدى، تەك مۇددە قاتىناسى عانا بولادى. الدە ءبىر جاتتاندى ديالوگتاردىڭ بۇنداي مۇددەدە پايداسى شامالى بولاتىنىن كۇندە كورىپ، ءبىلىپ وتىرمىز.

رەسەيدىڭ ۋكرايناعا اسكەر كىرگىزۋ تۋرالى شەشىمى ءبىر جاعىنان قاجەتتىلىكتەن بولدى. كەز كەلگەن ەل ءوز ۇلتىنىڭ مۇددەسى مەن قاۋىپسىزدىگى ءۇشىن ايانبايتىنى حاق.  ونىڭ ۇستىنە، قىرىم مەن حاركوۆ سىندى ۋكراينانىڭ شىعىس ايماقتارىندا ورىستار مەن ورىس تىلدىلەر باسىم. ولار رەسەيدەن وزدەرىن ۇلتشىل-راديكالداردان قورعاۋدى تالاپ ەتىپ وتىر. ونىڭ ۇستىنە بۇل قيىن كەزەڭدى ءساتتى پايدالانعان ورىس ۇلتشىلدارى ۋكراينانىڭ جاڭادان كەلگەن بيلىگىن مويىنداماۋدا. ۋكرايناداعى احۋال شىندىعىنا كەلگەندە ورىستىڭ ويىنداعىسىن ىستەۋگە تابىلا كەتكەن سەبەپ بولدى. سونىمەن،  رف مەمدۋماسى كومەكتەسۋگە بەل بۋىپ، ورىس ارمياسى ۋكرايناعا بەت الدى.

ۋكراينا ءۇشىن ساياسي وزگەرىستەن گورى ەل تۇتاستىعىن ساقتاپ قالۋ ماڭىزدى

 ۋكارايناداعى  "ەۋرومايدانشىل"  توپتار وزدەرىنىڭ ۇلكەن ساياساتقا دايىندىقتارىنىڭ تومەندىگىن كورەستىپ جاتىر. ساياساتكەرلىك پەن سابىرلىلىقتى، قاناعاتتى ۇمىتىپ كەتكەن راديكالدى توپتىڭ نيەتتەرى دۇرىس بولعانىمەن امالدارى قاتەلىككە ۇرىندىردى. حالىقتى ءبىر-بىرىنە ايداپ سالىپ، زورلىقتى ارەكەتتەرگە  جول بەرىپ،  يانۋكوۆيچتىڭ لاڭىن عانا ءسوز قىلىپ جۇرگەندە  ەۋرومايدانعا قارسى توپتار ورىستارمەن بىرلەسە وتىرىپ وداق قۇرىپ ۇلگەردى.   ال، «ەۋرومايدانشىلاردىڭ» كەۋدەمسوقتىعى ءوز وتاندارىنىڭ تراگەدياسىنا اينالىپ بارادى. قازىر ۋكرايندەرگە ساياسي قايتا قۇرۋ كەرەك ەمەس، ەڭ ماڭىزدىسى –  ەلدىڭ تۇتاستىعىن ساقتاپ قالۋ كەرەك. ولاي ەتپەسە، ەرتەڭ قىلىشتارىن بوققا شاباتىن بولادى. ايتكەنمەن دە ءالى دە ىمىرالاسۋ ارقىلى رەسەيدىڭ ساياسي بۇلتاعىنان سىتىلىپ شىعىپ، ەلدىڭ تۇتاستىعىن قورعاپ قالۋلارى كەرەك.  قازىر ۋكراينادا حالىق پەن حالىقتىڭ، بيلىك پەن حالىقتىڭ اراسىنداعى الاۋىزدىق اسكەري قۇرىلىمدارعا دا كىرىپ كەتكەن. مۇنداي بەركەسىزدىك بەتىمەن جايىلا بەرسە،  ۋكراينا جەرىنىڭ بولشەكتەنىپ كەتۋى ىقتيمال.  

 كىمنىڭ كىم ەكەندىگى ەندى بەلگىلى بولادى

ۋكراينا اتومنان ءوز ەركىمەن باس تارتقان ەل. ەندى سول كەزدەگى حالىقارالىق كەلىسىم بويىنشا، بۇۇ قاۋىپسىزدىك كەڭەسىنىڭ مىندەتتەرىن مويىندارىنا العان مەملەكەتتەر   قاراپ وتىرماۋى  كەرەك. اقش كەلمەسە، ۋكراينانى رەسەي جاۋلاپ الادى. اقش 1994 جىلى   ۋكراينانى قورعاۋ جونىندە وزىنە مىندەتتەمە الىپ قويعان. بار ءۇمىت سول اقش-تا. ەگەر كەپىلدەمە ورىندالماسا، ۋكرايندەر ءۇشىن قىرىلىپ بىتكەنشە سوعىسۋدان باسقا شىعار جول جوق. ەگەر سوعىس ۇزاققا سوزىلسا ۋكرايناعا قولداۋ كۇشەيىپ، بيلىك پەن حالىقتىڭ بىرىلىگى  ارتادى، ال، ورىستاردىڭ كۇشى السىرەپ، ورىس بيلىگى ءتۇرىلى قىسىمداردىڭ سالدارىنان پسيحولوگيالىق اۋىتقۋلارعا ۇرىنىپ، ىشكى بۇلىكتەن ساقتانۋعا ءماجبۇر بولادى.  ەۆرووداق رەسەيگە قازىرشە ەشتەڭە ىستەي المايدى. ولارعا قارسى رەسەي  مۇناي مەن گاز قۇبىرىنىڭ بۇرانداسىن بەكىتىپ قويىپ قىسىم جاساۋعا دايىن. ەگەر ۋكراينا سوعىسقا شىقپاي، بىرلىك بولماي، جەڭىلسە،  وندا رەسەي تاراپىنان باسقىنشىلىق ارەكتتەر ۇدەي تۇسەدى. ۋكرايندەرگە جالعىز جول قالدى: سوعىس. بالا-شاعاسىمەن بىرگە سوعىسقا اتتانۋ. وتان ءۇشىن ولۋگە اتتانۋلارى كەرەك. باسقا جول جوق. ەۆرووداق ەكى  سلاۆيان حالقىنىڭ ء  وزارا قىرقىسىنا قاراپ وتىرا بەرسە، ۋكرايندەر يانۋكوۆيچكە زار بولادى!

ال قازاقستان ءۇشىن ەڭ كەرەگى ۋكرايناداعى الاساپىرانعا بايلانىستى حالىقارالىق كەپىلدەمەنىڭ(مىندەتتەمەنىڭ) ورىندالۋى مەن ورىندالماۋى بولىپ وتىر. سەبەبى  وسىدان كەيىن كىمنىڭ كىم ەكەنى بەلگىلى بولاتىن سىڭايى بار.

Abai.kz

0 پىكىر