بەيسەنبى, 28 ناۋرىز 2024
جاڭالىقتار 7080 0 پىكىر 16 قاڭتار, 2014 ساعات 04:53

«ايتۋعا وڭاي...» - الەۋمەتتىڭ مىنبەرى

1-سۋرەت: جۋرناليست، "ايتۋعا وڭاي..." توك-شوۋىنىڭ جۇرگىزۋشىسى بەيسەن قۇرانبەك باعدارلامانىڭ كەزەكتى سانىن ءتۇسىرۋ ۇستىندە

2-سۋرەت: شىعارماشىلىق توپ جۇمىس ۇستىندە

3-سۋرەت: "ايتۋعا وڭاي..." توك-شوۋىنىڭ شىعارماشىلىق ۇجىمى

 

قازىرگى كورەرمەننىڭ تاڭداۋى مۇمكىندىگى كەڭ. تاڭداپ، تالعام كورەمىن دەسە، ەشكىم قولىنان قاعىپ جاتقان جوق. بىراق، بوتەن ەلدىڭ وزگە تىلدەگى ارنالارى ەشقاشان قازاق ماسەلەسىنە، تۇرمىسىنا، حال-احۋالىنا نازار سالىپ، ەفيرىن بەرمەيتىنى اسپانداعى ايداي انىق نارسە. بارار جەرىمىز – ءوز تەلەارنالارىمىز.

ءوز ارنالارىمىزدىڭ دا ارقايسىسىنىڭ دىتتەگەن ماقساتى، مۇددەسىنە قاراي  جول سان تاراۋ. «بارلىق جولدار وتىرارعا باستاپ الىپ بارمايدى» دەمەكشى، ءار ارنا بۇقارانىڭ ويىن، تۇرمىس-تىرشىلىگىن، ۋايىم-قايعىسىن، شىن ءحالىن كورسەتىپ، جالپاق ەلگە ۇسىنىپ وتىر دەسەك، جالعان بولار ەدى.

كورەرمەنىن سيقىرشىداي شوۋلارمەن ارباپ ۇستاپ وتىرعان ارنالار كوزدى اربايتىن جاڭا جىلدىق بەزەندىرۋ سەكىلدى بولسا، ء«سوزىمىزدى سويلەيدى، مۇڭىمىزدى تىڭدايدى، كومەكتەسەدى» دەگەن حالىقتىڭ تىلەگى الگى جىلتىر شوۋلاردىڭ تاساسىندا تۇنشىعىپ قالاتىنى دا جاسىرىپ ەمەس.

1-سۋرەت: جۋرناليست، "ايتۋعا وڭاي..." توك-شوۋىنىڭ جۇرگىزۋشىسى بەيسەن قۇرانبەك باعدارلامانىڭ كەزەكتى سانىن ءتۇسىرۋ ۇستىندە

2-سۋرەت: شىعارماشىلىق توپ جۇمىس ۇستىندە

3-سۋرەت: "ايتۋعا وڭاي..." توك-شوۋىنىڭ شىعارماشىلىق ۇجىمى

 

قازىرگى كورەرمەننىڭ تاڭداۋى مۇمكىندىگى كەڭ. تاڭداپ، تالعام كورەمىن دەسە، ەشكىم قولىنان قاعىپ جاتقان جوق. بىراق، بوتەن ەلدىڭ وزگە تىلدەگى ارنالارى ەشقاشان قازاق ماسەلەسىنە، تۇرمىسىنا، حال-احۋالىنا نازار سالىپ، ەفيرىن بەرمەيتىنى اسپانداعى ايداي انىق نارسە. بارار جەرىمىز – ءوز تەلەارنالارىمىز.

ءوز ارنالارىمىزدىڭ دا ارقايسىسىنىڭ دىتتەگەن ماقساتى، مۇددەسىنە قاراي  جول سان تاراۋ. «بارلىق جولدار وتىرارعا باستاپ الىپ بارمايدى» دەمەكشى، ءار ارنا بۇقارانىڭ ويىن، تۇرمىس-تىرشىلىگىن، ۋايىم-قايعىسىن، شىن ءحالىن كورسەتىپ، جالپاق ەلگە ۇسىنىپ وتىر دەسەك، جالعان بولار ەدى.

كورەرمەنىن سيقىرشىداي شوۋلارمەن ارباپ ۇستاپ وتىرعان ارنالار كوزدى اربايتىن جاڭا جىلدىق بەزەندىرۋ سەكىلدى بولسا، ء«سوزىمىزدى سويلەيدى، مۇڭىمىزدى تىڭدايدى، كومەكتەسەدى» دەگەن حالىقتىڭ تىلەگى الگى جىلتىر شوۋلاردىڭ تاساسىندا تۇنشىعىپ قالاتىنى دا جاسىرىپ ەمەس.

بىراق، «توعىز ۇلىم – ءبىر توبە، ەرتوستىگىم ءبىر توبە» دەگەندەي، «قازاقستان» ۇلتتىق ارناسىندا 2012 جىلدىڭ كۇزىنەن باستاپ، اپتاسىنا بەس كۇن ەفيردەن بەرىلىپ كەلە جاتقان «ايتۋعا وڭاي...» توك-شوۋى ەلدەگى تەلەباعدارلامالار اراسىندا توڭكەرىس جاسادى. قازاق تەلەۆيزيا سالاسىنداعى توك-شوۋ تۇسىنىگىنە انىقتاما بەردى. نەسىمەن دەرسىز؟ بۇل ساۋالعا «ايتۋعا وڭاي...»-دىڭ ميلليونداعان كورەرمەندەرىنىڭ ءاربىرى وزىنشە جاۋاپ ايتار. دەگەنمەن، سول جاۋاپتاردىڭ تۇيىسەر تۇسى بىرەۋ – «ايتۋعا وڭاي...» - ءبىزدىڭ ءومىرىمىزدىڭ شىن بەينەسىن، الەۋمەتتىك-تۇرمىستىق جاعدايىمىزدىڭ بوياماسىز شىندىعىن كورسەتتى، ايتا ءبىلدى. باعدارلامانىڭ تۇراقتى كورەرمەنىنىڭ ءبىر رەتىندە مەن دە بۇل سوزگە مەن دە قوسىلام. شىندىعىندا دا، «ايتۋعا وڭاي...» ەفيرگە شىققان بەرگى ۋاقىت ىشىندە ۇلتتىق ارنانىڭ ميلليونداعان كورەرمەنى قوعامداعى بەتى اشىلماعان تالاي شىندىققا، تاعدىر تالكەگىنە تۇسكەن نەبىر ادامداردىڭ ايانىشتى حالىنە، بارلىق سالاداعى قوردالانعان ماسەلەلەردىڭ وتكىر تالقىسىنا كۋا بولدى. باعدارلاماعا قاتىسىپ، ەل الدىندا ءوز ءومىرىنىڭ شىندىعىن جايىپ سالعان تالاي كەيىپكەرمەن بىرگە كورەرمەندەر دە قوسىلا جىلاپ، حابار بارىسىندا ستۋدياداعى قوناقتار تاراپىنان ناقتى كومەك الاتىنىن ەستىگەن كەيىپكەر قۋانعاننان كوزىنە جاس العاندا الىس-جاقىن شەتەلدەگى جانە قازاقستاننىڭ اۋىلدارى مەن اۋداندارىنداعى، قالالارداعى سانسىز كورەرمەن كەيىپكەرمەن قوسا قۋانىپ، ارماندارىنا جەتكەندەي كۇي كەشكەندەرى دە راس. بۇل سوزىمىزگە «ايتۋعا وڭاي...» توك-شوۋىنىڭ رەداكتسياسىنا  - بەيسەن قۇرانبەكتىڭ اتىنا تولاسسىز كەلىپ ءتۇسىپ جاتاتىن حاتتار ايعاق بولا الادى.

بەيسەن قۇرانبەك دەمەكشى، «ايتۋعا وڭاي...» توك-شوۋىنىڭ تىزگىنىن ۇستاعان بەيسەن قۇرانبەك تەك قانا جۇرگىزۋشى عانا ەمەس، باعدارلامانىڭ ىستىعىنا كۇيىپ، سۋىعىنا توڭىپ، جانىن سالىپ قىزمەت ىستەگەن ۇركەردەي شىعارشىلىقتىڭ توپتىڭ ءارى قامقورشىسى ءارى جول نۇسقاپ، باعدار بەرگەن جەتەكشىسى دە بولا ءبىلدى. ال، جۇرگىزۋشى رەتىندە 25 جىلدان استام تەلەجۋرناليستيكادا قىزمەت ەتىپ كەلە جاتقان بەيسەن مىرزا «ايتۋعا وڭاي...» -دىڭ تىنىسىن اشتى. توك-شوۋ جۇرگىزۋشىسى قانداي بولۋى كەرەك دەگەنگە دايىن ۇلگىگە اينالدى. ارينە، «ايتۋعا وڭاي...» - دا بەيسەن قۇرانبەكتىڭ تەلەۆيزياداعى باعىندىرعان بيىكتەرىنىڭ بىرىنە اينالدى. ەگەر مۇنى قىزىل ءسوز دەسەڭىز، ەكى جىل ىشىندەگى باسپاسوزگە كوز جۇگىرتىپ كورسەڭىز بولادى. ءارى قوعامدىق سىيلىقتاردىڭ دا بىرقاتارى بەيسەننىڭ قانجىعاسىنا بايلانۋى دا ءبىزدىڭ ءسوزىمىزدىڭ دالەلى بولسا كەرەك.

ءاربىر باعدارلاما ەفيرگە شىققانعا دەيىن تەكسەرۋ، قاداعالاۋدان وتەتىنى بەلگىلى. بۇعان قوسا، شىعارماشىلىق ۇجىمنىڭ ءار مۇشەسىمەن ءتىل تابىسىپ، ولاردىڭ جۇمىس ىستەۋىنە تولىق جاعداي جاساۋ ءۇشىن جارعاق قۇلاعى جاستىققا تيمەي، ويعا-قىرعا شاپقىلاپ، جۇمىستىڭ جۇيەلى جۇرۋىنە جاۋاپتى ادامدار بولادى. "ايتۋعا وڭاي..."  جوبا قولعا الىنعان ساتتەن باستاپ، كورەرمەننىڭ كوزايىمىنا اينالىپ، اياعىنان تىك تۇرىپ كەتكەنشە، جوعارىدا ايتىلعان، ايتۋعا عانا وڭاي جۇمىستاردىڭ ءبارىن ۇيلەستىرگەن سول كەزدەگى "قازاقستان" ۇلتتىق ارناسى شىعارماشىلىق بىرلەستىگىنىڭ جەتەكشىسى جانار بايسەمىزوۆانىڭ ەڭبەگىن اتاماۋ مۇمكىن ەمەس. جانار قىزمەت بابىمەن استاناعا اۋىسىپ، كەيىن ءوزىنىڭ اۆتورلىق جوباسى "شەتەلدەگى قازاق بالالارى" جوباسىنا كىرىسكەنشە، "ايتۋعا وڭايدىڭ" جۇمىسىن ءار كەز قاداعالاپ، ۇيلەستىرىپ وتىردى. جانار - "ايتۋعا وڭايدىڭ" تەلەارناداعى ادۆوكاتى بولدى دەسەك، ارتىق بولماس.

«ايتۋعا وڭاي...» توك-شوۋىن حالىقتىڭ دارەجەگە كوتەرۋگە كۇش سالعان شىعارماشىلىق ۇجىم تۋرالى ايتپاي كەتۋگە بولمايدى. بۇل تۇستا ەرەكشە ءبىر اتاپ وتەتىن نارسە - شىعارماشىلىق ۇجىم كىلەڭ جاستار. كۇن-ءتۇن دەمەي، تەلەارنادا ءتۇن جاتىپ، ءار حاباردى ەفيرگە ۇسىنعان بۇل ۇجىمنىڭ زور ەڭبەگىن سوزبەن ايتىپ جەتكىزۋ – «ايتۋعا وڭاي...».

باعدارلاما قاتىسقان كەيىپكەرلەردىڭ كوپ بولىگى ءاردايىم قارجىلاي بولماسا ماماندار تاراپىنان ناقتى كومەك الىپ وتىردى. وسى قايىرىمدىلىقتىڭ باسىندا شىعارماشىلىق ۇجىمنىڭ ءوزى تۇردى. جالعىز ايلىققا قاراپ جۇرگەن جاستار تۇرمىسى تومەن، الەۋمەتتىك جاعدايى السىرەپ، بارار جەر، باسار تاۋى قالماعاننان كەيىن ارىز-ارمانىن ارقالاپ «ايتۋعا وڭاي...»-عا كەلگەن ءار كەيىپكەرگە قالتالارىنداعى سوڭعى اقشالارىن جيناپ بەرىپ تۇردى. تاعدىر تاۋقىمەتىن تارتقان ادامدار باعدارلاماعا كەلەر بۇرىن ۇجىمداعى قارشاداي قىزدار كاسىپكەرلەرگە حابارلاسىپ، كەيىركەرگە كومەكتەسۋىن ءوتىنىپ جاتقان كەزدەرىن كوزىمىزبەن كورىپ، قولىمىزبەن ۇستاعان سوڭ، ايتىپ وتىرمىز. ياعني، «ايتۋعا وڭاي...» - دىڭ كورەرمەننىڭ ىقىلاس-پەيىلى ەرەكشە اۋعان باعدارلاما بولۋىندا شىعارماشىلىق ۇجىمنىڭ ءاربىر مۇشەسىنىڭ بيىك ادامگەرشىلىگى، ەڭبەكقورلىعى، مەيىرىم مەن ىزگىلىگى جاتىر. ۇجىمنىڭ وسى قاسيەتىن كىم-كىمدە ۇلگى ەتىپ السا، قوعامعا قوسقان ۇلەسى سانالار ەدى...

 

 

ەكى جىل ىشىندە «ايتۋعا وڭاي...» باعدارلاماسىندا بارىن سالىپ، قىزمەت ەتكەنمەن، تيترعا اتى-جوندەرى شىقپاعان قىز-جىگىتتەر:

ارگەنتينا جانىبەك

ايجان ورىنباي

ايجان راحمەتوۆا

اينۇر قالداربەك

التىن-اي تەلەمگەنوۆا

اينۇر حامەنوۆا

اسلان جۇماباي

ايات مارقاباەۆ

ايدا ساميەۆا

اردابەك سولداتباي

ءاليا قۇدايبەرگەنوۆا

ايگەرىم ءامىروۆا

اسەم المۇحاممەدقىزى

اسەل جاقىپبەكوۆا

اسەم مەرەكەقىزى

باقىتجان بىقين

باۋىرجان جاقانۇلى

باقىت قاسقاراۋىلوۆا

بەيسەن قۇرانبەك

ۆەنەرا سابىروۆا

گۇلزيرا قۇدايبەرگەنوۆا

دارحان جاتقانباەۆ

دارحان ومىربەكوۆ

دانيار مۇستافاەۆ

ەرنار المابەك

ەلزات ەسكەندىر

ەركە بايجىگىتوۆا

ەرجان الداجار

جانار بايسەمىزوۆا

جازيرا بايدالى

جانار ابسادىق

جەڭىسبەك بەلدەۋباي

قۇرمانجان قاسىمجان

قىمبات احمەتوۆا

لاۋرا بيعاليەۆا

ءمولدىر حاميتوۆا

ماۋلەن قاليەۆ

ءنايلا سۇلتان

نازىم قالپەندەنوۆا

نۇربەك ءتۇسىپحان

سالتانات بەكتەمىروۆا

ۇلان الپار

شولپان قاراەۆا

 

«ايتۋعا وڭاي...» تالاي جاننىڭ ءۇمىتىن جاقتى، سۇرىنگەندى دەمەدى، جىلاعاندى ۋاتتى. جەتىمنىڭ جاسىن ءسۇرتتى، ايىرىلعان انا مەن بالانى تابىستىردى، جاقسىلىق پەن ىزگىلىكتىڭ، قايىرىمدىلىقتىڭ جارشىسى، جارقىن ۇلگىسىنە اينالدى.

تومەندە «ايتۋعا وڭاي...» ارقىلى كومەك كورگەن ءبىر ادامنىڭ ءتىزىمىن بەرىپ وتىرمىز!

كۇنى، ايى

اپتا كۇنى

تۇسىرىلگەن تاقىرىپتار

كورسەتىلگەن كومەك

 

10 قىركۇيەك

دۇيسەنبى

اربا سۇيرەگەن اقىن   

ۆوكزالدا كۇنەلتىپ ۆوكزالدا اربا سۇيرەگەن اقىن سابەتاي سىپاتاەۆتىڭ «جەر سالماعى» اتتى ولەڭدەر جيناعىن «قازىعۇرت» باسپاسىنىڭ ديرەكتورى تەمىرعالي كوپباەۆ شىعارىپ بەردى. باس دەمەۋشى قوعام قايراتكەرى – امالبەك تشانوۆ.

 

20 قىركۇيەك

بەيسەنبى

اداسقاندار

باعدارلاماعا قۇربانكۇل ورىسبەكوۆا ءوزىنىڭ كىشى ۇلىن ىزدەپ كەلگەن بولاتىن. قۇربانكۇلدى ستۋديادا بالاسى قۋانىش ورىسبەكوۆپەن كەزدەستى. وتباسىنا ستۋديا قوناقتارى جانە جەكە كاسىپكەر مەدەتحان يگىلىكوۆ 100 مىڭ تەڭگە كولەمىندە اقشالاي كومەك كورسەتتى.

 

27 قىركۇيەك

بەيسەنبى

دارىگەردىڭ قاتەلەسۋگە قاقىسى بار ما؟

 دارىگەر قاتەلىگىنەن مۇگەدەك بولىپ قالعان 3 جاسار ادەمى نۇرىموۆاعا پەدياتر كامال ورمانتاەۆ پروتەز سالىپ بەردى.

 

9 قازان

سەيسەنبى

ءان قالىقتاپ بارادى كوشەمەنەن

كوشە ءانشىسى – ساكەن تالاسباەۆقا قالدىبەك قۇرمانالى قۇجاتتارىن جاساپ بەردى.

 

17 قازان

سارسەنبى

سۇلۋلىق سيندرومى

بالا كەزىندە بەتى تولىق كۇيىپ قالعان شولپان كوبەسوۆاعا بەلگىلى پلاستيكالىق حيرۋرگ ماقان تىنىشباەۆ وتا جاسادى.

 

20 قاراشا

سەيسەنبى

تاسادا قالعان تالانتتار

باعدارالاماعا كەيىپكەر رەتىندە قاتىسقان كومپوزيتور – تەمىرالى باقتىگەرەەۆتىڭ شىعارماشىلىق كونتسەرتىن وسى تاقىرىپقا قوناق رەتىندە قاتىسقان ءانشى، قازاقستاننىڭ ەڭبەك سىڭىرگەن ءارتىسى – سۇلۋشاش نۇرماعامبەتوۆا ۇيىمداستىرىپ بەردى. كەشتى «ايتۋعا وڭاي...» توك-شوۋىنىڭ جۇرگىزۋشىسى – بەيسەن قۇرانبەك جۇرگىزدى.

 

6 جەلتوقسان

بەيسەنبى

تومپاق ماسەلە /سەمىزدىك/  

 «دوكتور گاۆريلوۆ» ورالىعىنىڭ دارىگەرى بالقيا باعداتقىزى ستۋدەنت انار نۇرتاەۆانى تەگىن سالماق تاستاۋعا كومەكتەستى.

 

22 قاڭتار

سەيسەنبى

«دۇنيە ءبىر قيسىق جول بۇراڭداعان...»

قاراقالپاقستاننان كەلگەن تاستاندى بالا – رۇستەم ەرەجەپوۆكە قۇجاتىن دۇرىستاپ، ازاماتتىق الىپ بەردى.

 

 

24 قاڭتار

بەيسەنبى

بۇيرەك – تاپشى، جان ءتاتتى...

كەيىپكەرىمىز – باعداگۇل مۇقاەۆا الماتى وبلىسىنىڭ قابىلداۋىندا بولىپ، مۇگەدەكتىك راسىمدەدى جانە كورەرمەندەر اقشالاي كومەك كورسەتتى. سونداي-اق، قر ەڭبەك سىڭىرگەن مادەنيەت قايراتكەرى مايرا ءىلياسوۆا ۇيعىر اۋدانىندا كونتسەرت ۇيىمداستىرىپ، 450 مىڭ تەڭگە قارجىلاي كومەك كورسەتتى.

 

5 اقپان

سەيسەنبى

ورنىندا بار وڭالار...

ومىردەن وتكەن ونەر يەسى بيعازى تۇتقابەكوۆتىڭ بالالارى الماس بيعازىۇلى

قارلىعاش بيعازىقىزىنا دەپۋتات داۋلەت ابەنوۆ نوۋتبۋك، ەرجان سەرىكباەۆتىڭ بالالارى بەيبارىس سەرىكباەۆ پەن

نۇرجان سەرىكباەۆقا اقشالاي سىيلىق بەرىلدى.

 

7 اقپان

بەيسەنبى

قىزعا قىرىق ۇيدەن تىيىم

ايى-كۇنى جەتىپ وتىرعان سالتانات تورەباەۆاعا گينەكولوگ رايحان سامەدينوۆا مەديتسينالىق كومەك كورسەتسە، كاسىپكەر ءاسيا ادانوۆا ماتەريالدىق كومەك كورسەتتى.

 

19 اقپان

سەيسەنبى

اپكە

ءۇيدىڭ تۇڭعىشى – توعجانعا اقىن قاسىمحان بەگمانوۆ اقشالاي كومەك كورسەتتى. قىزىلوردا وبلىسىنىڭ اكىمى قولداۋ كورسەتىپ، ءۇي الىپ بەردى. سونداي-اق، جەرگىلىكتى كاسىپكەرلەر وتباسىن اقشالاي جانە ازىق-تۇلىكپەن قامتاماسسىز ەتتى.

 

26 اقپان

سەيسەنبى

دەرتىمە داۋا بار ما ەكەن؟..

جازيرا امانوۆانىڭ ۇلى مۇقاساننىڭ ەم-دومىنا كورەرمەندەر اقشالاي كومەك كورسەتتى.

 

14 مامىر

سەيسەنبى

كوزدە-مۇڭ، كوڭىلدە-قاياۋ.../اياۋلىمنىڭ تاعدىرى/

ومارعازيەۆتار وتباسىندا دۇنيەگە كەلگەن باۋىرلارعا تالدىقورعان قالاسىنىڭ تۇرعىنى، كاسىپكەر سەرىك اعاي ءتورت بولمەلى ءۇي سىيلادى.

 

19-ماۋسىم

سارسەنبى

جالعاستىڭ تاعدىرى مەن تالانتى

 

جالعاستىڭ تۋ تۋرالى كۋالىگىنەن باستاپ ەشقانداي قۇجاتى جوق بولاتىن. باعدارلاماعا قاتىسقاننان سوڭ، بارلىق قۇجاتتارىن الدى.باعدارلاماعا كەلگەن نەگىزگى قوناعىمىز «ازاماتتاردى قابىلداۋ جانە قوعامدىق پىكىر قالىپتاستىرۋ ورتالىعىنىڭ» اتقارۋشى ديرەكتورى الميرا ءابدىراشيتتىڭ كومەگى زور بولدى.

 

6 تامىز

سەيسەنبى

ارباعا تاڭىلعان اقىن زاۋرە

زاۋرە وكسىمباەۆا – مۇگەدەك قىز. باعدارلاماعا قاتىسقاننان كەيىن وعان حابارلاسىپ ماتەريالدى تۇردە كومەك كورسەتۋشىلەر بولدى. قارجىلاي، كومپيۋتەر الىپ بەرۋشىلەر بولدى.

 

10 قىركۇيەك

سەيسەنبى

بالالار ومىرىنە بەيقام قارامايىق!

بايقاۋسىزدا ترانسفورماتورعا ءتۇسىپ مۇگەدەك بولىپ قالعان 9 جاسار ساۋلەت پەن ۋلى زات ءىشىپ تاماعىن كۇيدىرىپ العان اسەتكە «اسىل ينۆەست» كاسىپكەرلەر ۇيىمىنىڭ اتىنان 1 000 000 تەڭگە كومەك كورسەتىلدى.

 

18 قىركۇيەك

سارسەنبى

جول اپاتى

امانگۇل وتەۋوۆا. ۇلكەن جول اپاتىنا تۇسكەن. سونىڭ كەسىرىنەن ورنىنان ازەر تۇرىپ قوزعالاتىن. جولداسى دا سول اپاتتا  بولعان. ونىڭ قولى سىنعان. باعدارلاما بارىسىندا كەلگەن تراۆماتولوگ دارىگەرلەر وعان كومەكتەستى. فيزيولوگيالىق ەمدەرىن الىپ جاتىر. شىمكەنتتەن ءبىر سىنىقشى كورەرمەنىمىز حابارلاسقان بولاتىن. سول كىسىنىڭ كومەگىمەن ەكەۋى دە تىك ءجۇرىپ كەتتى. 

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522