جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118004. قايتىس بولعاندار — 1990
جاڭالىقتار 1876 0 پىكىر 14 قاڭتار, 2014 ساعات 03:30

داۋلەتبەك بايتۇرسىنۇلى. قوقىستاعى دومبىرا

كوڭىلىن سازعا قوسقان قوس ىشەكپەن،

عارىشقا اسار ەدى وسى شەكتەن...

كۇمبىرلەپ شاناعىنان كۇي توگىلىپ،

دومبىرا ءوزى شەرتكەن، دوسى شەرتكەن.

 

قازاقپەن بۇل دومبىرا ەگىز ۇعىم،

اۋەنمەن ارلەپ تارتقان ءسوز ۇعىمىن.

كەشپەگەن دومبىرانى قورلاعاندى،

كەشسە دە جەكە باسى كوزى قۇنىن.

 

ال، ەندى، نە بولعانىن بىلەسىڭ بە؟

كورىپ سەن جىلايسىڭ با، كۇلەسىڭ بە؟

ۇيىلگەن قوقىستاردىڭ اراسىندا،

دومبىرا جاتىر سىنىپ كۇرەسىندە.

 

قاراعان ويىنشىق دەپ مۇمكىن ونى،

قالسىن دەپ وسىلايشا كىم تىلەدى!

سانادان سالتقا قۇرمەت وشكەننەن سوڭ،

باسىنا ورنايدى انىق ءتۇن تۇنەگى.

 

سىنسا دا قاپيادان وقياتتان،

ورتەنگەن اڭعال سورلى وت-ۇياتتان.

دومبىرا بۇلىنگەندە، بۇل قازاقتىڭ

كوز جاسى جانارىنان جوسي اققان.

 

دومبىرا – جىر-شەجىرە باستاعان ءان،

ەشقاشان لاقتىرىپ تاستاماعان

نامىسىن تابانىمەن تاپتاپ وتەر،

كوبەيدى وسى كۇندە قاسقا نادان.

 

دومبىرا جاتىر قوقسىق كۇرەسىندە،

بابامنىڭ قالعاندايمىن دۇرەسىندە.

ارلانباي اراسىنان ارشىپ الدىم،

حاقى جوق كۇي وشۋگە، جىر وشۋگە!

Abai.kz

كوڭىلىن سازعا قوسقان قوس ىشەكپەن،

عارىشقا اسار ەدى وسى شەكتەن...

كۇمبىرلەپ شاناعىنان كۇي توگىلىپ،

دومبىرا ءوزى شەرتكەن، دوسى شەرتكەن.

 

قازاقپەن بۇل دومبىرا ەگىز ۇعىم،

اۋەنمەن ارلەپ تارتقان ءسوز ۇعىمىن.

كەشپەگەن دومبىرانى قورلاعاندى،

كەشسە دە جەكە باسى كوزى قۇنىن.

 

ال، ەندى، نە بولعانىن بىلەسىڭ بە؟

كورىپ سەن جىلايسىڭ با، كۇلەسىڭ بە؟

ۇيىلگەن قوقىستاردىڭ اراسىندا،

دومبىرا جاتىر سىنىپ كۇرەسىندە.

 

قاراعان ويىنشىق دەپ مۇمكىن ونى،

قالسىن دەپ وسىلايشا كىم تىلەدى!

سانادان سالتقا قۇرمەت وشكەننەن سوڭ،

باسىنا ورنايدى انىق ءتۇن تۇنەگى.

 

سىنسا دا قاپيادان وقياتتان،

ورتەنگەن اڭعال سورلى وت-ۇياتتان.

دومبىرا بۇلىنگەندە، بۇل قازاقتىڭ

كوز جاسى جانارىنان جوسي اققان.

 

دومبىرا – جىر-شەجىرە باستاعان ءان،

ەشقاشان لاقتىرىپ تاستاماعان

نامىسىن تابانىمەن تاپتاپ وتەر،

كوبەيدى وسى كۇندە قاسقا نادان.

 

دومبىرا جاتىر قوقسىق كۇرەسىندە،

بابامنىڭ قالعاندايمىن دۇرەسىندە.

ارلانباي اراسىنان ارشىپ الدىم،

حاقى جوق كۇي وشۋگە، جىر وشۋگە!

Abai.kz

0 پىكىر