دۇيسەنبى, 20 مامىر 2024
جاڭالىقتار 3923 0 پىكىر 13 قاڭتار, 2014 ساعات 07:30

ءماۋلىت مەرەكەسى قۇتتى بولسىن!

قادىرمەندى باۋىرلار!

كۇللى مۇسىلمان قاۋىمى ادامزاتتىڭ ابزالى بولعان، ەكى دۇنيەنىڭ ساردارى پايعامبارىمىز مۇحاممەدتىڭ (س.ع.س.) تۋعان ايى – ءماۋلىت مەرەكەسىن ءتالىم مەن تاربيەگە تولى رۋحاني باسقوسۋلاردا اتاپ وتۋدە. مەشىتتەرىمىزدە اللاعا ماداق، پايعامبارىمىزعا (س.ع.س.) سالاۋات ايتىلىپ، تاۋەلسىز ەلىمىزدىڭ رۋحاني تۇتاستىعى مەن حالىقتار بىرلىگى ءۇشىن دۇعا جاسالۋدا. جەر-جەردە ساۋاپتى دا، سالاۋاتتى ءىس-شارا – ءماۋلىت كەشىن ۇيىمداستىرۋ جالعاسىن تاۋىپ كەلەدى.       

ءماۋلىت ارابشا «تۋىلۋ»، «تۋىلعان ۋاقىتى» دەگەن ماعىنالاردى بىلدىرەدى. ادامزاتتىڭ اسىلى، پايعامبارلاردىڭ ارداقتىسى مۇحاممەدتىڭ (س.ع.س.) تۋعان ۋاقىتىنا بايلانىستى تويلاناتىن مەيرام - ءماۋلىت مەرەكەسى دەپ اتالادى. قيامەت كۇنگى شاپاعاتشىمىز، ۇلى ۇستازىمىز، جولباسشىمىز پايعامباردىڭ (س.ع.س.) تۋعان كۇنىن اتاپ ءوتۋ – قۇپتارلىق جاقسى امال.

مۇسىلمانداردىڭ ومىرىندەگى باستى يدەال بولۋى ءتيىس پايعامباردىڭ (س.ع.س.) ونەگەلى ءومىرى مەن وسيەتىن، تاعىلىمى تولاسسىز عيبراتتى عۇمىرىن حالقىمىزعا ناسيحاتتاۋ – بارشاعا ورتاق يگى ءىس. بۇل ءدىنىمىزدى ناسيحاتتاۋدىڭ، جاس ۇرپاقتى يماندىلىققا، جاقسى مىنەز-قۇلىققا شاقىرۋدىڭ ورايلى ءبىر ءساتى.

قادىرمەندى باۋىرلار!

كۇللى مۇسىلمان قاۋىمى ادامزاتتىڭ ابزالى بولعان، ەكى دۇنيەنىڭ ساردارى پايعامبارىمىز مۇحاممەدتىڭ (س.ع.س.) تۋعان ايى – ءماۋلىت مەرەكەسىن ءتالىم مەن تاربيەگە تولى رۋحاني باسقوسۋلاردا اتاپ وتۋدە. مەشىتتەرىمىزدە اللاعا ماداق، پايعامبارىمىزعا (س.ع.س.) سالاۋات ايتىلىپ، تاۋەلسىز ەلىمىزدىڭ رۋحاني تۇتاستىعى مەن حالىقتار بىرلىگى ءۇشىن دۇعا جاسالۋدا. جەر-جەردە ساۋاپتى دا، سالاۋاتتى ءىس-شارا – ءماۋلىت كەشىن ۇيىمداستىرۋ جالعاسىن تاۋىپ كەلەدى.       

ءماۋلىت ارابشا «تۋىلۋ»، «تۋىلعان ۋاقىتى» دەگەن ماعىنالاردى بىلدىرەدى. ادامزاتتىڭ اسىلى، پايعامبارلاردىڭ ارداقتىسى مۇحاممەدتىڭ (س.ع.س.) تۋعان ۋاقىتىنا بايلانىستى تويلاناتىن مەيرام - ءماۋلىت مەرەكەسى دەپ اتالادى. قيامەت كۇنگى شاپاعاتشىمىز، ۇلى ۇستازىمىز، جولباسشىمىز پايعامباردىڭ (س.ع.س.) تۋعان كۇنىن اتاپ ءوتۋ – قۇپتارلىق جاقسى امال.

مۇسىلمانداردىڭ ومىرىندەگى باستى يدەال بولۋى ءتيىس پايعامباردىڭ (س.ع.س.) ونەگەلى ءومىرى مەن وسيەتىن، تاعىلىمى تولاسسىز عيبراتتى عۇمىرىن حالقىمىزعا ناسيحاتتاۋ – بارشاعا ورتاق يگى ءىس. بۇل ءدىنىمىزدى ناسيحاتتاۋدىڭ، جاس ۇرپاقتى يماندىلىققا، جاقسى مىنەز-قۇلىققا شاقىرۋدىڭ ورايلى ءبىر ءساتى.

الەمدەردىڭ راببىسى قاسيەتتى قۇراندا پايعامبارىمىزدى (س.ع.س.): «شىن مانىندە سەن البەتتە ۇلى مىنەزگە يەسىڭ» (قالام سۇرەسى، 4-ايات), – دەپ سيپاتتاسا، تاعى ءبىر اياتتا بارشا ادامزاتتى اللا ەلشىسىنەن (س.ع.س.) ونەگە الۋعا شاقىرادى: «راسىندا سەندەر ءۇشىن، اللانى دا اقىرەت كۇنىن دە ءۇمىت ەتكەندەر جانە اللانى كوپ ەسكە العان كىسىلەر ءۇشىن اللانىڭ ەلشىسىندە كوركەم ونەگەلەر بار» (احزاب سۇرەسى، 21-ايات). 

ولاي بولسا، بۇكىل عالامعا مەيىرىم رەتىندە جىبەرىلگەن ەلشىنىڭ (س.ع.س.) ەسىمىن ارداقتاۋ، سۇننەتىنە امال ەتۋ – ساۋاپتى ءىس. اقيقاتىندا، اللا ەلشىسى (س.ع.س.) جانى جاي تاپقانشا ۇممەتىنە دەگەن ۇگىتىن ەش ۇزبەدى، كوڭىلدەردەگى كىردى، قايعى-قاسىرەتتى كەتىردى، ءالسىزدى دەمەدى، شەكتەن اسقاندى ساباسىنا ءتۇسىردى، كۇللى ادامزاتتىڭ رۋحاني الەمىن ءدۇر سىلكىندىردى، زۇلىمدىق پەن ناداندىقتىڭ قاراڭعىلىعىن سەيىلتتى، ىزىنە ەرگەن ىزگىلەردى جاقسىلىققا جۇمىلدىرىپ، جارقىن بولاشاققا باستادى. ۇممەتىنە، ياعني ءسىز بەن بىزگە ءپاني دۇنيەدە باعدارشىمىز بولاتىن اللانىڭ كالامى قۇران كارىم مەن ءوزىنىڭ (س.ع.س.) جان ادام اداسپايتىن سارا جولى – سۇننەتىن قالدىردى. ونى (س.ع.س.) دوسىمەن قاتار دۇشپانى دا مويىندادى.

ارداقتى اعايىن!

شاراپاتى مول ءماۋلىت مەرەكەسى ءبىزدىڭ حالقىمىزعا دا قۇتتى بولسىن! وسىناۋ ايتۋلى مەيرامنىڭ اياسىندا اللا ەلشىسىن (س.ع.س.) كوبىرەك تانىپ، وسيەتتەرىن تەرەڭىرەك ءتۇسىنۋدى  ءناسىپ ەتسىن. وسى مەرەكە ادامدار اراسىنداعى راقىم-مەيىرىمنىڭ، يماندىلىقتىڭ، باۋىرمالدىقتىڭ ارتا تۇسۋىنە ءبىر سەپ بولعاي. پايعامباردىڭ (س.ع.س.) امىرىنە مويىنسۇنىپ، تىيىمىنان تىيىلۋعا تۇرتكى بولعاي.

ءماۋلىت ايىندا اللانى ماداقتاپ، پايعامبارعا (س.ع.س.) سالاۋات ايتىپ، وزگەلەرگە جاقسىلىق جاساۋدىڭ ساۋابى تەڭدەسسىز. قۇران وقىپ، اللا ەلشىسىنىڭ (س.ع.س.) ءومىرى مەن ونەگەسى جايلى كىتاپ وقۋدىڭ دا مۇسىلمانعا بەرەرى مول.

اللا تاعالا ەلىمىزگە، جەرىمىزگە بەرەكەتىن جاۋدىرىپ، حالقىمىزدىڭ كەڭ پەيىلى مەن ىزگى نيەتىنە ساي، بىرلىگىمىزگە سىزات تۇسىرمەي، جاقسىلىعىن ءناسىپ ەتكەي! تاۋەلسىزدىگىمىزدىڭ تۇعىرى بيىك، مەملەكەتىمىزدىڭ مەرەيى ۇستەم، ەلىمىزدىڭ ەگەمەندىگى باياندى بولعاي!

جاراتۋشى يەمىز بارشامىزدى جاقسىلىقتا، ساۋاپتى ىستەردە، ەل يگىلىگى جولىنداعى جۇمىستاردا، بەرەكەلى باسقوسۋلاردا جولىقتىرعاي! ەكى دۇنيەدە دە ءجۇزىمىز جارقىن، مۇراتىمىز اسىل، دۇعامىز قابىل بولعاي!

ەرجان قاجى مالعاجىۇلى،

قازاستان مۇسىلماندارى ءدىني

باسقارماسىنىڭ توراعاسى، باس ءمۇفتي

 

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2172
ادەبيەت

«سولاي ەمەس پە؟»

عابباس قابىشۇلى 2573
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2459
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672