جۋىردا باق وكىلدەرىمەن وتكەن بريفينگتە بەينەۋ اۋدانىنىڭ اكىمى باسشى ءازىرحانوۆ: سوڭعى 9 ايدا اتقارىلعان جۇمىستار قورىتىندىسىمەن تانىستىردى.  

بيىل اۋدان بيۋدجەتى 6,2 ملرد.تەڭگەنى قۇرادى، بۇل وتكەن جىلمەن سالىستىرعاندا 1,7 پايىزعا كوپ. سوڭعى 9 ايدا قاراجاتتىڭ شىعىندارى 99,5% ورىندالدى. ءبىلىم بەرۋگە 61,6%، الەۋمەتتىك قورعاۋعا 5,9%، مادەنيەت پەن سپورتقا 2,8%، تۇرعىن ءۇي-كوممۋنالدىق شارۋاشىلىق پەن كولىك جانە كوممۋنيكاتسيانى دامىتۋعا 20,2%، مەملەكەتتىك قىزمەت جانە باسقا دا شىعىندارعا 6% جۇمسالعان.

ب.ءازىرحانوۆتىڭ سوزىنشە، بەينەۋگە جىل باسىنان بەرى 488 ادامى بار 97 وتباسى كوشىپ كەلگەن. حالىق كوبەيگەن سوڭ، اۋداندا جۇمىس ورىندارى دا كوپتەپ اشىلعان. سوڭعى مالىمەتتەر بويىنشا، جىل باسىنان بەرى جاڭادان 2273 جۇمىس ورنى پايدا بولعان. 1563 ادام تۇراقتى جۇمىسپەن قامتىلسا، 355 ادام اقىلى قوعامدىق جۇمىسقا تارتىلىپ، 161 ادام الەۋمەتتىك جۇمىس ورىندارىنا جىبەرىلدى. «جۇمىسپەن قامتۋ-2020» باعدارلاماسىن جۇزەگە اسىرۋ ءۇشىن اۋداندا 5 رەت بوس جۇمىس ورىندارىنىڭ جارمەڭكەسى ءوتىپ، وندا جۇمىسسىزدار مەكەمە وكىلدەرىمەن تىلدەسىپ قانا قويماي، ءوز ءىسىن اشۋعا نەسيە الدى.

جۋىردا باق وكىلدەرىمەن وتكەن بريفينگتە بەينەۋ اۋدانىنىڭ اكىمى باسشى ءازىرحانوۆ: سوڭعى 9 ايدا اتقارىلعان جۇمىستار قورىتىندىسىمەن تانىستىردى.  

بيىل اۋدان بيۋدجەتى 6,2 ملرد.تەڭگەنى قۇرادى، بۇل وتكەن جىلمەن سالىستىرعاندا 1,7 پايىزعا كوپ. سوڭعى 9 ايدا قاراجاتتىڭ شىعىندارى 99,5% ورىندالدى. ءبىلىم بەرۋگە 61,6%، الەۋمەتتىك قورعاۋعا 5,9%، مادەنيەت پەن سپورتقا 2,8%، تۇرعىن ءۇي-كوممۋنالدىق شارۋاشىلىق پەن كولىك جانە كوممۋنيكاتسيانى دامىتۋعا 20,2%، مەملەكەتتىك قىزمەت جانە باسقا دا شىعىندارعا 6% جۇمسالعان.

ب.ءازىرحانوۆتىڭ سوزىنشە، بەينەۋگە جىل باسىنان بەرى 488 ادامى بار 97 وتباسى كوشىپ كەلگەن. حالىق كوبەيگەن سوڭ، اۋداندا جۇمىس ورىندارى دا كوپتەپ اشىلعان. سوڭعى مالىمەتتەر بويىنشا، جىل باسىنان بەرى جاڭادان 2273 جۇمىس ورنى پايدا بولعان. 1563 ادام تۇراقتى جۇمىسپەن قامتىلسا، 355 ادام اقىلى قوعامدىق جۇمىسقا تارتىلىپ، 161 ادام الەۋمەتتىك جۇمىس ورىندارىنا جىبەرىلدى. «جۇمىسپەن قامتۋ-2020» باعدارلاماسىن جۇزەگە اسىرۋ ءۇشىن اۋداندا 5 رەت بوس جۇمىس ورىندارىنىڭ جارمەڭكەسى ءوتىپ، وندا جۇمىسسىزدار مەكەمە وكىلدەرىمەن تىلدەسىپ قانا قويماي، ءوز ءىسىن اشۋعا نەسيە الدى.

بيىلعى جىلى اۋداندا بىرنەشە الەۋمەتتىك نىساندار بوي كوتەرگەن. ءبىلىم سالاسى بويىنشا اۋداندا 624 ورىندىق «سام» ورتا مەكتەبى مەن ماناشى ورتا مەكتەبىنىڭ 6 كلاستىق قوسىمشا قۇرىلىسى جاڭا وقۋ جىلىنا پايدالانۋعا بەرىلدى. سونداي-اق مەكتەپ وقۋشىلارىنا قوسىمشا ءبىلىم بەرۋ باعدارلامالارىن ىسكە اسىراتىن «دارىن» ورتالىعىنا «شاپاعات» قايىرىمدىلىق قورىنىڭ دەمەۋشىلىگىمەن جاڭا عيمارات سالىنىپ بەردى. 7 اۋىلداعى ورتا مەكتەپ پەن بالاباقشا بىرىكتىرىلىپ «مەكتەپ-بالاباقشا» بولىپ قايتا قۇرىلدى. دەنساۋلىق ساقتاۋ بويىنشا جاقىندا «اتامەكەن» شاعىن اۋدانىندا دارىگەرلىك امبۋلاتوريا عيماراتىنىڭ قۇرىلىسى پايدالانۋعا بەرىلمەك. اۋداندىق اۋرۋحانا مەن بۇرىنعى تۋبەركۋلەز اۋرۋحاناسىنان بوساعان عيماراتتارعا كۇردەلى جوندەۋ جۇمىستارى جۇرگىزىلدى. سوڭعى عيمارات «ورتالىق ەمحانا» بولىپ اشىلادى دەپ كۇتىلۋدە.

بريفينگ سوڭىندا بەينەۋ اۋدانىنىڭ باسشىسى اۋىز سۋ ماسەلەسى جونىندە ءسوز قوزعاپ، قازىرگى تاڭدا تاجەن سەلوسىندا سىيىمدىلىعى 50 تەكشە مەترلىك سۋ ساقتايتىن رەزەرۆۋار سالىنىپ، اۋىل تولىقتاي سۋلاندىرىلعانىن، اقجىگىت پەن سىڭعىرلاۋ اۋىلدارىندا سەلو ىشىلىك سۋ قۇبىرىن تارتۋ جۇمىستارى جۇرگىزىلىپ جاتقانىن اتاپ ءوتتى. سونداي-اق قۇنى 4,2 ملرد. تەڭگە بولاتىن بەينەۋ سەلوسىن سۋلاندىرۋ جۇيەسى مەن قۇنى 2,2 ملرد. تەڭگە بولاتىن قۋاتتى سۋ تازارتۋ قوندىرعىسىنىڭ جوبالىق-سمەتالىق قۇجاتتارى جاساقتالىپ، ءتيىستى مينيسترلىكتەرگە تاپسىرىلعاندىعىن ايتتى.