دۇيسەنبى, 10 تامىز 2020
COVID-19 قازاقستاندا. جۇقتىرعاندار — 99442. جازىلعاندار — 72523. قايتىس بولعاندار — 1058
جاڭالىقتار 3962 0 پىكىر 31 قازان, 2013 ساعات 19:45

ءدىني ەكسترەميزمگە جول جوق!

قاراشانىڭ العاشقى كۇنى اۋداندىق مادەنيەت ۇيىندە «ءدىني ەكسترەميزمنىڭ الدىن الۋ جانە جاستاردى يماندىلىققا تاربيەلەۋ» تاقىرىبىمەن اۋداندىق كونفەرەنتسيا بولىپ ءوتتى. كونفەرەنتسياعا جەرگىلىكتى اتقارۋشى جانە قۇزىرلى ورگانداردىڭ وكىلدەرى، اۋدان يمامدارى، ارداگەرلەر، ۋچاسكەلىك، مەكتەپ ينسپەكتورلارى، ءبىلىم بەرۋ، ۇكىمەتتىك ەمەس ۇيىمدار، بۇقارالىق اقپاراتتىق قۇرال وكىلدەرى، جاستار، شىراقشىلار مەن قاراۋشىلار، بارلىعى 230 دەلەگات قاتىناستى.
كونفەرەنتسيانى اۋدان اكىمى تەمىربەك اساۋوۆ اشىپ، وبلىستان كەلگەن قوناقتارمەن، كونفەرەنتسيانىڭ كۇن تارتىبىمەن تانىستىردى. اۋدان اكىمى ت.اساۋوۆ قىسقاشا ءسوز سويلەگەننەن كەيىن كونفەرەنتسيانىڭ نەگىزگى ماقساتىن اتاپ ءوتتى. ياعني: ساياسي، الەۋمەتتىك-ەكونوميكالىق دامۋدا ءدىني يدەولوگيانىڭ ۇلت، قوعام ومىرىندە ءار ءتۇرلى قىزمەت اتقارىپ وتىرعاندىعىن، سونىڭ شىندە ءبىزدىڭ جاستارىمىزدىڭ قازىرگى ومىرگە، دىنگە دەگەن كوزقاراسىن ناقتىلاپ، جاستار ماسەلەسىمەن تىكەلەي اينالىساتىن، بەي-جاي قالمايتىن تۇلعالاردىڭ باسىن قوسىپ، جاستارىمىزدى ءدىني ەكسترەميزمنىڭ ارباۋىنان ساقتاۋ، بويلارىنا يماندىلىق دارىتۋ. ءدىن اتىن جامىلعان ەكسترەميستىك يدەولوگيانىڭ تارالۋىنا جول بەرمەۋ.

قاراشانىڭ العاشقى كۇنى اۋداندىق مادەنيەت ۇيىندە «ءدىني ەكسترەميزمنىڭ الدىن الۋ جانە جاستاردى يماندىلىققا تاربيەلەۋ» تاقىرىبىمەن اۋداندىق كونفەرەنتسيا بولىپ ءوتتى. كونفەرەنتسياعا جەرگىلىكتى اتقارۋشى جانە قۇزىرلى ورگانداردىڭ وكىلدەرى، اۋدان يمامدارى، ارداگەرلەر، ۋچاسكەلىك، مەكتەپ ينسپەكتورلارى، ءبىلىم بەرۋ، ۇكىمەتتىك ەمەس ۇيىمدار، بۇقارالىق اقپاراتتىق قۇرال وكىلدەرى، جاستار، شىراقشىلار مەن قاراۋشىلار، بارلىعى 230 دەلەگات قاتىناستى.
كونفەرەنتسيانى اۋدان اكىمى تەمىربەك اساۋوۆ اشىپ، وبلىستان كەلگەن قوناقتارمەن، كونفەرەنتسيانىڭ كۇن تارتىبىمەن تانىستىردى. اۋدان اكىمى ت.اساۋوۆ قىسقاشا ءسوز سويلەگەننەن كەيىن كونفەرەنتسيانىڭ نەگىزگى ماقساتىن اتاپ ءوتتى. ياعني: ساياسي، الەۋمەتتىك-ەكونوميكالىق دامۋدا ءدىني يدەولوگيانىڭ ۇلت، قوعام ومىرىندە ءار ءتۇرلى قىزمەت اتقارىپ وتىرعاندىعىن، سونىڭ شىندە ءبىزدىڭ جاستارىمىزدىڭ قازىرگى ومىرگە، دىنگە دەگەن كوزقاراسىن ناقتىلاپ، جاستار ماسەلەسىمەن تىكەلەي اينالىساتىن، بەي-جاي قالمايتىن تۇلعالاردىڭ باسىن قوسىپ، جاستارىمىزدى ءدىني ەكسترەميزمنىڭ ارباۋىنان ساقتاۋ، بويلارىنا يماندىلىق دارىتۋ. ءدىن اتىن جامىلعان ەكسترەميستىك يدەولوگيانىڭ تارالۋىنا جول بەرمەۋ.
كونفەرەنتسيادا فورت-شەۆچەنكو ورتالىق مەشىتىنىڭ يمامى وپا قاجى ءجۇسىپ «عايبات ايتۋ - قاعبانى بۇزعاننان دا اۋىر كۇنا»، «ءال-فاتيما» قايرىمدىلىق قورىنىڭ ءتورايىمى كۇنزيلا ءامين «ايەل جانە ءدىن»، وبلىستىق ىشكى ساياسات باسقارماسىنىڭ ءبولىم باسشىسى يسا ەسەنالى «قازاقستانداعى يسلام ءدىنىنىڭ دامۋ ەرەكشەلىگى»، «POSITIVE AKTAU” جاستار قوعامدىق قورىنىڭ ديرەكتورى اريف احمەدوۆ «دەسترۋكتيۆتى ءدىني اعىمداردان زارداپ شەككەندەرمەن جۇمىس جۇرگىزۋ ءادىسى»، وبلىستىق جاستار ساياساتى ماسەلەسى باسقارماسىنىڭ باسشىسى باۋىرجان تۇياقوۆ «يماندى جاستار - مەملەكەت تىرەگى»، «تۇپقاراعان اۋداندىق ازاماتتىق باستاما» قوعامدىق بىرلەستىگىنىڭ ءتورايىمى گۇلسىم راماشەۆا «ۇكىمەتتىك ەمەس ۇيىم جانە جاستاردى يماندىلىققا تاربيەلەۋ»، اۋداندىق ءبىلىم ءبولىمىنىڭ باسشىسى ايبارشىن وتەسباەۆا «ءداستۇرلى ەمەس ءدىني اعىمدارعا قارسى جاستاردىڭ قۇقىقتىق جانە ءدىني ساۋاتتىلىعىن ارتتىرۋ ماسەلەسى»، وبلىستىق ءدىني ىستەر دەپارتامەنتى ديرەكتورىنىڭ مىندەتىن اتقارۋشى ەرلان ەسبەرگەنوۆ «ءدىني ەكسترەميزمگە جول بەرمەۋ – باستى مىندەت» تاقىرىپتارىندا باياندامالار جاسادى. سول سياقتى مۇنايلى اۋدانىنىڭ يمامى ايدوس مۇتاشەۆ سويلەگەن سوزىندە پايعامبارىمىز مۇحاممەدتىڭ (س.ع.س.) حاديستەرى مەن وسى قازىرگى جاعدايلاردان مىسالدار كەلتىرە وتىرىپ، ءابۋ حانيفا مازحابىن ۇستانىپ، جات اعىمداردان اۋلاق بولۋ تۋرالى جاقسى پىكىرىن ءبىلدىردى. اۋدان باسشىسى كونفەرەنتسيانى قورىتىندىلاپ ءسوز سويلەگەننەن كەيىن ۇندەۋ قابىلداندى.
كونفەرەنتسيا بارىسىندا جالپى جاستار مەن جاسوسپىرىمدەردىڭ اراسىندا وسىنداي تاقىرىپتار نەگىزىندە كوپتەگەن كەزدەسۋلەر وتكىزۋ، ءدىني بىلىمدەرىن تولىقتىرۋ، قايدا بولماسىن ءدىن جولىن ۇستانام دەگەن جاستارعا مەشىتكە بارىپ، يمامداردان ساباق الۋ، بىلمەگەنىن سۇراۋ، ۇيرەنۋ كەرەكتىگى، باسقا ادامداردىڭ جەتەگىنە، باسقا اعىمدارعا ەرىپ كەتپەۋ، وسى باستان ولاردان اۋلاق بولۋ، اتا-انانى سىيلاۋمەن قاتار اتا-بابامىزدىڭ ۇستاعان ءدىنى مەن جولىن، سالت-ءداستۇرىن ۇستانۋ، ودان تايماۋ، ەلباسىمىز ءاردايىم قايتالاپ ايتىپ جۇرگەندەي، حالىقتار اراسىندا اۋىزبىرلىك پەن ىنتىماقتى، ۇلتتىق قۇندىلىقتاردى ساقتاۋ، تۋىسقاندىق، باۋىرمالدىققا باۋليتىن قاعيداتتاردى بويلارىنا ءسىڭىرۋ، ەل قاۋىپسىزدىگىنە نۇقسان كەلەتىن، قاۋىپ توندىرەتىن جاعدايلاردان اۋلاق بولۋ تۋرالى كوپتەگەن قۇندى پىكىرلەر ايتىلدى. ءبىزدىڭ ويىمىزشا كونفەرەنتسيا ءوز ماقساتىنا جەتتى دەپ ەسەپتەدىك.
Abai.kz

0 پىكىر